https://arm.sputniknews.ru/20240422/patmutjuny-mvoracutjan-matnvoghnery-datapartvats-en-skhalneri-krknutjan-hhum-rd-despan-74840009.html

Պատմությունը մոռացության մատնողները դատապարտված են սխալների կրկնության․ ՀՀ–ում ՌԴ դեսպան

Պատմությունը մոռացության մատնողները դատապարտված են սխալների կրկնության․ ՀՀ–ում ՌԴ դեսպան

Sputnik Արմենիա

Ակցիան ոչ միայն խորհրդանշական է, այլև զգալի ներդրում ունի քաղաքի բարեկարգման գործում: 22.04.2024, Sputnik Արմենիա

2024-04-22T17:31+0400

2024-04-22T17:31+0400

2024-04-22T17:41+0400

հայաստան

պատերազմ

սերգեյ կոպիրկին

«հիշողության այգի» միջազգային ակցիա

https://cdn.am.sputniknews.ru/img/07e8/04/16/74835458_0:108:1233:802_1920x0_80_0_0_9745da4a1ccec3ae65089b648de551d9.jpg

ԵՐԵՎԱՆ, 22 ապրիլի – Sputnik. «Հիշողության այգի» միջազգային ակցիան արդեն բարի ավանդույթ է դարձել, այդ թվում` Հայաստանում, ինչը, հաշվի առնելով Խորհրդային Հայաստանի նշանակալի ներդրումը Հայրենական մեծ պատերազմում հաղթանակի հասնելու գործում, միանգամայն տրամաբանական է: Այս հայտարարությունն արեց Հայաստանում Ռուսաստանի արտակարգ և լիազոր դեսպան Սերգեյ Կոպիրկինը` ելույթ ունենալով միջոցառման ժամանակ։«Մեծ հաղթանակը մեծապես որոշում է մեր և ամբողջ աշխարհի կյանքը։ Դա հարգանքի բարոյական տուրքն է այդ հաղթանակը նվաճած մեր պապերի ու նախապապերի հիշատակին։ Կարևոր է պահպանել ճշմարտությունը մեր ընդհանուր պատմության մասին, որի մասին հիմա փորձում լռել կամ խեղաթյուրել այն»,- ասաց նա։Կոպիրկինի խոսքով` մոռացության մատնելով անցյալն ու անցյալի դասերը` մարդիկ իրենց դատապարտում են անցյալի ողբերգությունների կրկնության։«Այսօր մենք դա հատկապես սուր ենք զգում»,- ընդգծեց նա։Դեսպանը նշեց նաև, որ ակցիան իր նպաստն է բերում քաղաքի բարեկարգմանը և հարգանքի տուրք է նախնիների հիշատակին:«Հիշողության այգի» միջազգային ակցիան առաջին անգամ անցկացվել է 2020 թվականին։Ակցիայի նպատակն է հավերժացնել Երկրորդ համաշխարհային պատերազմի տարիներին զոհվածներից յուրաքանչյուրի հիշատակը։ Ամեն տարի տնկվում է ավելի քան 27 միլիոն ծառ` ի հիշատակ 27 միլիոն զոհերի: Ակցիան անցկացվում է Ռուսաստանի Դաշնության նախագահ Վլադիմիր Պուտինի հանձնարարությամբ:Ակցիան կազմակերպել են «Հիշողության պարտեզ» ՀԿ-ն, «Հաղթանակի կամավորներ» համառուսաստանյան հանրային շարժումը և Հաղթանակի հրամանատարների հիշատակի հիմնադրամը` ՌԴ կրթության նախարարության, ՌԴ բնական ռեսուրսների և բնապահպանության նախարարության, անտառային տնտեսության դաշնային գործակալության աջակցությամբ, «Էկոլոգիա» ազգային նախագծի շրջանակում:

https://arm.sputniknews.ru/20230405/erevanum-100-kechi-tnkecin-hishvoghutjan-ajgi-akciaji-shrjanakum-57744627.html

2024

Լուրեր

am_HY

հայաստան, պատերազմ, սերգեյ կոպիրկին, «հիշողության այգի» միջազգային ակցիա