https://arm.sputniknews.ru/20240426/hajastanum-kajacel-e-erkar-zhamanakva-yntacqum-arajin-haj-kiprakan-gvortsarar-hamazhvoghvovy-75062796.html
Հայաստանում կայացել է երկար ժամանակվա ընթացքում առաջին հայ-կիպրական գործարար համաժողովը
Հայաստանում կայացել է երկար ժամանակվա ընթացքում առաջին հայ-կիպրական գործարար համաժողովը
Sputnik Արմենիա
Կիպրոսի տնտեսությունը ոչ միայն ֆինանսական և իրավաբանական ծառայություններ են, այլև վերականգնվող էներգետիկայի և ՏՏ զարգացող ոլորտներ։ 26.04.2024, Sputnik Արմենիա
2024-04-26T19:59+0400
2024-04-26T19:59+0400
2024-04-26T19:59+0400
կիպրոս
հայաստան
համաժողով
https://cdn.am.sputniknews.ru/img/07e8/04/1a/75056839_0:43:1600:943_1920x0_80_0_0_57932c7fce746eee528f249ac7535768.jpg
ԵՐԵՎԱՆ, 26 ապրիլի – Sputnik. Հայաստանում տեղի է ունեցել երկար ժամանակվա ընթացքում առաջին հայ-կիպրական գործարար համաժողովը, որի շրջանակում Երևան են ժամանել տարբեր ոլորտների 15 ընկերությունների մենեջերներ:Կիպրոսի առևտրաարդյունաբերական պալատի գլխավոր տնօրեն Մարիոս Ցակիսը համաժողովի բացմանը նշել է, որ Կիպրոսը հայտնի է բիզնեսին մատուցվող ֆինանսական և իրավաբանական ծառայություններով, սակայն կիպրական տնտեսությունը դրանով չի սահմանափակվում:Բացի այդ, Կիպրոսում զարգանում են «կանաչ» նախագծերը՝ ինչպես էներգետիկայի, այնպես էլ թափոնների վերամշակման ոլորտում։ Նա ավելացրել է, որ այդ նպատակների համար հանրապետությունը զգալի միջոցներ է ստանում ԵՄ-ից, և այստեղ ևս կարելի է դիտարկել համատեղ նախագծերի իրականացման հնարավորությունը։Կիպրոսի համար ավանդական զբոսաշրջության ոլորտում աշխուժությունը զգալիորեն նվազել է 2022 թվականից հետո. մինչ այդ այնտեղ ուղևորությունների առաջին տեղերից մեկում զբաղեցնում էին ռուս զբոսաշրջիկները։ Այժմ հանրապետությունը այլ շուկաներ է փնտրում։ Ցակիսը նշել է, որ Հայաստանը ևս կարող է Կիպրոսի համար հետաքրքիր ու նոր զբոսաշրջային ուղղություն դառնալ. այն գեղեցիկ բնություն ունի, իսկ բնակիչները մտածելակերպով շատ մոտ են կիպրոսցի հույներին:Հայկական կողմից համաժողովին մասնակցել են ինչպես ֆինանսական, իրավաբանական, զբոսաշրջային ընկերությունների ներկայացուցիչներ, այնպես էլ մեղր, մրգային պահածոներ, գինի արտադրողներ (թեև այս ամենը կա նաև Կիպրոսում, բայց Կիպրոսի պատվիրակության գործարարները նշում են, որ սպառողներին միշտ դուր է գալիս բազմազանությունը): Հայաստանից ներկա էր նաև ինժեներական ընկերություն, որը արտադրում է էլեկտրոնիկա գազալցակայանների համար։Համաժողովի շրջանակում տեղի են ունեցել տարբեր ոլորտների ներկայացուցիչների ավելի քան 20 գործնական հանդիպումներ:Նշենք, որ վերջին անգամ հայ-կիպրական գործարար համաժողովն անցկացվել է Երևանում 2011 թվականին: Նման մեկ այլ համաժողով տեղի է ունեցել վերջերս՝ 2023 թվականի հոկտեմբերին, սակայն ոչ թե Հայաստանում, այլ Կիպրոսի մայրաքաղաք Նիկոսիայում։
կիպրոս
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կիպրոս, հայաստան, համաժողով
կիպրոս, հայաստան, համաժողով
Հայաստանում կայացել է երկար ժամանակվա ընթացքում առաջին հայ-կիպրական գործարար համաժողովը
Կիպրոսի տնտեսությունը ոչ միայն ֆինանսական և իրավաբանական ծառայություններ են, այլև վերականգնվող էներգետիկայի և ՏՏ զարգացող ոլորտներ։
ԵՐԵՎԱՆ, 26 ապրիլի – Sputnik. Հայաստանում տեղի է ունեցել երկար ժամանակվա ընթացքում առաջին հայ-կիպրական գործարար համաժողովը, որի շրջանակում Երևան են ժամանել տարբեր ոլորտների 15 ընկերությունների մենեջերներ:
Կիպրոսի առևտրաարդյունաբերական պալատի գլխավոր տնօրեն Մարիոս Ցակիսը համաժողովի բացմանը նշել է, որ Կիպրոսը հայտնի է բիզնեսին մատուցվող ֆինանսական և իրավաբանական ծառայություններով, սակայն կիպրական տնտեսությունը դրանով չի սահմանափակվում:
«Մեզ մոտ զարգանում է տեղեկատվական տեխնոլոգիաների ոլորտը, որն ուժեղացել է նաև վերջին շրջանում Ռուսաստանից ժամանած ընկերությունների հաշվին։ Հայաստանում նույնպես այդ ոլորտը բավականին զարգացած է, ինչը համագործակցության լայն հնարավորություններ է ստեղծում», - նշել է նա։
Բացի այդ, Կիպրոսում զարգանում են «կանաչ» նախագծերը՝ ինչպես էներգետիկայի, այնպես էլ թափոնների վերամշակման ոլորտում։ Նա ավելացրել է, որ այդ նպատակների համար հանրապետությունը զգալի միջոցներ է ստանում ԵՄ-ից, և այստեղ ևս կարելի է դիտարկել համատեղ նախագծերի իրականացման հնարավորությունը։
Կիպրոսի համար ավանդական զբոսաշրջության ոլորտում աշխուժությունը զգալիորեն նվազել է 2022 թվականից հետո. մինչ այդ այնտեղ ուղևորությունների առաջին տեղերից մեկում զբաղեցնում էին ռուս զբոսաշրջիկները։ Այժմ հանրապետությունը այլ շուկաներ է փնտրում։ Ցակիսը նշել է, որ Հայաստանը ևս կարող է Կիպրոսի համար հետաքրքիր ու նոր զբոսաշրջային ուղղություն դառնալ. այն գեղեցիկ բնություն ունի, իսկ բնակիչները մտածելակերպով շատ մոտ են կիպրոսցի հույներին:
Հայկական կողմից համաժողովին մասնակցել են ինչպես ֆինանսական, իրավաբանական, զբոսաշրջային ընկերությունների ներկայացուցիչներ, այնպես էլ մեղր, մրգային պահածոներ, գինի արտադրողներ (թեև այս ամենը կա նաև Կիպրոսում, բայց Կիպրոսի պատվիրակության գործարարները նշում են, որ սպառողներին միշտ դուր է գալիս բազմազանությունը): Հայաստանից ներկա էր նաև ինժեներական ընկերություն, որը արտադրում է էլեկտրոնիկա գազալցակայանների համար։
Համաժողովի շրջանակում տեղի են ունեցել տարբեր ոլորտների ներկայացուցիչների ավելի քան 20 գործնական հանդիպումներ:
Նշենք, որ վերջին անգամ հայ-կիպրական գործարար համաժողովն անցկացվել է Երևանում 2011 թվականին: Նման մեկ այլ համաժողով տեղի է ունեցել վերջերս՝ 2023 թվականի հոկտեմբերին, սակայն ոչ թե Հայաստանում, այլ Կիպրոսի մայրաքաղաք Նիկոսիայում։
