https://arm.sputniknews.ru/20240518/dzerbakalvats-chakhaljann-u-ynkernery-chen-yndunum-meghadranqy-patgamavvory-handipel-e-nranc-75932995.html
Ձերբակալված Չախալյանն ու ընկերները չեն ընդունում մեղադրանքը. պատգամավորը հանդիպել է նրանց
Ձերբակալված Չախալյանն ու ընկերները չեն ընդունում մեղադրանքը. պատգամավորը հանդիպել է նրանց
Sputnik Արմենիա
Թագուհի Թովմասյանը հույս է հայտնել, որ խմբի ներկայացուցիչները շուտով ազատ կարձակվեն։ 18.05.2024, Sputnik Արմենիա
2024-05-18T10:34+0400
2024-05-18T10:34+0400
2024-05-18T10:49+0400
հայաստան
վահագն չախալյան
թագուհի թովմասյան
ձերբակալություն
https://cdn.am.sputniknews.ru/img/07e8/04/16/74853162_0:0:1600:901_1920x0_80_0_0_c0824b91da066a848ec3ad68a6f44db0.jpg
ԵՐԵՎԱՆ, 18 մայիսի – Sputnik. ՀՀ ԱԺ անկախ պատգամավոր Թագուհի Թովմասյանը ձերբակալվածների պահման վայրում հանդիպել է «Միասնական Ջավախք» ժողովրդավարական դաշինք քաղաքական շարժման առաջնորդ, «Կամք» նախաձեռնության համակարգող և ղեկավար Վահագն Չախալյանին և նրա թիմակից ընկերներին: Թովմասյանն այս մասին հայտնել է ֆեյսբուքյան էջում։«Կամքի» ղեկավարը պատգամավորին հայտնել է, որ իրեն առաջադրված խուլիգանության մեղադրանքն անհիմն է:Նա շեշտել է՝ իրենք շարունակելու են իրենց պայքարը, որովհետև ՀՀ վարչապետ Նիկոլ Փաշինյանը պետք է հեռանա։ Նախաձեռնության անդամները մայիսի 20-ին` ժամը 12։00-ին, պատրաստվում են Դատական ակտերի հարկադիր կատարման ծառայության շենքի մոտ ակցիա իրականացնել՝ ԴԱՀԿ-ից համաներման պահանջով։Չախալյանն իր ուղերձում նաև ընդգծել է, որ Բագրատ սրբազանը մենակ չի մնա, քանի որ հայ ազգի ողջ սերուցքը նրա կողքին է։Ձերբակալված քաղաքացիներ Մինաս Նովշադյանը, Տարոն Դավթյանը (2 պատերազմների կամավոր մասնակից է եղել), Միքայել Հովհաննիսյանը և Սերգեյ Ամիրխանյանը ևս վստահեցրել են, որ իրենց ձերբակալությունը հանիրավի է, քանի որ տեսանյութերում երևում է՝ իրենք ո՛չ բռնություն են գործադրել, ո՛չ էլ հայհոյել որևէ մեկին:Հիշեցնենք` Չախալյանն ու մյուս 4 անձինք ձերբակալվել են մայիսի 16-ին կառավարության շենքի մոտ իրականացրած բողոքի ակցիայի ժամանակ խուլիգանություն կատարելու հիմքով։ Ըստ ՀՀ քննչական կոմիտեի` Վահագն Չախալյանը չի համաձայնել բողոքի ակցիան տվյալ տարածքում անցկացնելու վերաբերյալ քաղաքացիներից մեկի արտահայտած տեսակետին ու վիճաբանել վերջինիս հետ։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, վահագն չախալյան, թագուհի թովմասյան, ձերբակալություն
հայաստան, վահագն չախալյան, թագուհի թովմասյան, ձերբակալություն
Ձերբակալված Չախալյանն ու ընկերները չեն ընդունում մեղադրանքը. պատգամավորը հանդիպել է նրանց
10:34 18.05.2024 (Թարմացված է: 10:49 18.05.2024) Թագուհի Թովմասյանը հույս է հայտնել, որ խմբի ներկայացուցիչները շուտով ազատ կարձակվեն։
ԵՐԵՎԱՆ, 18 մայիսի – Sputnik. ՀՀ ԱԺ անկախ պատգամավոր Թագուհի Թովմասյանը ձերբակալվածների պահման վայրում հանդիպել է «Միասնական Ջավախք» ժողովրդավարական դաշինք քաղաքական շարժման առաջնորդ, «Կամք» նախաձեռնության համակարգող և ղեկավար Վահագն Չախալյանին և նրա թիմակից ընկերներին: Թովմասյանն այս մասին հայտնել է
ֆեյսբուքյան էջում։
«Կամքի» ղեկավարը պատգամավորին հայտնել է, որ իրեն առաջադրված խուլիգանության մեղադրանքն անհիմն է:
Նա շեշտել է՝ իրենք շարունակելու են իրենց պայքարը, որովհետև ՀՀ վարչապետ Նիկոլ Փաշինյանը պետք է հեռանա։ Նախաձեռնության անդամները մայիսի 20-ին` ժամը 12։00-ին, պատրաստվում են Դատական ակտերի հարկադիր կատարման ծառայության շենքի մոտ ակցիա իրականացնել՝ ԴԱՀԿ-ից համաներման պահանջով։
Չախալյանն իր ուղերձում նաև ընդգծել է, որ Բագրատ սրբազանը մենակ չի մնա, քանի որ հայ ազգի ողջ սերուցքը նրա կողքին է։
Ձերբակալված քաղաքացիներ Մինաս Նովշադյանը, Տարոն Դավթյանը (2 պատերազմների կամավոր մասնակից է եղել), Միքայել Հովհաննիսյանը և Սերգեյ Ամիրխանյանը ևս վստահեցրել են, որ իրենց ձերբակալությունը հանիրավի է, քանի որ տեսանյութերում երևում է՝ իրենք ո՛չ բռնություն են գործադրել, ո՛չ էլ հայհոյել որևէ մեկին:
«Այսինքն՝ պարզապես ակտիվ քաղաքացիներին ոստիկանները ձերբակալում են, իսկ քննչական կոմիտեն երկնում է մեղադրանքներ, որ մեկուսացնեն: Իսկ ո՞վ պետք է պատասխանատվություն կրի մարդկանց հանիրավի բանտարկության համար. կարևոր, բայց դեռ անպատասխան հարցեր են։ Հուսամ՝ խմբի ներկայացուցիչները շուտով ազատ կարձակվեն»,- գրել է Թովմասյանը։
Հիշեցնենք`
Չախալյանն ու մյուս 4 անձինք ձերբակալվել են մայիսի 16-ին կառավարության շենքի մոտ իրականացրած բողոքի ակցիայի ժամանակ խուլիգանություն կատարելու հիմքով։ Ըստ ՀՀ քննչական կոմիտեի` Վահագն Չախալյանը չի համաձայնել բողոքի ակցիան տվյալ տարածքում անցկացնելու վերաբերյալ քաղաքացիներից մեկի արտահայտած տեսակետին ու վիճաբանել վերջինիս հետ։
