https://arm.sputniknews.ru/20240408/azatutjun-qaghbantarkjalnerin-hh-agni-dimac-bvoghvoqi-akcia-e-74311954.html

Ազատություն քաղբանտարկյալներին. ՀՀ ԱԳՆ–ի դիմաց բողոքի ակցիա է

Ազատություն քաղբանտարկյալներին. ՀՀ ԱԳՆ–ի դիմաց բողոքի ակցիա է

Sputnik Արմենիա

ՀՀ ԱԺ նախկին պատգամավոր Նաիրա Զոհրաբյանն իր հետ բերել է թուրքական արտադրության լամպ։ 08.04.2024, Sputnik Արմենիա

2024-04-08T11:11+0400

2024-04-08T11:11+0400

2024-04-08T15:22+0400

տեսանյութեր

տեսանյութ

բողոքի ակցիա

քաղբանտարկյալ

հայաստան

արտաքին գործերի նախարարություն (ագն)

հհ արտաքին գործերի նախարարություն. ագն

մարիա պեյչինովիչ բուրիչ

https://cdn.am.sputniknews.ru/img/07e8/04/08/74311377_0:0:1281:720_1920x0_80_0_0_b6e8ef9d189420e20b1a7f06e12081f0.jpg

ԵՐԵՎԱՆ, 8 ապրիլի – Sputnik. ՀՀ ԱԳՆ–ի դիմաց այս պահին բողոքի ակցիա է ընթանում։ Այսօր ՀՀ է ժամանում Եվրոպայի խորհրդի գլխավոր քարտուղար Մարիա Պեյչինովիչ Բուրիչը։ Ակցիայի մասնակիցները ցանկանում են նրան ցույց տալ, որ ՀՀԿ փոխնախագահ Արմեն Աշոտյանը, Վանաձորի նախկին քաղաքապետ Մամիկոն Ասլանյանը, «Յութուբով» հեռարձակվող «Իմնեմնիմի» հաղորդման համահեղինակներ Նարեկ Սամսոնյանն ու Վազգեն Սաղաթելյանը քաղբանտարկյալներ են։ՀՀ ԱԺ նախկին պատգամավոր Նաիրա Զոհրաբյանն իր հետ բերել է թուրքական արտադրության լամպ։«Քանի որ ՀՀ վարչապետ Նիկոլ Փաշինյանը ՀՀ–ն համարում է ժողովրդավարության փարոս, այս թուրքական արտադրության լամպը նրա փարոսն է, քանի որ այն լույս է տալիս և աշխատում է բացառապես Ադրբեջանի և Թուրքիայի համար»,– հայտարարեց նա։Իրավապաշտպան Ռուբեն Մելիքյանը հայտարարեց, որ իրենց այսօրվա իրազեկման ակցիան վերաբերում է ինչպես Երևանում, այնպես էլ Բաքվի բանտերում գտնվող քաղբանտարկյալների անհապաղ ազատ արձակմանը։«Եվրոպայի խորհուրդը հայտարարել է, որ մարդկանց չի կարելի ձերբակալել, չի կարելի ոտքը գլխին դնել քաղաքական պատճառներով։ Մենք հավաքվել ենք, որ Պեյչինովիչ-Բուրիչից պահանջենք` երկակի ստանդարտներ չկիրառվեն»,– ընդգծեց նա։Ակցիայի մասնակիցներից Դավիթ Ֆիդանյանն ընթերցեց այն նամակը, որը ցանկանում էին փոխանցել Բուրիչին մոտենալ նրան։ Նամակում մասնավորապես ասվում է, որ ՀՀ ՔԿՀ–ները լի են քաղբանտարկյալներով, իսկ անկախ լրագրողները ենթարկվում են հետապնդումների։Նամակում կա նաև կոչ` քայլեր ձեռնարկել Բաքվում պահվող հայ գերիներին ազատ արձակելու համար։Այնուամենայնիվ, հաջողվել է նամակը միջնորդավորված փոխանցել Բուրիչին։Հավելենք, որ Բուրիչը Հայաստան է ժամանել այսօր առավոտյան։

2024

Լուրեր

am_HY

տեսանյութեր, տեսանյութ, բողոքի ակցիա, քաղբանտարկյալ, հայաստան, արտաքին գործերի նախարարություն (ագն), հհ արտաքին գործերի նախարարություն. ագն, մարիա պեյչինովիչ բուրիչ