https://arm.sputniknews.ru/20240426/kirancum-bakhumner-eghan-gjughacineri-u-vostikanneri-mijev-75065628.html
Կիրանցում բախումներ եղան գյուղացիների ու ոստիկանների միջև
Կիրանցում բախումներ եղան գյուղացիների ու ոստիկանների միջև
Sputnik Արմենիա
Քաղաքացիները ձեռքերը բարձրացրել են վեր, սակայն դա չի խանգարում սև բերետավորներին ուժ կիրառել։ 26.04.2024, Sputnik Արմենիա
2024-04-26T21:07+0400
2024-04-26T21:07+0400
2024-04-26T21:24+0400
կիրանց
բախումներ
բողոքի ակցիա
տեսանյութեր
տեսանյութ
https://cdn.am.sputniknews.ru/img/07e8/04/1a/75065782_7:0:828:462_1920x0_80_0_0_ff3d5df5e22a6876a0e79dcb5e0b3d7d.jpg
Րոպեներ առաջ Կիրանցում իրադրությունը կտրուկ լարվվեց։ Ճանապարհը փակած գյուղացիների դեմ սև բերետավորները բռնի ուժ են կիրառում ու փորձում ճանապարհը բացել։ Ցուցարարների մեջ նաև կանայք են։ Երիտասարդ աղջիկներից մեկի ինքնազգացողությունը վատացավ։ Նրան այս պահին քաղաքացիներն օգնություն են ցուցաբերում։Քաղաքացիները ձեռքերը բարձրացրել են վեր, սակայն դա չի խանգարում սև բերետավորներին ուժ կիրառել։Գյուղացիներին փորձում է հանդարտեցնել Բագրատ սրբազանը, որը նույնպես ակցիայի մասնակից է։«Բերետավորներին բերեցիք, որ մեզ վախեցնեք։ Կիրանցիներ ջան, ի՞նչ պայման ունեք, որպեսզի թողնեք, որ այս մեքենաները դուրս գան»,–ցուցարարներին դիմեց Բագրատ սրբազանը։Ցուցարարները նշեցին, որ այդ մեքենաներում ինչ–որ կասկածելի մարդիկ են եղել, այդ պատճառով էլ շրջափակել են, որ չգնան։Սրբազանը հայտարարեց, որ այդ մարդիկ այլևս մեքենաներում չեն ու հորդորեց թույլ տալ մեքենաները ճանապարհից հանել։Ավելի վաղ Տավուշի մարզպետ Հայկ Ղալումյանը Կիրանց էր եկել և համոզում էր գյուղացիներին կտրուկ գործողությունների չդիմել և միասին քննարկել ստեղծված իրավիճակը, սակայն գյուղացիները չցանկացան լսել նրան։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:Տավուշի սահմանամերձ գյուղերի բնակիչներն ապրիլի 19-ից բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
կիրանց
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կիրանց, видео, բախումներ, բողոքի ակցիա, տեսանյութեր, տեսանյութ
կիրանց, видео, բախումներ, բողոքի ակցիա, տեսանյութեր, տեսանյութ
Կիրանցում բախումներ եղան գյուղացիների ու ոստիկանների միջև
21:07 26.04.2024 (Թարմացված է: 21:24 26.04.2024) Քաղաքացիները ձեռքերը բարձրացրել են վեր, սակայն դա չի խանգարում սև բերետավորներին ուժ կիրառել։
Րոպեներ առաջ Կիրանցում իրադրությունը կտրուկ լարվվեց։ Ճանապարհը փակած գյուղացիների դեմ սև բերետավորները բռնի ուժ են կիրառում ու փորձում ճանապարհը բացել։ Ցուցարարների մեջ նաև կանայք են։ Երիտասարդ աղջիկներից մեկի ինքնազգացողությունը վատացավ։ Նրան այս պահին քաղաքացիներն օգնություն են ցուցաբերում։
Քաղաքացիները ձեռքերը բարձրացրել են վեր, սակայն դա չի խանգարում սև բերետավորներին ուժ կիրառել։
«Ճանապարհը չենք բացելու»,–ասում են գյուղացիները։ Նրանք հրաժարվում են կատարել ոստիկանների պահանջն ու բացել ճանապարհը։
Գյուղացիներին փորձում է հանդարտեցնել Բագրատ սրբազանը, որը նույնպես ակցիայի մասնակից է։
«Բերետավորներին բերեցիք, որ մեզ վախեցնեք։ Կիրանցիներ ջան, ի՞նչ պայման ունեք, որպեսզի թողնեք, որ այս մեքենաները դուրս գան»,–ցուցարարներին դիմեց Բագրատ սրբազանը։
Ցուցարարները նշեցին, որ այդ մեքենաներում ինչ–որ կասկածելի մարդիկ են եղել, այդ պատճառով էլ շրջափակել են, որ չգնան։
Սրբազանը հայտարարեց, որ այդ մարդիկ այլևս մեքենաներում չեն ու հորդորեց թույլ տալ մեքենաները ճանապարհից հանել։
Ավելի վաղ Տավուշի մարզպետ Հայկ Ղալումյանը Կիրանց էր եկել և համոզում էր գյուղացիներին կտրուկ գործողությունների չդիմել և միասին քննարկել ստեղծված իրավիճակը, սակայն գյուղացիները չցանկացան լսել նրան։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին
պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:
ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:
Տավուշի սահմանամերձ գյուղերի բնակիչներն ապրիլի 19-ից
բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
