https://arm.sputniknews.ru/20240422/aranc-hanraqvei-voreve-taratsqi-pvopvokhutjunn-arvochinch-e-hjd-n-zgushacnum-e-pashinjanin-74844073.html
Առանց հանրաքվեի որևէ տարածքի փոփոխությունն առոչինչ է․ ՀՅԴ-ն զգուշացնում է Փաշինյանին
Առանց հանրաքվեի որևէ տարածքի փոփոխությունն առոչինչ է․ ՀՅԴ-ն զգուշացնում է Փաշինյանին
Sputnik Արմենիա
ՀՅԴ–ն ընդգծում է` սահմանազատման գործընթացը սկսելու որոշումը կայացվել է «Պետական սահմանի մասին» օրենքի կոպտագույն խախտումներով։ 22.04.2024, Sputnik Արմենիա
2024-04-22T18:18+0400
2024-04-22T18:18+0400
2024-04-22T18:20+0400
հայաստան
տավուշ
սահմանազատում
հանրաքվե
https://cdn.am.sputniknews.ru/img/181/89/1818958_0:45:1600:945_1920x0_80_0_0_98032a3290703e76ced732c6c61d7fc9.jpg
ԵՐԵՎԱՆ, 22 ապրիլի – Sputnik. ՀՅԴ Հայաստանի գերագույն մարմինը ՀՀ վարչապետ Նիկոլ Փաշինյանին զգուշացնում է, որ առանց հանրաքվեի ՀՀ ինքնիշխան իրավազորության ներքո գտնվող որևէ տարածքի փոփոխություն կամ այդ ուղղությամբ իրականացված որևէ գործողություն ոչ միայն առոչինչ է, այլ նաև համարվում է ՀՀ սահմանադրական կարգի և պետության անվտանգության դեմ ուղղված առանձնապես ծանր հանցագործություն, որը պատժվում է ընդհուպ ցմահ ազատազրկմամբ: Այս մասին նշված է ԳՄ–ի հայտարարության մեջ։ՀՅԴ–ն ընդգծել է, որ ՀՀ փոխվարչապետ Մհեր Գրիգորյանի ղեկավարած սահմանազատման հարցերով հանձնաժողովը, ըստ իր ստեղծման իրավական հիմքի, խորհրդակցական մարմին է, ՀՀ ինքնիշխան իրավազորության ներքո գտնվող որևէ տարածք այլ պետությանը փոխանցելու կամ ՀՀ պետական սահմանի գիծը որոշելու որևէ լիազորություն չունի։ՀՅԴ–ն հիշեցրել է, որ նշված տարածքները գտնվում են ՀՀ ինքնիշխան իրավազորության ներքո, որտեղ գործում են Հայաստանի Հանրապետության օրենքները, տեղակայված են Հայաստանի զինված ուժերը, իսկ 2015 թ. դեկտեմբերի 22–ից ուժի մեջ մտած Սահմանադրության 205-րդ հոդվածի համաձայն՝ ՀՀ տարածքի որևէ փոփոխությանը վերաբերող հարցերը լուծվում են բացառապես հանրաքվեի միջոցով.«Վերահաստատելով սահմանազատման և սահմանագծման համար անհրաժեշտ միջավայրի բացակայության վերաբերյալ նախկինում մեր արտահայտված դիրքորոշումը` կրկին հիշեցնում ենք, որ երկու երկրների միջև սահմանազատումն ու սահմանագծումը միմյանց հաջորդող գործընթացներն են: Նախ` միջազգային իրավունքի համաձայն և փորձի հաշվառմամբ՝ երկու երկրների միջև պետք է իրականացվի սահմանի ամբողջական սահմանազատում (դելիմիտացիա), որի նկարագրությունը հաստատող փաստաթուղթը, երբ այն նախատեսում է Հայաստանի Հանրապետության ինքնիշխան իրավազորության ներքո գտնվող որևէ տարածքի փոփոխություն, ենթակա է հանրաքվեով հաստատման: Վերջինիս առկայության դեպքում է միայն իրականացվում սահմանագծում (դեմարկացիա)»,– ընդգծել է ԳՄ–ն։Մինչև նշված հանրաքվեով հաստատումը Հայաստանի զինված ուժերը պարտավոր են կատարել Հայաստանի Հանրապետության պաշտպանության, անվտանգության, տարածքային ամբողջականության և սահմանների անձեռնմխելիության ապահովման իրենց՝ սահմանադրական գործառույթները։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը կձևակերպվի համապատասխան արձանագրություն-նկարագրությամբ, ինչը կողմերի միջև պետք է համաձայնեցվի ու ստորագրվի մինչև 2024 թ. մայիսի 15-ը:ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` սահմանազատման հետ կապված և անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և տեղը կզիջեն սահմանապահ զորքերին:Տավուշի սահմանամերձ գյուղերի բնակիչներն ապրիլի 19-ից բողոքի ակցիա են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, տավուշ, սահմանազատում, հանրաքվե
հայաստան, տավուշ, սահմանազատում, հանրաքվե
Առանց հանրաքվեի որևէ տարածքի փոփոխությունն առոչինչ է․ ՀՅԴ-ն զգուշացնում է Փաշինյանին
18:18 22.04.2024 (Թարմացված է: 18:20 22.04.2024) ՀՅԴ–ն ընդգծում է` սահմանազատման գործընթացը սկսելու որոշումը կայացվել է «Պետական սահմանի մասին» օրենքի կոպտագույն խախտումներով։
ԵՐԵՎԱՆ, 22 ապրիլի – Sputnik. ՀՅԴ Հայաստանի գերագույն մարմինը ՀՀ վարչապետ Նիկոլ Փաշինյանին զգուշացնում է, որ առանց հանրաքվեի ՀՀ ինքնիշխան իրավազորության ներքո գտնվող որևէ տարածքի փոփոխություն կամ այդ ուղղությամբ իրականացված որևէ գործողություն ոչ միայն առոչինչ է, այլ նաև համարվում է ՀՀ սահմանադրական կարգի և պետության անվտանգության դեմ ուղղված առանձնապես ծանր հանցագործություն, որը պատժվում է ընդհուպ ցմահ ազատազրկմամբ: Այս մասին նշված է ԳՄ–ի հայտարարության մեջ։
ՀՅԴ–ն ընդգծել է, որ ՀՀ փոխվարչապետ Մհեր Գրիգորյանի ղեկավարած սահմանազատման հարցերով հանձնաժողովը, ըստ իր ստեղծման իրավական հիմքի, խորհրդակցական մարմին է, ՀՀ ինքնիշխան իրավազորության ներքո գտնվող որևէ տարածք այլ պետությանը փոխանցելու կամ ՀՀ պետական սահմանի գիծը որոշելու որևէ լիազորություն չունի։
«Սահմանազատումն ու դրա հիման վրա փաստացի սահմանագծման աշխատանքները Տավուշի մարզից սկսելու որոշումը կայացվել է ոչ միայն նման հարցերով միջազգային լավագույն փորձի լիակատար անտեսմամբ, միջազգային իրավունքով արգելված՝ ուժի սպառնալիքի կամ այն կիրառելու, Հայաստանի անվտանգությունն անտեսելու պայմաններում, այլ նաև ՀՀ օրենսդրության, այդ թվում՝ «Պետական սահմանի մասին» օրենքի կոպտագույն խախտումներով»,– ասված է հայտարարությունում։
ՀՅԴ–ն հիշեցրել է, որ նշված տարածքները գտնվում են ՀՀ ինքնիշխան իրավազորության ներքո, որտեղ գործում են Հայաստանի Հանրապետության օրենքները, տեղակայված են Հայաստանի զինված ուժերը, իսկ 2015 թ. դեկտեմբերի 22–ից ուժի մեջ մտած Սահմանադրության 205-րդ հոդվածի համաձայն՝ ՀՀ տարածքի որևէ փոփոխությանը վերաբերող հարցերը լուծվում են բացառապես հանրաքվեի միջոցով.
«Վերահաստատելով սահմանազատման և սահմանագծման համար անհրաժեշտ միջավայրի բացակայության վերաբերյալ նախկինում մեր արտահայտված դիրքորոշումը` կրկին հիշեցնում ենք, որ երկու երկրների միջև սահմանազատումն ու սահմանագծումը միմյանց հաջորդող գործընթացներն են: Նախ` միջազգային իրավունքի համաձայն և փորձի հաշվառմամբ՝ երկու երկրների միջև պետք է իրականացվի սահմանի ամբողջական սահմանազատում (դելիմիտացիա), որի նկարագրությունը հաստատող փաստաթուղթը, երբ այն նախատեսում է Հայաստանի Հանրապետության ինքնիշխան իրավազորության ներքո գտնվող որևէ տարածքի փոփոխություն, ենթակա է հանրաքվեով հաստատման: Վերջինիս առկայության դեպքում է միայն իրականացվում սահմանագծում (դեմարկացիա)»,– ընդգծել է ԳՄ–ն։
Մինչև նշված հանրաքվեով հաստատումը Հայաստանի զինված ուժերը պարտավոր են կատարել Հայաստանի Հանրապետության պաշտպանության, անվտանգության, տարածքային ամբողջականության և սահմանների անձեռնմխելիության ապահովման իրենց՝ սահմանադրական գործառույթները։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին
պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը կձևակերպվի համապատասխան արձանագրություն-նկարագրությամբ, ինչը կողմերի միջև պետք է համաձայնեցվի ու ստորագրվի մինչև 2024 թ. մայիսի 15-ը:
ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` սահմանազատման հետ կապված և անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և տեղը կզիջեն սահմանապահ զորքերին:
Տավուշի սահմանամերձ գյուղերի բնակիչներն ապրիլի 19-ից
բողոքի ակցիա են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
