https://arm.sputniknews.ru/20240514/vrastani-khvorhrdarann-yndunec-otarerkrja-gvortsakalneri-masin-aghmkaharujc-orenqy-75745675.html
Վրաստանի խորհրդարանն ընդունեց օտարերկրյա գործակալների մասին աղմկահարույց օրենքը
Վրաստանի խորհրդարանն ընդունեց օտարերկրյա գործակալների մասին աղմկահարույց օրենքը
Sputnik Արմենիա
Քվեարկությունն ընթացել է լարված մթնոլորտում։ Փողոցում բողոքի ցույցեր և ձերբակալություններ էին տեղի ունենում։ 14.05.2024, Sputnik Արմենիա
2024-05-14T16:25+0400
2024-05-14T16:25+0400
2024-05-14T17:29+0400
վրաստանի հանրապետություն
օրենք
տեսանյութեր
տեսանյութ
https://cdn.am.sputniknews.ru/img/07e8/05/0e/75744512_0:0:801:450_1920x0_80_0_0_051a3b71311df78bcffc4c720cd405e3.jpg
Վրաստանի խորհրդարանն ընդունել է օտարերկրյա գործակալների մասին օրինագիծը, որն ավելի վաղ բողոքի ալիք էր բարձրացրել երկրում և խորհրդարանում ծեծկռտուքի առիթ էր դարձել։Կողմ է քվեարկել 84 պատգամավոր, դեմ՝ 30-ը (ընդդիմության ներկայացուցիչներ):Օրինագծի քննարկումը վերջնական ընթերցմամբ շատ բուռն է ընթացել։ Ծեծկռտուք է տեղի ունեցել մեծամասնության և ընդդիմադիր «Միասնական ազգային շարժման» պատգամավորների միջև, ինչի պատճառով խորհրդարանի խոսնակ Շալվա Պապուաշվիլին տեխնիկական ընդմիջում է հայտարարել: Քվեարկության ֆոնին խորհրդարանի դիմաց ձերբակալություններ տեղի են ունեցել։Ընդ որում, Վրաստանի նախագահ Սալոմե Զուրաբիշվիլին արդեն հայտարարել է, որ մտադիր է վետո դնել օրինագծի վրա: Սակայն խորհրդարանը հնարավորություն ունի այն շրջանցել։«Օտարերկրյա ազդեցության թափանցիկության մասին» օրենքը նախատեսում է առանձին ռեեստրում գրանցել այն ոչ առևտրային իրավաբանական անձանց և ԶԼՄ-ներին, որոնց եկամուտների ավելի քան 20%-ը ստացվել է արտերկրից: Երբ Վրաստանի նախագահը վետո կդնի օրենքի վրա, պատգամավորները 4 շաբաթ անց կկարողանան հաղթահարել այն։Ինչ է ենթադրում Վրաստանում օտարերկրյա գործակալների մասին օրենքըԱռաջին անգամ օտարերկրյա գործակալների մասին օրենքը Վրաստանի խորհրդարանը փորձել է ընդունել 2023 թվականի գարնանը։ Այն ժամանակ զանգվածային անկարգությունների պատճառով կառավարությունը ստիպված հետ էր կանչել օրինագիծը։Սակայն որոշ ժամանակ անց իշխանությունը կրկին տեսել էր օրինագծի անհրաժեշտությունը` պատճառաբանելով, որ արտասահմանյան դոնորները ավելացրել են Վրաստանում արմատական խմբերի և կուսակցությունների գաղտնի ֆինանսավորումը՝ չնայած թափանցիկության մասին խոստումներին։Դեռ մեկ տարի առաջ իշխող կուսակցությունը քննարկում էր օրինագծի երկու տարբերակ ՝ այսպես կոչված՝ վրացական և ամերիկյան, որոնք պատճենված էին ԱՄՆ–ի նմանատիպ օրենքից։Խորհրդարանն այն ժամանակ ընդունեց «վրացական» տարբերակը, որն ի դեպ, համեմատաբար մեղմ էր:«Ամերիկյան» տարբերակը (FARA օրենքի անալոգը, որն ընդունվել է ԱՄՆ-ում 1938 թվականին) նախատեսում է օտարերկրյա գործակալի կարգավիճակ ոչ միայն օտարերկրյա ֆինանսավորմամբ ոչ առևտրային իրավաբանական անձանց, այլ ընդհանրապես բոլորի, այդ թվում ՝ ֆիզիկական անձանց համար։ Չկատարման համար կարող է լինել քրեական պատասխանատվություն:Ընդդիմությունը քննադատում էր ի սկզբանե առաջարկված «վրացական» տարբերակը ՝ այն անվանելով «ռուսական»։ Այն ժամանակ իշխող կուսակցությունը մտցրեց «ամերիկյան» տարբերակը՝ ընդդիմությանը ցույց տալու համար, թե որքան կոշտ է այն։Այնուհետև առաջին ընթերցմամբ ընդունվեց ավելի մեղմ տարբերակը, բայց Արևմուտքի քննադատությունը և բողոքները, որոնք երբեմն վերածվում էին «մոլոտովյան կոկտեյլների» օգտագործմամբ անկարգությունների, ամեն դեպքում սկսվեցին: Դրա պատճառով 2023 թվականին օրինագիծը հետ կանչվեց։Եվ ահա այսօր օրենքն, այնուամենայնիվ, ընդունվեց երրորդ՝ վերջնական ընթերցմամբ։
վրաստանի հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վրաստանի հանրապետություն, օրենք, տեսանյութեր, տեսանյութ, видео
վրաստանի հանրապետություն, օրենք, տեսանյութեր, տեսանյութ, видео
Վրաստանի խորհրդարանն ընդունեց օտարերկրյա գործակալների մասին աղմկահարույց օրենքը
16:25 14.05.2024 (Թարմացված է: 17:29 14.05.2024) Քվեարկությունն ընթացել է լարված մթնոլորտում։ Փողոցում բողոքի ցույցեր և ձերբակալություններ էին տեղի ունենում։
Վրաստանի խորհրդարանն ընդունել է օտարերկրյա գործակալների մասին օրինագիծը, որն ավելի վաղ բողոքի ալիք էր բարձրացրել երկրում և խորհրդարանում ծեծկռտուքի առիթ էր դարձել։
Կողմ է քվեարկել 84 պատգամավոր, դեմ՝ 30-ը (ընդդիմության ներկայացուցիչներ):
Օրինագծի քննարկումը վերջնական ընթերցմամբ շատ բուռն է ընթացել։ Ծեծկռտուք է տեղի ունեցել մեծամասնության և ընդդիմադիր «Միասնական ազգային շարժման» պատգամավորների միջև, ինչի պատճառով խորհրդարանի խոսնակ Շալվա Պապուաշվիլին տեխնիկական ընդմիջում է հայտարարել: Քվեարկության ֆոնին խորհրդարանի դիմաց ձերբակալություններ տեղի են ունեցել։
Քննարկումն անցկացվել է բողոքի ցույցերի, ինչպես նաև իշխող «Վրացական երազանքի» և ընդդիմադիր կուսակցությունների պատգամավորների միջև ծեծկռտուքի ֆոնին․ ընդդիմությունը դեմ է օրենքին։ Խորհրդարանի մոտ հերթական անգամ հավաքվել են ակցիայի մասնակիցները՝ փակելով Ռուսթավելի պողոտան, ինչպես նաև շենքի կողային մուտքը:
Ընդ որում, Վրաստանի նախագահ Սալոմե Զուրաբիշվիլին արդեն հայտարարել է, որ մտադիր է վետո դնել օրինագծի վրա: Սակայն խորհրդարանը հնարավորություն ունի այն շրջանցել։
«Օտարերկրյա ազդեցության թափանցիկության մասին» օրենքը նախատեսում է առանձին ռեեստրում գրանցել այն ոչ առևտրային իրավաբանական անձանց և ԶԼՄ-ներին, որոնց եկամուտների ավելի քան 20%-ը ստացվել է արտերկրից: Երբ Վրաստանի նախագահը վետո կդնի օրենքի վրա, պատգամավորները 4 շաբաթ անց կկարողանան հաղթահարել այն։
Ինչ է ենթադրում Վրաստանում օտարերկրյա գործակալների մասին օրենքը
Առաջին անգամ օտարերկրյա գործակալների մասին օրենքը Վրաստանի խորհրդարանը փորձել է ընդունել 2023 թվականի գարնանը։ Այն ժամանակ զանգվածային անկարգությունների պատճառով կառավարությունը ստիպված հետ էր կանչել օրինագիծը։
Սակայն որոշ ժամանակ անց իշխանությունը կրկին տեսել էր օրինագծի անհրաժեշտությունը` պատճառաբանելով, որ արտասահմանյան դոնորները ավելացրել են Վրաստանում արմատական խմբերի և կուսակցությունների գաղտնի ֆինանսավորումը՝ չնայած թափանցիկության մասին խոստումներին։
Դեռ մեկ տարի առաջ իշխող կուսակցությունը քննարկում էր օրինագծի երկու տարբերակ ՝ այսպես կոչված՝ վրացական և ամերիկյան, որոնք պատճենված էին ԱՄՆ–ի նմանատիպ օրենքից։
Խորհրդարանն այն ժամանակ ընդունեց «վրացական» տարբերակը, որն ի դեպ, համեմատաբար մեղմ էր:
ոչ առևտրային իրավաբանական անձինք և ԶԼՄ-ները օտարերկրյա գործակալների կարգավիճակ կստանան, եթե նրանց եկամուտների 20% - ից ավելին ստացվի արտերկրից;
նման կազմակերպությունները պարտավոր են գրանցվել որպես օտարերկրյա գործակալ, իսկ մերժման դեպքում նրանց նկատմամբ տուգանք կկիրառվի;
յուրաքանչյուր տարի նրանք պարտավոր են զեկուցել իրենց ծախսերի մասին:
«Ամերիկյան» տարբերակը (FARA օրենքի անալոգը, որն ընդունվել է ԱՄՆ-ում 1938 թվականին) նախատեսում է օտարերկրյա գործակալի կարգավիճակ ոչ միայն օտարերկրյա ֆինանսավորմամբ ոչ առևտրային իրավաբանական անձանց, այլ ընդհանրապես բոլորի, այդ թվում ՝ ֆիզիկական անձանց համար։ Չկատարման համար կարող է լինել քրեական պատասխանատվություն:
Ընդդիմությունը քննադատում էր ի սկզբանե առաջարկված «վրացական» տարբերակը ՝ այն անվանելով «ռուսական»։ Այն ժամանակ իշխող կուսակցությունը մտցրեց «ամերիկյան» տարբերակը՝ ընդդիմությանը ցույց տալու համար, թե որքան կոշտ է այն։
Այնուհետև առաջին ընթերցմամբ ընդունվեց ավելի մեղմ տարբերակը, բայց Արևմուտքի քննադատությունը և բողոքները, որոնք երբեմն վերածվում էին «մոլոտովյան կոկտեյլների» օգտագործմամբ անկարգությունների, ամեն դեպքում սկսվեցին: Դրա պատճառով 2023 թվականին օրինագիծը հետ կանչվեց։
Եվ ահա այսօր օրենքն, այնուամենայնիվ, ընդունվեց երրորդ՝ վերջնական ընթերցմամբ։
