https://arm.sputniknews.ru/20240430/khndiry-tekhnikakan-che-kb-nakhagahy-arcakhcineri-kensatvoshakajin-gumari-masin-75152061.html

Խնդիրը տեխնիկական չէ. ԿԲ նախագահը` արցախցիների կենսաթոշակային գումարի մասին

Խնդիրը տեխնիկական չէ. ԿԲ նախագահը` արցախցիների կենսաթոշակային գումարի մասին

Sputnik Արմենիա

Մարտին Գալստյանի խոսքով` հարցն իրենց տիրույթում չէ, որոշումը պետք է կայացնեն ՀՀ կառավարությունն ու կենսաթոշակային ֆոնդերի կառավարիչները համատեղ։ 30.04.2024, Sputnik Արմենիա

2024-04-30T16:13+0400

2024-04-30T16:13+0400

2024-04-30T16:14+0400

հայաստան

արցախ

կուտակային կենսաթոշակային ֆոնդ

մարտին գալստյան

թոշակ

https://cdn.am.sputniknews.ru/img/07e7/0a/1e/67965295_0:98:3067:1823_1920x0_80_0_0_031a60e79b2483b3d380a7951cb4e89b.jpg

ԵՐԵՎԱՆ, 30 ապրիլի – Sputnik. Կենսաթոշակային ֆոնդերում արցախցիների կուտակած գումարների խնդիրը ոչ թե մեխանիկական ու տեխնիկական է, այլ իրավական, և այն համապարփակ լուծման կարիք ունի կառավարության մակարդակով։ Լրագրողների հետ հանդիպման ժամանակ այս հայտարարությունն արեց ՀՀ կենտրոնական բանկի նախագահ Մարտին Գալստյանը։Ավելի վաղ «Հրապարակ» օրաթերթը գրել էր, որ Արցախի Ազգային ժողովն այս տարի գումարած գաղտնի նիստերից մեկում որոշել է փոփոխություն կատարել «Կուտակային կենսաթոշակների մասին» օրենքում, համաձայն որի՝ Արցախի քաղաքացիները կարող են հիմա ստանալ և տնօրինել կենսաթոշակային ֆոնդերում կուտակված իրենց դրամական միջոցները: Թե՛ ՀՀ–ում, թե՛ Արցախում գործում է նույն` կուտակային կենսաթոշակային համակարգը: Մինչդեռ, ըստ լրատվամիջոցի, այն արցախցիները, որոնք չեն ուզում ստանալ ՀՀ քաղաքացու անձնագիր, չեն կարողանալու օգտվել այս համակարգից։ Թերթ նշել էր նաև, որ հարցը ՀՀ կենտրոնական բանկի տիրույթում է, որը պետք է դիմի միջազգային կուտակային ֆոնդերին ու պահանջի վերադարձնել արցախցի շահառուների գումարները։Հարցի առնչությամբ ՀՀ որևէ գերատեսչություն առ այսօր հստակ մեկնաբանություն չի տվել։«Մենք այդ որոշման հետևանքներին հետո կառնչվենք, այսինքն` կենսաթոշակային ֆոնդերը որոշում կկայացնեն` ինչ կանեն կառավարության հետ համատեղ։ Ես կարծում եմ` ֆոնդերն այդտեղ շատ ճկուն կլինեն, ու հարց կանգնած չի լինի` վճարե՞լ, թե չվճարել։ Ուղղակի խնդիրն այստեղ արցախցիների քաղաքացիության ու ստատուսի հետ է կապված։ Այս հարցերը պետք է քննարկեն, որպեսզի ՀՀ կառավարությունը ֆոնդերի հետ կարողանա իրավական դաշտում գործել, ու որպեսզի իրավական դաշտում իրենց որոշումները լինեն հիմնավորված»,– ընդգծեց Գալստյանը։Նա վստահեցրեց, որ կենսաթոշակային ֆոնդերում արցախցիների գումարներն ամբողջովին պահպանված են։Հիշեցնենք` ըստ ԶԼՄ–ների` խոսքն ընդհանուր առմամբ մոտ 16 մլրդ դրամի և մոտ 34 հազար շահառուի մասին է:

2024

Լուրեր

am_HY

հայաստան, արցախ, կուտակային կենսաթոշակային ֆոնդ, մարտին գալստյան, թոշակ