https://arm.sputniknews.ru/20240413/erevanum-martin-tvomsajin-hamakargvov-vtsharumnery-1--i-el-chen-hasel-74448524.html
Երևանում մարտին տոմսային համակարգով վճարումները 1 %-ի էլ չեն հասել
Երևանում մարտին տոմսային համակարգով վճարումները 1 %-ի էլ չեն հասել
Sputnik Արմենիա
Այս տարվա մարտին տոմսային համակարգի միջոցով վճարվել է շուրջ 107 000 ուղևորության համար, մինչդեռ ըստ 2016 թվականին իրականացված ուսումնասիրության՝ Երևանում... 13.04.2024, Sputnik Արմենիա
2024-04-13T09:55+0400
2024-04-13T09:55+0400
2024-04-13T09:55+0400
ուղևոր
ուղևորահոսք
երևան
վճարային տերմինալ
վճարային համակարգ
https://cdn.am.sputniknews.ru/img/07e7/0c/06/69676368_0:146:1601:1046_1920x0_80_0_0_8c07d6f1d3ae18e591f9dafaffd8a6aa.jpg
ԵՐԵՎԱՆ, 13 ապրիլի – Sputnik. Երևանի քաղաքապետարանի ենթակայության տակ գործող հասարակական տրանսպորտային միջոցների բոլոր` 760 շահագործվող շարժակազմերում տեղադրված են վճարային տերմինալներ (վալիդատորներ), բայց չնայած դրան, հասարական տրանսպորտից օգտվող քաղաքացիների շատ փոքր մասն է օգտվում դրանցից։ Մեր հաշվարկներով՝ մարտին տոմսային համակարգով վճարումները 1 %-ի էլ չեն հասել (0,3 %)։Այսօր Երևանի հասարակական տրանսպորտում վճարումը կատարում է հիմնականում վարորդին մետաղադրամ փոխանցելով կամ մետաղադրամը համապատասխան սարքի մեջ գցելով։Ըստ Sputnik Արմենիային տված գրավոր պատասխանի` Երևանի քաղաքապետարանը հստակ թվեր չունի, թե օրական հանրային տրանսպորտից քանի քաղաքացի է օգտվում։ Այնուհանդերձ, Երևանի քաղաքապետարանը տոմսային համակարգով կատարված վճարումների մասով որոշակի թվեր արձանագրում է։Հարցին, թե վերջին մեկ ամսվա կտրվածքով քանի՞ քաղաքացի է օգտվել վճարային տերմինալներից, Երևանի քաղաքապետարանից հայտնում են.Մինչդեռ քաղաքապետարանի կայքում հրապարակված «Երևանի հասարակական տրանսպորտի միասնական տոմսային համակարգ» տեխնիկական պահանջում ընդգծված է, որ համաձայն 2016 թվականին իրականացված ուսումնասիրության՝ Երևանում ուղևորահոսքը օրական միջինում կազմում է շուրջ 600 000 ուղևոր։ Այսինքն եթե ենթադրենք, որ մեկ քաղաքացին օրական ամենաքիչը 2 անգամ օգտվում է հասարակական տրանսպորտից, ամսական միջինում ուղևորահոսքը կազմում է 36 000 000, ու ստացվում է, որ Երևանում հասարակական տրանսպորտի տոմսային համակարգից օգտվողների թիվը կազմում է 0,3%։Միաժամանակ Երևանի քաղաքապետարանը հայտնում է, որ այս տարվա սեպտեմբերից ուղեվճարների քարտային համակարգի ներդրման պարագայում քարտի բալանսը վերալիցքավորելու համար անհրաժեշտ են լինելու վճարային տերմինալներ, իսկ արդեն գործող տերմինալների ծրագրային խնդիրները հրատապ լուծվում են։Միասնական տոմսային համակարգի նախագիծը սեպտեմբերի համար է. Երևանի փոխքաղաքապետՀասարակական տրանսպորտում տեղադրված են նաև 100 դրամանոց մանրադրամ ընդունող սարքեր, որոնք սեպտեմբերից, տոմսային համակարգի լիարժեք գործարկումից հետո, աստիճանաբար դուրս են գալու հասարականան տրանսպորտից։Քաղաքային իշխանությունը նաև ընդգծում է, որ պետական բյուջեից գումար չի հատկացվել հասարակական տրանսպորտը վճարային տերմինալներով ապահովելու համար, քանի որ նախագիծը իրականացվում է ֆինանսական օպերատորի միջոցներով։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ուղևոր, ուղևորահոսք, երևան, վճարային տերմինալ, վճարային համակարգ, видео
ուղևոր, ուղևորահոսք, երևան, վճարային տերմինալ, վճարային համակարգ, видео
Երևանում մարտին տոմսային համակարգով վճարումները 1 %-ի էլ չեն հասել
Այս տարվա մարտին տոմսային համակարգի միջոցով վճարվել է շուրջ 107 000 ուղևորության համար, մինչդեռ ըստ 2016 թվականին իրականացված ուսումնասիրության՝ Երևանում ամսական միջինում 36 000 000 ուղևորափոխադրում է կատարվում։
ԵՐԵՎԱՆ, 13 ապրիլի – Sputnik. Երևանի քաղաքապետարանի ենթակայության տակ գործող հասարակական տրանսպորտային միջոցների բոլոր` 760 շահագործվող շարժակազմերում տեղադրված են վճարային տերմինալներ (վալիդատորներ), բայց չնայած դրան, հասարական տրանսպորտից օգտվող քաղաքացիների շատ փոքր մասն է օգտվում դրանցից։ Մեր հաշվարկներով՝ մարտին տոմսային համակարգով վճարումները 1 %-ի էլ չեն հասել (0,3 %)։
Այսօր Երևանի հասարակական տրանսպորտում վճարումը կատարում է հիմնականում վարորդին մետաղադրամ փոխանցելով կամ մետաղադրամը համապատասխան սարքի մեջ գցելով։
Ըստ
Sputnik Արմենիային տված գրավոր պատասխանի` Երևանի քաղաքապետարանը հստակ թվեր չունի, թե օրական հանրային տրանսպորտից քանի քաղաքացի է օգտվում։ Այնուհանդերձ, Երևանի քաղաքապետարանը տոմսային համակարգով կատարված վճարումների մասով որոշակի թվեր արձանագրում է։
Հարցին, թե վերջին մեկ ամսվա կտրվածքով քանի՞ քաղաքացի է օգտվել վճարային տերմինալներից, Երևանի քաղաքապետարանից հայտնում են.
«Մարտին տոմսային համակարգի միջոցով վճարվել է շուրջ 107 000 ուղևորության համար»,–հայտնում են քաղաքապետարանից։
Մինչդեռ քաղաքապետարանի կայքում հրապարակված «Երևանի հասարակական տրանսպորտի միասնական տոմսային համակարգ» տեխնիկական պահանջում ընդգծված է, որ համաձայն 2016 թվականին իրականացված ուսումնասիրության՝ Երևանում ուղևորահոսքը օրական միջինում կազմում է շուրջ 600 000 ուղևոր։ Այսինքն եթե ենթադրենք, որ մեկ քաղաքացին օրական ամենաքիչը 2 անգամ օգտվում է հասարակական տրանսպորտից, ամսական միջինում ուղևորահոսքը կազմում է 36 000 000, ու ստացվում է, որ Երևանում հասարակական տրանսպորտի տոմսային համակարգից օգտվողների թիվը կազմում է 0,3%։
Միաժամանակ Երևանի քաղաքապետարանը հայտնում է, որ այս տարվա սեպտեմբերից ուղեվճարների քարտային համակարգի ներդրման պարագայում քարտի բալանսը վերալիցքավորելու համար անհրաժեշտ են լինելու վճարային տերմինալներ, իսկ արդեն գործող տերմինալների ծրագրային խնդիրները հրատապ լուծվում են։
Հասարակական տրանսպորտում տեղադրված են նաև 100 դրամանոց մանրադրամ ընդունող սարքեր, որոնք սեպտեմբերից, տոմսային համակարգի լիարժեք գործարկումից հետո, աստիճանաբար դուրս են գալու հասարականան տրանսպորտից։
Քաղաքային իշխանությունը նաև ընդգծում է, որ պետական բյուջեից գումար չի հատկացվել հասարակական տրանսպորտը վճարային տերմինալներով ապահովելու համար, քանի որ նախագիծը իրականացվում է ֆինանսական օպերատորի միջոցներով։
