Ժաննա Անդրեասյանն ու Թուրքիայի մշակույթի նախարարը քննարկել են Աննի կամրջի հարցը
09:38 18.05.2024 (Թարմացված է: 09:48 18.05.2024)
© Photo : official site of MESCS of RA Հայաստանի կրթության, գիտության, մշակույթի և սպորտի նախարար Ժաննա Անդրեասյանը և Թուրքիայի մշակույթի և զբոսաշրջության նախարար Մեհմեդ Նուրի Էրսոյը հանդիպել են Աշխաբադում
![Հայաստանի կրթության, գիտության, մշակույթի և սպորտի նախարար Ժաննա Անդրեասյանը և Թուրքիայի մշակույթի և զբոսաշրջության նախարար Մեհմեդ Նուրի Էրսոյը հանդիպել են Աշխաբադում Հայաստանի կրթության, գիտության, մշակույթի և սպորտի նախարար Ժաննա Անդրեասյանը և Թուրքիայի մշակույթի և զբոսաշրջության նախարար Մեհմեդ Նուրի Էրսոյը հանդիպել են Աշխաբադում - Sputnik Արմենիա, 1920, 18.05.2024](https://cdn.am.sputniknews.ru/img/07e8/05/12/75931735_0:160:1600:1060_1920x0_80_0_0_3dacda3f70031d67b6c7e5877288b7da.jpg)
Հայաստանի կրթության, գիտության, մշակույթի և սպորտի նախարար Ժաննա Անդրեասյանը և Թուրքիայի մշակույթի և զբոսաշրջության նախարար Մեհմեդ Նուրի Էրսոյը հանդիպել են Աշխաբադում
© Photo : official site of MESCS of RA
Բաժանորդագրվել
Նախարարները հայ–թուրքական հարաբերությունների լիարժեք կարգավորման համատեքստում կարևորել են մշակութային համագործակցության դերը։
ԵՐԵՎԱՆ, 18 մայիսի – Sputnik. Հայաստանի կրթության, գիտության, մշակույթի և սպորտի նախարար Ժաննա Անդրեասյանը և Թուրքիայի մշակույթի և զբոսաշրջության նախարար Մեհմեդ Նուրի Էրսոյը քննարկել են միջնադարյան Հայաստանի մայրաքաղաք Անիի մոտակայքում գտնվող պատմական կամրջի վերականգնման հարցը։ Տեղեկությունը հայտնում է ԿԳՄՍՆ մամուլի ծառայությունը։
«Հայաստանի և Թուրքիայի հարաբերությունների ամբողջական կարգավորման համատեքստում, ի թիվս այլ հարցերի, նախարարներն ընդգծել են մշակութային համագործակցության նպաստը։ Նրանք նաև մտքեր են փոխանակել Անիի պատմական կամրջի վերականգնման վերաբերյալ»,– ասված է հաղորդագրությունում։
Նշվում է, որ նախարարների հանդիպումը տեղի է ունեցել մայիսի 17-ին Թուրքմենստանի մայրաքաղաք Աշխաբադում մշակույթի նախարարների միջազգային համաժողովի շրջանակում:
Հիշեցնենք, որ Հայաստանի արտաքին գործերի նախարար Արարատ Միրզոյանը 2023 թվականի փետրվարի 15-ին Անկարայում կայացած համատեղ ասուլիսի ժամանակ հայտարարել էր, որ Հայաստանն ու Թուրքիան կվերանորոգեն Անիի սահմանային կամուրջը:
2024 թվականի փետրվարին ՀՀ ԱԳՆ–ն Sputnik Արմենիային հայտնեց, որ Թուրքիան Հայաստանին է փոխանցել Անիի պատմական կամրջի վերականգնման իր պատկերացումները։
Ապրիլին նույն գերատեսչությունը մեզ տեղեկացրեց, որ Հայաստանը շուտով Թուրքիային կփոխանցի Անիի կամրջի վերականգնման շուրջ իր մոտեցումները:
Անիի կամրջի բացառիկ կադրերը` այստեղ: