https://arm.sputniknews.ru/20240415/azhn-aprili-16in-artahert-nist-kanckacni-74550326.html
ԱԺ–ն ապրիլի 16–ին արտահերթ նիստ կանցկացնի
ԱԺ–ն ապրիլի 16–ին արտահերթ նիստ կանցկացնի
Sputnik Արմենիա
Նիստում կներառվի ցեղասպանության ենթարկված եզդիների հիշատակի օր սահմանելու հարցը։ 15.04.2024, Sputnik Արմենիա
2024-04-15T12:21+0400
2024-04-15T12:21+0400
2024-04-15T12:36+0400
հայաստան
եզդի
աժ (ազգային ժողով)
ռուստամ բաքոյան
https://cdn.am.sputniknews.ru/img/07e6/05/19/42451132_0:102:1600:1002_1920x0_80_0_0_b6922e0d9f47026d4f05572878ac34f3.jpg
ԵՐԵՎԱՆ, 15 ապրիլի – Sputnik. ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովը դրական եզրակացություն տվեց Իրաքի հյուսիսային Սինջար շրջանում ցեղասպանության ենթարկված եզդիների հիշատակի օր սահմանելու նախագծին։ Հարցը կներառվի Ազգային ժողովի` ապրիլի 16–ին կայանալիք արտահերթ նիստի օրակարգում։Նախագծի հեղինակ, ԱԺ պատգամավոր Ռուստամ Բաքոյանը հանձնաժողովի նիստի ժամանակ նշեց, որ եզդի ազգի ցեղասպանության վերաբերյալ հայ հասարակության շրջանում իրազեկվածության բարձրացման անհրաժեշտություն կա, ուստի «Հայաստանի Հանրապետության տոների և հիշատակի օրերի մասին» օրենքում լրացում կատարելն անհրաժեշտություն է։Նախագծով առաջարկվում է «Հայաստանի Հանրապետության տոների և հիշատակի օրերի մասին» օրենքում լրացում կատարել և օգոստոսի 3-ը սահմանել 2014 թվականի Սինջարի եզդիների ցեղասպանության զոհերի հիշատակի օր։Նրա խոսքով` ՀՀ քաղաքացիները ևս մեկ առիթ կունենան օգոստոսի 3–ին վշտակցելու իրենց հետ բնակվող ամենամեծ ազգային փոքրամասնության ներկայացուցիչներին։Հարակից զեկուցով հանդես եկավ ԱԺ «Քաղաքացիական պայմանագիր» խմբակցության պատգամավոր Արթուր Հովհաննիսյանը։«Ակնհայտ է, որ եզդի ժողովրդի հանդեպ տեղի է ունեցել ցեղասպանություն։ Մենք գիտենք հայ ժողովրդի վերաբերմունքը ցեղասպանությանը, ուստի մենք մեր ուրույն տեղը պետք է ունենանք աշխարհում ցեղասպանությունների կանխարգելման մասով», – ասաց նա։Հիշեցնենք` 2014 թվականին ԻՊ խմբավորման զինյալները գրավել էին Հյուսիսային Իրաքի` եզդիներով բնակեցված տարածքները և իրականացրել խաղաղ բնակչության զանգվածային սպանություններ: Մի քանի հազար մարդ սպանվել էր, տասնյակհազարավոր մարդիկ դարձել էին փախստական։Հավելենք, որ 2018 թվականին Հայաստանի խորհրդարանը ճանաչել էր Իրաքում եզդիների ցեղասպանությունը, իսկ 2015 թվականին՝ Օսմանյան կայսրությունում իրականացված ցեղասպանության 100-րդ տարելիցին, ընդունել էր հույների և ասորիների ցեղասպանությունը ճանաչող բանաձև։Ի հեճուկս Թուրքիայի․ ինչո՞վ են ապրում Սինջարի եզդիները և ինչու սիրեցին հայերին
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, եզդի, աժ (ազգային ժողով), ռուստամ բաքոյան
հայաստան, եզդի, աժ (ազգային ժողով), ռուստամ բաքոյան
ԱԺ–ն ապրիլի 16–ին արտահերթ նիստ կանցկացնի
12:21 15.04.2024 (Թարմացված է: 12:36 15.04.2024) Նիստում կներառվի ցեղասպանության ենթարկված եզդիների հիշատակի օր սահմանելու հարցը։
ԵՐԵՎԱՆ, 15 ապրիլի – Sputnik. ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովը դրական եզրակացություն տվեց Իրաքի հյուսիսային Սինջար շրջանում ցեղասպանության ենթարկված եզդիների հիշատակի օր սահմանելու նախագծին։ Հարցը կներառվի Ազգային ժողովի` ապրիլի 16–ին կայանալիք արտահերթ նիստի օրակարգում։
Նախագծի հեղինակ, ԱԺ պատգամավոր Ռուստամ Բաքոյանը հանձնաժողովի նիստի ժամանակ նշեց, որ եզդի ազգի ցեղասպանության վերաբերյալ հայ հասարակության շրջանում իրազեկվածության բարձրացման անհրաժեշտություն կա, ուստի «Հայաստանի Հանրապետության տոների և հիշատակի օրերի մասին» օրենքում լրացում կատարելն անհրաժեշտություն է։
«Խնդիրն առավել արդիական է դառնում նաև այն առումով, որ վերջին տասնամյակներում նոր թափ է ստացել եզդի ժողովրդի նկատմամբ կատարված ցեղասպանության ճանաչման գործընթացը»,– ասաց եզդի պատգամավորը։
Նախագծով առաջարկվում է «Հայաստանի Հանրապետության տոների և հիշատակի օրերի մասին» օրենքում լրացում կատարել և օգոստոսի 3-ը սահմանել 2014 թվականի Սինջարի եզդիների ցեղասպանության զոհերի հիշատակի օր։
Նրա խոսքով` ՀՀ քաղաքացիները ևս մեկ առիթ կունենան օգոստոսի 3–ին վշտակցելու իրենց հետ բնակվող ամենամեծ ազգային փոքրամասնության ներկայացուցիչներին։
Հարակից զեկուցով հանդես եկավ ԱԺ «Քաղաքացիական պայմանագիր» խմբակցության պատգամավոր Արթուր Հովհաննիսյանը։
«Ակնհայտ է, որ եզդի ժողովրդի հանդեպ տեղի է ունեցել ցեղասպանություն։ Մենք գիտենք հայ ժողովրդի վերաբերմունքը ցեղասպանությանը, ուստի մենք մեր ուրույն տեղը պետք է ունենանք աշխարհում ցեղասպանությունների կանխարգելման մասով», – ասաց նա։
Հիշեցնենք` 2014 թվականին ԻՊ խմբավորման զինյալները գրավել էին Հյուսիսային Իրաքի` եզդիներով բնակեցված տարածքները և իրականացրել խաղաղ բնակչության զանգվածային սպանություններ: Մի քանի հազար մարդ սպանվել էր, տասնյակհազարավոր մարդիկ դարձել էին փախստական։
Հավելենք, որ 2018 թվականին Հայաստանի խորհրդարանը ճանաչել էր Իրաքում եզդիների ցեղասպանությունը, իսկ 2015 թվականին՝ Օսմանյան կայսրությունում իրականացված ցեղասպանության 100-րդ տարելիցին, ընդունել էր հույների և ասորիների ցեղասպանությունը ճանաչող բանաձև։
