https://arm.sputniknews.ru/20240519/erekhaneri-nkatmamb-brnutjan-aghmkaharujc-depqer-vortegh-en-hima-ajd-erekhanery-75972749.html
Երեխաների նկատմամբ բռնության աղմկահարույց դեպքեր. որտե՞ղ են հիմա այդ երեխաները
Երեխաների նկատմամբ բռնության աղմկահարույց դեպքեր. որտե՞ղ են հիմա այդ երեխաները
Sputnik Արմենիա
Վերջին տարիների ընթացքում Հայաստանում երեխաների նկատմամբ տեղի ունեցած բռնության մի քանի դեպքերը բառացիորեն փոթորկել են հասարակությունը: Sputnik Արմենիան պարզել... 19.05.2024, Sputnik Արմենիա
2024-05-19T19:04+0400
2024-05-19T19:04+0400
2024-05-19T19:05+0400
երեխա
բռնություն
ընտանեկան բռնություն
https://cdn.am.sputniknews.ru/img/2261/37/22613780_0:51:1103:671_1920x0_80_0_0_497d4d231b748bf5df7d00cb22fb751a.jpg
Գավառի դեպքը 2023 թ-ի օգոստոսինՕգոստոսի 18-ին համացանցում տարածվեց շոկային տեսանյութ, որտեղ 34-ամյա Աննա Արևշատյանը տեսախցիկի առջև հարվածներ է հասցնում դստերը, ապա մերկացնում նրան: Գործի նյութերի համաձայն՝ Գավառում բնակվող կինը ծեծի է ենթարկել իր երեխային, ստիպել կատարել սեռական բնույթի գործողություններ, ինչպես նաև ստիպել է իր մյուս երեխաներին պոռնոգրաֆիկ տեսանյութեր նկարահանել:Մեր հարցմանը Աշխատանքի ու սոցիալական հարցերի նախարարությունից պատասխանել են, որ Արևշատյանի 4 երեխաները գտնվում են Երևանի երեխաների պաշտպանության կենտրոնում: Ամենափոքրը, տարիքով պայմանավորված, տեղափոխվել է Երևանի «Մանկան տուն». այս կազմակերպությունը նախատեսված է մինչև 6 տարեկան երեխաների համար:Խաշթառակի դեպքը 2020 թ-ի օգոստոսինՕգոստոսի 18-ին Հակոբջանյանների ընտանիքի երկու երեխաները ծանր ծեծի ենթարկվելու հետևանքով տեղափոխվել են Երևանի բժշկական կենտրոն: Նրանցից մեկը՝ 6-ամյա Սերգեյը, հետագայում մահացել է։ Ծեծելու կասկածանքով ձերբակալվել է նրանց պապը ՝ 57-ամյա Սամվել Հակոբջանյանը։ Մեղադրանք է առաջադրվել նաև նրա դստերը՝ մահացած տղայի մորաքրոջը և ծեծված երկրորդ երեխայի մորը՝ 28-ամյա Մարիաննային: Օգոստոսի 20-ին ընտանիքի մնացած անդամները թունավորվել էին մկնդեղից. 5 երեխա հոսպիտալացվել էր:«Հակոբջանյանների ընտանիքի բոլոր երեխաները, բացի մեկից, այժմ գտնվում են Իջևանի SOS մանկական գյուղում։ Երեխաներից մեկը գտնվում է «Մարի Իզմիրլյանի անվան մանկատուն» ՊՈԱԿ-ում՝ առողջական խնդիրների հետ կապված», - պատասխանել են Աշխատանքի ու սոցիալական հարցերի նախարարությունից:Գյումրու դեպքը 2020 թ-ի մարտինՄարտի 5-ին Գյումրու տներից մեկում հայտնաբերվել է ծեծված աղջիկ՝ 13-ամյա Նազելի Խաչատրյանը: Այնտեղ հայտնաբերվել է նաև նրա մոր՝ 43-ամյա Մարիամ Խաչատրյանի դին՝ բռնության հետքերով։ Նշված հանցագործությունները կատարելու կասկածանքով ձերբակալվել է 28-ամյա տղամարդ՝ Խաչատրյանի ընկերը:Մոր մահից հետո աղջիկը որբ էր մնացել։«Շիրակի մարզպետի աշխատակազմից ստացված տվյալների համաձայն՝ ի սկզբանե խնամակալ է ճանաչվել երեխայի հորաքույրը, այնուհետև՝ նրա չափահաս դարձած եղբայրը», - հայտնեցին աշխատանքի նախարարությունից:Հիշեցնենք, որ աղջկան նախ տեղափոխել էին Գյումրու հիվանդանոցներից մեկը, իսկ հետո տեղափոխել Երևան: Նա հինգ օր անգիտակից վիճակում գտնվում էր վերակենդանացման բաժանմունքում. հիվանդանոց էր ընդունվել գլխուղեղի, կրծքավանդակի և որովայնի բազմաթիվ վնասվածքներով, ինչպես նաև անրակի կոտրվածքով։ Եռամսյա բուժումից հետո նա դուրս է գրվել։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Լիլիթ Հարությունյան
https://cdn.am.sputniknews.ru/img/571/40/5714017_266:0:1334:1068_100x100_80_0_0_a1465eaabaa7263ce5e52223ed2d2950.jpg
Լիլիթ Հարությունյան
https://cdn.am.sputniknews.ru/img/571/40/5714017_266:0:1334:1068_100x100_80_0_0_a1465eaabaa7263ce5e52223ed2d2950.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Լիլիթ Հարությունյան
https://cdn.am.sputniknews.ru/img/571/40/5714017_266:0:1334:1068_100x100_80_0_0_a1465eaabaa7263ce5e52223ed2d2950.jpg
երեխա, բռնություն, ընտանեկան բռնություն
երեխա, բռնություն, ընտանեկան բռնություն
Երեխաների նկատմամբ բռնության աղմկահարույց դեպքեր. որտե՞ղ են հիմա այդ երեխաները
19:04 19.05.2024 (Թարմացված է: 19:05 19.05.2024) Վերջին տարիների ընթացքում Հայաստանում երեխաների նկատմամբ տեղի ունեցած բռնության մի քանի դեպքերը բառացիորեն փոթորկել են հասարակությունը: Sputnik Արմենիան պարզել է, թե որտեղ են գտնվում մեծահասակների հրեշավոր պահվածքի հետևանքով տուժած երեխաները։
Գավառի դեպքը 2023 թ-ի օգոստոսին
Օգոստոսի 18-ին համացանցում տարածվեց շոկային տեսանյութ, որտեղ 34-ամյա Աննա Արևշատյանը տեսախցիկի առջև հարվածներ է հասցնում դստերը, ապա մերկացնում նրան: Գործի նյութերի համաձայն՝ Գավառում բնակվող կինը ծեծի է ենթարկել իր երեխային, ստիպել կատարել սեռական բնույթի գործողություններ, ինչպես նաև ստիպել է իր մյուս երեխաներին պոռնոգրաֆիկ տեսանյութեր նկարահանել:
Մեր հարցմանը Աշխատանքի ու սոցիալական հարցերի նախարարությունից պատասխանել են, որ Արևշատյանի 4 երեխաները գտնվում են Երևանի երեխաների պաշտպանության կենտրոնում: Ամենափոքրը, տարիքով պայմանավորված, տեղափոխվել է Երևանի «Մանկան տուն». այս կազմակերպությունը նախատեսված է մինչև 6 տարեկան երեխաների համար:
Խաշթառակի դեպքը 2020 թ-ի օգոստոսին
Օգոստոսի 18-ին Հակոբջանյանների ընտանիքի երկու երեխաները ծանր ծեծի ենթարկվելու հետևանքով տեղափոխվել են Երևանի բժշկական կենտրոն: Նրանցից մեկը՝ 6-ամյա Սերգեյը, հետագայում մահացել է։ Ծեծելու կասկածանքով ձերբակալվել է նրանց պապը ՝ 57-ամյա Սամվել Հակոբջանյանը։ Մեղադրանք է առաջադրվել նաև նրա դստերը՝ մահացած տղայի մորաքրոջը և ծեծված երկրորդ երեխայի մորը՝ 28-ամյա Մարիաննային: Օգոստոսի 20-ին ընտանիքի մնացած անդամները թունավորվել էին մկնդեղից. 5 երեխա հոսպիտալացվել էր:
«Հակոբջանյանների ընտանիքի բոլոր երեխաները, բացի մեկից, այժմ գտնվում են Իջևանի SOS մանկական գյուղում։ Երեխաներից մեկը գտնվում է «Մարի Իզմիրլյանի անվան մանկատուն» ՊՈԱԿ-ում՝ առողջական խնդիրների հետ կապված», - պատասխանել են Աշխատանքի ու սոցիալական հարցերի նախարարությունից:
Գյումրու դեպքը 2020 թ-ի մարտին
Մարտի 5-ին Գյումրու տներից մեկում հայտնաբերվել է ծեծված աղջիկ՝ 13-ամյա Նազելի Խաչատրյանը: Այնտեղ հայտնաբերվել է նաև նրա մոր՝ 43-ամյա Մարիամ Խաչատրյանի դին՝ բռնության հետքերով։ Նշված հանցագործությունները կատարելու կասկածանքով ձերբակալվել է 28-ամյա տղամարդ՝ Խաչատրյանի ընկերը:
Մոր մահից հետո աղջիկը որբ էր մնացել։
«Շիրակի մարզպետի աշխատակազմից ստացված տվյալների համաձայն՝ ի սկզբանե խնամակալ է ճանաչվել երեխայի հորաքույրը, այնուհետև՝ նրա չափահաս դարձած եղբայրը», - հայտնեցին աշխատանքի նախարարությունից:
Հիշեցնենք, որ աղջկան նախ տեղափոխել էին Գյումրու հիվանդանոցներից մեկը, իսկ հետո տեղափոխել Երևան: Նա հինգ օր անգիտակից վիճակում գտնվում էր վերակենդանացման բաժանմունքում. հիվանդանոց էր ընդունվել գլխուղեղի, կրծքավանդակի և որովայնի բազմաթիվ վնասվածքներով, ինչպես նաև անրակի կոտրվածքով։ Եռամսյա բուժումից հետո նա դուրս է գրվել։
