ԱՄՆ կոնգրեսականն առաջարկում է պատժամիջոցներ սահմանել Ադրբեջանի 44 պաշտոնյայի նկատմամբ
12:26 27.04.2024 (Թարմացված է: 12:36 27.04.2024)
© AP Photo / Carolyn Kaster
Բաժանորդագրվել
Նախագծում նշվում է Արցախում հայերի էթնիկ զտումների և քաղաքական ընդդիմության նկատմամբ դաժան բռնաճնշումների մասին։
ԵՐԵՎԱՆ, 27 ապրիլի – Sputnik. ԱՄՆ կոնգրեսական Դինա Տիտուսը Ադրբեջանի 44 պաշտոնյաների նկատմամբ նախագիծ է ներկայացրել։ Այդ մասին նա տեղեկացրել է X–ի իր միկրոբլոգում։
«Քիչ առաջ Ադրբեջանի նկատմամբ պատժամիջոցների վերանայման մասին նախագիծ եմ ներկայացրել, որով առաջարկում եմ միջոցներ ձեռնարկել Ադրբեջանի 44 պաշտոնյաների նկատմամբ՝ Արցախում հայերի էթնիկ զտումների և քաղաքական ընդդիմության նկատմամբ դաժան բռնաճնշումների հետ կապված»,– գրել է ԱՄՆ Կոնգրեսի Ներկայացուցիչների պալատի անդամը։
Նա նաև նշել է, որ ԱՄՆ–ն պետք է ամուր դիրքորոշում որդեգրի Հայոց ցեղասպանության հարցում։
I just introduced the Azerbaijan Sanctions Review Act to take action against 44 Azerbaijani officials following the ethnic cleansing of Armenians from Artsakh and the violent repression of political opposition.
— Dina Titus (@repdinatitus) April 26, 2024
The U.S. must take a strong stand against the genocide of Armenians.
Հիշեցնենք` Ադրբեջանը 2023 թ. սեպտեմբերի 19–ին լայնամասշտաբ հարձակում սկսեց Արցախի դեմ։ Ըստ տեղեկությունների` ադրբեջանական ագրեսիայի զոհերի թիվը գերազանցում է 220-ը։
Սեպտեմբերի 20–ին Արցախի իշխանությունն ընդունեց կրակի դադարեցման վերաբերյալ առաջարկությունը: Սեպտեմբերի 24-ին սկսվեց արցախցիների բռնի տեղահանումը։
Սեպտեմբերի 28–ին Արցախի նախագահ Սամվել Շահրամանյանը հրամանագիր ստորագրեց, ըստ որի` Արցախի Հանրապետությունը 2024 թվականի հունվարի 1-ից կդադարի գոյություն ունենալ։
Վերջին տվյալներով` ՀՀ–ում Արցախից բռնի տեղահանված 101 848 անձ է հաշվառվել և նույնականացվել։
