https://arm.sputniknews.ru/20240424/rd-pashtpanutjan-pvokhnakharary-2-amsvov-kalanavvorvel-e-na-meghadrvum-e-kasharq-vercnelu-mej-74939701.html

ՌԴ պաշտպանության փոխնախարարը 2 ամսով կալանավորվել է. նա մեղադրվում է կաշառք վերցնելու մեջ

ՌԴ պաշտպանության փոխնախարարը 2 ամսով կալանավորվել է. նա մեղադրվում է կաշառք վերցնելու մեջ

Sputnik Արմենիա

Իվանովը չի ընդունել իր մեղքը կաշառք ստանալու մեղադրանքների հետ կապված։ 24.04.2024, Sputnik Արմենիա

2024-04-24T11:58+0400

2024-04-24T11:58+0400

2024-04-24T11:58+0400

թիմուր իվանով

կալանք

ռուսաստան

դատ

կաշառք

https://cdn.am.sputniknews.ru/img/07e8/04/18/74936563_139:25:665:321_1920x0_80_0_0_13317b96d45bd9fa4845c44ccecf545c.jpg

Մոսկվայի Բասմանի դատարանը երկու ամսով՝ մինչև հունիսի 23-ը կալանավորել է Ռուսաստանի Դաշնության պաշտպանության փոխնախարար Թիմուր Իվանովին, որը երեկ ձերբակալվել էր կաշառք վերցնելու կասկածանքով, հայտնում է ՌԻԱ Նովոստին։Նրան մեղադրանք է առաջադրվել ՌԴ քրեական օրենսգրքի 290-րդ հոդվածի 6-րդ մասով նախատեսված հանցագործության համար (առանձնապես խոշոր չափերով կաշառք ստանալը):Իվանովին կարող է սպառնալ մինչև 15 տարվա ազատազրկում։ Նա դատարան է ներկայացել զինվորական համազգեստով, դատարանի որոշումից անմիջապես հետո նրան քաղաքացիական հագուստով տեղափոխել են քննչական մեկուսարան։ Իվանովը չի ընդունել իր մեղքը։Նույն գործի շրջանակներում երկու ամսով կալանավորվել է նաև Իվանովի մտերիմ ընկերը` Սերգեյ Բորոդինը։Բորոդինը վերահսկում էր պաշտպանության նախարարության օբյեկտների շինարարությունը և հիմնանորոգումը:Փոխնախարարի հետ կալանավորվել են նաև մի քանի անձինք, որոնք ըստ մեղադրանքի՝ միջնորդ են եղել կաշառքը փոխանցելու բարդ շղթայում, «Իզվեստիային» հայտնել է աղբյուրը։ Թերթի մեկ այլ աղբյուրի համաձայն՝ երեկոյան, երբ Իվանովը բերման է ենթարկվել, խուզարկություններ են սկսվել նրա ընտանիքին պատկանող տներում։ՌԴ նախագահի մամուլի քարտուղար Դմիտրի Պեսկովը նշել է, որ ՌԴ նախագահ Վլադիմիր Պուտինը նախապես տեղեկացված է եղել Իվանովի ձերբակալության մասին։ Տեղյակ է եղել նաև պաշտպանության նախարար Սերգեյ Շոյգուն։

2024

Լուրեր

am_HY

թիմուր իվանով, կալանք, ռուսաստան, դատ, կաշառք, видео