00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
Ուղիղ եթեր
Լուրեր
09:59
46 ր
Ուղիղ եթեր
Լուրեր
10:00
46 ր
Ուղիղ եթեր
Ուրիշ նորություններ
10:47
5 ր
Ուղիղ եթեր
Լուրեր
11:00
46 ր
Ուղիղ եթեր
Լուրեր
13:00
46 ր
Ուղիղ եթեր
Լուրեր
14:00
46 ր
Ուղիղ եթեր
Լուրեր
17:00
46 ր
Ուղիղ եթեր
Լուրեր
18:00
46 ր
Ուղիղ եթեր
Լուրեր
19:00
46 ր
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

ՌԴ ժողովրդի անվտանգությունն ամեն ինչից վեր է. Պուտինի ելույթը՝ երդմնակալության ժամանակ

© Sputnik / Александр Казаков / Անցնել մեդիապահոցИзбранный президент РФ Владимир Путин на церемонии инаугурации в Кремле (7 мая 2024). Москва
Избранный президент РФ Владимир Путин на церемонии инаугурации в Кремле (7 мая 2024). Москва - Sputnik Արմենիա, 1920, 07.05.2024
Բաժանորդագրվել
Ռուսական պետության ղեկավարը նշել է, որ երկրի քաղաքացիների ընտրությունը հաստատել է ՌԴ-ի ազատությունն ու ազգային շահերն անդրդվելի պաշտպանելու վճռականությունը:
ԵՐԵՎԱՆ, 7 մայիսի – Sputnik. Ռուսաստանին ծառայելը պետության ղեկավարի համար մեծ պատիվ է, պարտականություն և սրբազան պարտականություն։ Այս մասին ՌԴ նախագահ Վլադիմիր Պուտինը հայտարարել է Կրեմլում երդմնակալության արարողության ժամանակ։
«Այս (նախագահական երդում – խմբ.) տեքստում կենտրոնացված է պետության ղեկավարի բարձրագույն նպատակի էությունը՝ պաշտպանել Ռուսաստանը և ծառայել մեր ժողովրդին։ Հասկանում եմ, որ դա մեծ պատիվ է, պարտականություն և սրբազան պարտականություն», – ասել է Պուտինը։
ՌԴ նախագահը հավաստիացրել է, որ Ռուսաստանի ժողովրդի շահերը, անվտանգությունը նրա համար ամեն ինչից վեր կլինեն: Նա նաև նշել է, որ կանի ամեն ինչ, որ արդարացնի ռուսաստանցիների վստահությունը։
Ռուսաստանի առաջնորդի կարծիքով ՝ երկրի քաղաքացիների ընտրությունը հաստատել է ՌԴ-ի ազատությունն ու ազգային շահերը անդրդվելիորեն պաշտպանելու վճռականությունը։
«Դրանում տեսնում եմ մեր ընդհանուր պատմական նպատակների խորը ըմբռնումը, մեր ընտրությունը, մեր արժեքները, ազատությունն ու Ռուսաստանի ազգային շահերն անդրդվելիորեն պաշտպանելու վճռականությունը», – ասել է Պուտինը:
Նախագահի տեսանկյունից՝ Ռուսաստանը պատասխանատու է հազարամյա պատմության և անհասանելի բարձունքներ գրաված նախնիների առջև:
«Այսօր, ըստ էության, մենք պատասխանատու ենք մեր հազարամյա պատմության, մեր նախնիների առջև։ Նրանք վերցնում էին անհասանելի թվացող բարձունքներ, քանի որ առաջին տեղում միշտ դնում էին Հայրենիքը, գիտեին, որ իսկապես մեծ նպատակների կարելի է հասնել միայն իրենց երկրի և իրենց ժողովրդի հետ, և ստեղծեցին համաշխարհային տերություն՝ մեր հայրենիքը, հասան այնպիսի հաղթանակների, որոնք մեզ ոգեշնչում են նաև այսօր»,-ասել է Ռուսաստանի ղեկավարը։
Պուտինը վստահ է, որ ռուսները կհաղթահարեն խոչընդոտները, կյանքի կկոչեն իրենց մտահղացածը և կհաղթեն։ Նա նշել է, որ Ռուսաստանը վստահորեն առաջ է նայում, ծրագրում է իր ապագան, նախանշում և արդեն իրականացնում է նոր նախագծեր և ծրագրեր, «որոնք կոչված են մեր զարգացումը դարձնել էլ ավելի դինամիկ, էլ ավելի հզոր»:
Պուտինի կարծիքով՝ չպետք է մոռանալ խառնաշփոթի և ցնցումների ողբերգական գնի մասին, բայց կայունությունը չի նշանակում անշարժություն, իսկ դրա համար ռուսական պետական համակարգը պետք է ճկուն լինի։
«Մենք քաղաքավարի մարդիկ ենք». Ռյաբկովը՝ Պուտինի երդմնակալությանը հրավիրված հյուրերի մասին
«Այն պետք է պայմաններ ստեղծի նորացման և առաջ շարժվելու համար», - կարծում է ՌԴ նախագահը:
Նա ավելացրել է, որ գալիք տասնամյակների համար անհրաժեշտ է հուսալի շարունակականություն ապահովել երկրի զարգացման գործում:
«Մենք պետք է ապահովենք հուսալի շարունակականություն երկրի զարգացման գործում տասնամյակների համար, մեծացնենք և դաստիարակենք երիտասարդ սերունդներ, որոնք կամրապնդեն Ռուսաստանի հզորությունը, կզարգացնեն մեր պետականությունը, որի հիմքում ազգամիջյան համաձայնությունն է, Ռուսաստանում ապրող բոլոր ժողովուրդների ավանդույթների պահպանումը», – ասել է ՌԴ նախագահը:
Խոսելով արտաքին քաղաքականության մասին՝ Պուտինն ընդգծել է, որ Ռուսաստանը չի հրաժարվում արևմտյան երկրների հետ երկխոսությունից:
«Մենք բաց ենք եղել և շարունակելու ենք ամրապնդել բարի հարաբերությունները բոլոր այն երկրների հետ, որոնք Ռուսաստանին հուսալի և ազնիվ գործընկեր են համարում։ Եվ դա իսկապես համաշխարհային մեծամասնություն է: Մենք չենք հրաժարվում արևմտյան պետությունների հետ երկխոսությունից։ Ընտրությունը նրանց է», - ասել է նա։
Պուտինը նշել է, որ անվտանգության, ռազմավարական կայունության հարցերի շուրջ Ռուսաստանի և արևմտյան երկրների զրույցը հնարավոր է, բայց ոչ ուժի, այլ միայն որպես հավասարը հավասարի դիրքերից:
Նա նշել է, որ Ռուսաստանն իր կողմից կշարունակի աշխատել գործընկերների հետ բազմաբևեռ աշխարհակարգի ձևավորման ուղղությամբ:
«Եվրասիական ինտեգրման գծով գործընկերների, զարգացման այլ ինքնիշխան կենտրոնների հետ կշարունակենք բազմաբևեռ աշխարհակարգի ձևավորման աշխատանքները հավասար և անբաժանելի անվտանգության համակարգ ձևավորելու ուղղությամբ», - ասել է Պուտինը։
Ռուսաստանի ղեկավարի կարծիքով՝ նոր նախագահական ժամկետում իր աշխատանքի արդյունքները կախված կլինեն ընդհանուր համախմբվածությունից:
Պուտինը երդվեց և կրկին ստանձնեց ՌԴ նախագահի պաշտոնը - Sputnik Արմենիա, 1920, 07.05.2024
Պուտինը երդվեց և կրկին ստանձնեց ՌԴ նախագահի պաշտոնը
«Այդ աշխատանքի արդյունքները վճռականորեն կախված են մեր միասնությունից ու համախմբվածությունից, հայրենիքին օգուտ բերելու, այն պաշտպանելու, լիարժեք նվիրումով աշխատելու ընդհանուր ձգտումից», – նշել է Ռուսաստանի ղեկավարը:
Ռուսաստանի նախագահի երդմնակալության արարողությունը տեղի է ունեցել մայիսի 7-ին Կրեմլում: Սա Պուտինի քաղաքական կարիերայի հինգերորդ երդմնակալության արարողությունն է։ Բարձրագույն ընտրական պաշտոնը նա պետք է զբաղեցնի հաջորդ վեց տարիներին՝ մինչև 2030 թվականը։
Հիշեցնենք, որ Ռուսաստանում նախագահական ընտրություններն անցկացվել են մարտի 15-17-ը։ Դրանց արդյունքներով գործող նախագահ Վլադիմիր Պուտինը ստացել է ձայների 87,28 տոկոսը:
Լրահոս
0