https://arm.sputniknews.ru/20240422/da-sahmanagtsman-harc-che-rusastani-hajeri-miutjuny-tavushum-tirvogh-iravitshaki-masin-74808256.html
Դա սահմանագծման հարց չէ. Ռուսաստանի հայերի միությունը` Տավուշում տիրող իրավիճակի մասին
Դա սահմանագծման հարց չէ. Ռուսաստանի հայերի միությունը` Տավուշում տիրող իրավիճակի մասին
Sputnik Արմենիա
Հայտարարության մեջ նշվոււմ է, որ Տավուշում որոշվում է հայոց պետականության ճակատագիրը։ 22.04.2024, Sputnik Արմենիա
2024-04-22T09:27+0400
2024-04-22T09:27+0400
2024-04-22T09:55+0400
ռուսաստան
ռուսաստանի հայերի միություն
տավուշ
ոսկեպար
կիրանց
սահման
դելիմիտացիա
https://cdn.am.sputniknews.ru/img/07e7/08/17/64755960_0:0:1601:901_1920x0_80_0_0_4efaa3387c68a231cc97b8ff4baa83da.jpg
ԵՐԵՎԱՆ, 22 ապրիլի- Sputnik. Ռուսաստանի հայերի միությունը դատապարտում է Տավուշի թեմի առաջնորդ Բագրատ արքեպիսկոպոս Գալստանյանի նկատմամբ Հայաստանում կազմակերպված տեղեկատվական հալածանքը, ինչպես նաև Տավուշի գյուղերի բնակիչների նկատմամբ կիրառվող ուժային մեթոդներն ու ահաբեկումները: Այս մասին ասվում է ՌՀՄ-ի տարածած հայտարարության մեջ։Նշվում է նաև, որ Հայաստանի իշխանությունները, չփորձելով լուծել հայկական պետականության պահպանման համար սկզբունքային այս հարցը, նոր զիջումների են գնում՝ իրենց ակնհայտ ձախողված քաղաքականության պատասխանատվությունը բարդելով ում վրա պատահի, բացի գլխավոր պատասխանատուից` գործող կառավարությունից:Նշվում է, որ ՀՀ կառավարությունը, խախտելով երկրի Սահմանադրությունը, առանց հանրաքվեի փոխում է սեփական պետության սահմանները հօգուտ Բաքվի, չնայած վերջինիս աճող հակահայկական հռետորաբանությանը և քաղաքականությանը և այն բանին, որ Բաքվի բանտերում տանջվում են հայ գերիները, այդ թվում և Արցախի բարձրագույն ղեկավարությունը:ՌՀՄ - ում վստահ են, որ միակողմանի զիջումները, որոնք չեն ամրապնդվել ո՛չ Բաքվի, ո՛չ երրորդ պետությունների կամ միջազգային կառույցների կողմից Ադրբեջանի հետագա ագրեսիայի դադարեցման փաստաթղթային - իրավական երաշխիքներով, երբեք չեն հանգեցնի խաղաղության: Սա հերթական մանիպուլյացիան ու խաբեությունն է, որից հետո կլինեն նոր նվաստացուցիչ զիջումներ, կորուստներ և նոր պատերազմ։«Այդ գյուղերի հարցը սահմանի, դրա դեմարկացիայի կամ պահպանության հարց չէ, Հայաստանի անվտանգության սպառնալիքների նվազեցման հարց չէ, ինչպես հավաստիացնում են Հայաստանի իշխանությունները։ Դա բարոյականության, պատվի և խղճի հարց է։ Այսօր Տավուշում որոշվում է ոչ թե Բաղանիսի, Ոսկեպարի, Կիրանցի և Բերքաբերի բնակիչների ճակատագիրը, այլ հայոց պետականության և յուրաքանչյուր հայի ճակատագիրը` անկախ նրանից՝ նա ապրում է Հայաստանում, Ռուսաստանում, Եվրոպայում, Ասիայում, թե Ամերիկայում», - ասվում է հայտարարության մեջ։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը կձևակերպվի համապատասխան արձանագրություն-նկարագրությամբ, ինչը կողմերի միջև պետք է համաձայնեցվի ու ստորագրվի մինչև 2024 թ. մայիսի 15-ը:ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` սահմանազատման հետ կապված և անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և տեղը կզիջեն սահմանապահ զորքերին:Ապրիլի 19-ի երեկոյան Տավուշի սահմանամերձ գյուղերի բնակիչները սկսել են բողոքի ակցիա իրականացնել Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
ոսկեպար
կիրանց
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, ռուսաստանի հայերի միություն, տավուշ, ոսկեպար, կիրանց, սահման, դելիմիտացիա
ռուսաստան, ռուսաստանի հայերի միություն, տավուշ, ոսկեպար, կիրանց, սահման, դելիմիտացիա
Դա սահմանագծման հարց չէ. Ռուսաստանի հայերի միությունը` Տավուշում տիրող իրավիճակի մասին
09:27 22.04.2024 (Թարմացված է: 09:55 22.04.2024) Հայտարարության մեջ նշվոււմ է, որ Տավուշում որոշվում է հայոց պետականության ճակատագիրը։
ԵՐԵՎԱՆ, 22 ապրիլի- Sputnik. Ռուսաստանի հայերի միությունը դատապարտում է Տավուշի թեմի առաջնորդ Բագրատ արքեպիսկոպոս Գալստանյանի նկատմամբ Հայաստանում կազմակերպված տեղեկատվական հալածանքը, ինչպես նաև Տավուշի գյուղերի բնակիչների նկատմամբ կիրառվող ուժային մեթոդներն ու ահաբեկումները: Այս մասին ասվում է ՌՀՄ-ի տարածած հայտարարության մեջ։
«Այն, ինչ տեղի է ունենում սահմանամերձ չորս գյուղերի շուրջ, որոնք ՀՀ իշխանությունները որոշել են հանձնել հակառակորդին, չնայած ՀՀ իշխանությունների մանիպուլյատիվ հայտարարություններին, որևէ աղերս չունի խաղաղության օրակարգի հետ: Ի հեճուկս Փաշինյանի հավաստիացումների՝ Արցախի կորուստը խաղաղության չի բերել. Ալիևին ամեն կերպ հաճոյանալու նրա ձգտումը, արժեզրկելով մեր հայրենիքի ազատության և անկախության համար նահատակվածների հերոսությունն ու հիշատակը, Ադրբեջանին հետ չպահեց հայկական տարածքների հետագա օկուպացիայից. այսօր նրա վերահսկողության տակ են գտնվում Հայաստանի երեսունմեկ բնակավայրերի հողերը», - ասվում է հայտարարության մեջ։
Նշվում է նաև, որ Հայաստանի իշխանությունները, չփորձելով լուծել հայկական պետականության պահպանման համար սկզբունքային այս հարցը, նոր զիջումների են գնում՝ իրենց ակնհայտ ձախողված քաղաքականության պատասխանատվությունը բարդելով ում վրա պատահի, բացի գլխավոր պատասխանատուից` գործող կառավարությունից:
Նշվում է, որ ՀՀ կառավարությունը, խախտելով երկրի Սահմանադրությունը, առանց հանրաքվեի փոխում է սեփական պետության սահմանները հօգուտ Բաքվի, չնայած վերջինիս աճող հակահայկական հռետորաբանությանը և քաղաքականությանը և այն բանին, որ Բաքվի բանտերում տանջվում են հայ գերիները, այդ թվում և Արցախի բարձրագույն ղեկավարությունը:
ՌՀՄ - ում վստահ են, որ միակողմանի զիջումները, որոնք չեն ամրապնդվել ո՛չ Բաքվի, ո՛չ երրորդ պետությունների կամ միջազգային կառույցների կողմից Ադրբեջանի հետագա ագրեսիայի դադարեցման փաստաթղթային - իրավական երաշխիքներով, երբեք չեն հանգեցնի խաղաղության: Սա հերթական մանիպուլյացիան ու խաբեությունն է, որից հետո կլինեն նոր նվաստացուցիչ զիջումներ, կորուստներ և նոր պատերազմ։
«Այդ գյուղերի հարցը սահմանի, դրա դեմարկացիայի կամ պահպանության հարց չէ, Հայաստանի անվտանգության սպառնալիքների նվազեցման հարց չէ, ինչպես հավաստիացնում են Հայաստանի իշխանությունները։ Դա բարոյականության, պատվի և խղճի հարց է։ Այսօր Տավուշում որոշվում է ոչ թե Բաղանիսի, Ոսկեպարի, Կիրանցի և Բերքաբերի բնակիչների ճակատագիրը, այլ հայոց պետականության և յուրաքանչյուր հայի ճակատագիրը` անկախ նրանից՝ նա ապրում է Հայաստանում, Ռուսաստանում, Եվրոպայում, Ասիայում, թե Ամերիկայում», - ասվում է հայտարարության մեջ։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին
պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը կձևակերպվի համապատասխան արձանագրություն-նկարագրությամբ, ինչը կողմերի միջև պետք է համաձայնեցվի ու ստորագրվի մինչև 2024 թ. մայիսի 15-ը:
ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` սահմանազատման հետ կապված և անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և տեղը կզիջեն սահմանապահ զորքերին:
Ապրիլի 19-ի երեկոյան Տավուշի սահմանամերձ գյուղերի բնակիչները սկսել են բողոքի ակցիա իրականացնել Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
