https://arm.sputniknews.ru/20240403/mak-mardu-iravunqneri-khvorhurdn-yndunel-e-hhi-nerkajacrats-banadzevy-74161453.html
ՄԱԿ–ի մարդու իրավունքների խորհուրդն ընդունել է ՀՀ–ի ներկայացրած բանաձևը
ՄԱԿ–ի մարդու իրավունքների խորհուրդն ընդունել է ՀՀ–ի ներկայացրած բանաձևը
Sputnik Արմենիա
Ցեղասպանության կանխարգելման մասին բանաձևի տեքստում կարևոր դրույթներ են ավելացվել: 03.04.2024, Sputnik Արմենիա
2024-04-03T22:22+0400
2024-04-03T22:22+0400
2024-04-03T22:37+0400
հայաստան
միավորված ազգերի կազմակերպություն (մակ)
ցեղասպանություն
բանաձև
https://cdn.am.sputniknews.ru/img/07e6/04/01/40429544_65:90:705:450_1920x0_80_0_0_61a71d99e309ac126fb7579af6ee9a3c.jpg
ԵՐԵՎԱՆ, 3 ապրիլի – Sputnik. ՄԱԿ-ի Մարդու իրավունքների խորհրդի 55-րդ նստաշրջանում կոնսենսուսով ապրիլի 3-ին ընդունվել է Հայաստանի կողմից ներկայացված «Ցեղասպանության կանխարգելում» բանաձևը: Տեղեկությունը հայտնում է ՀՀ արտգործնախարարության մամուլի ծառայությունը։Երկու տարին մեկ ներկայացվող բանաձևը ՄԱԿ-ի անդամ երկրների ուշադրությունն է հրավիրում այս ոճրագործության կրկնության ռիսկերի և դրանք կանխելու անհրաժեշտության վրա: Բանաձևն անպատժելիությունը որակում է որպես ցեղասպանությունների, պատերազմական հանցագործությունների և մարդկության դեմ հանցագործությունների ռիսկի զգալի գործոն` ընդգծելով, որ այն պետք է հասցեագրվի հետաքննության, քրեական հետապնդման և պատժի միջոցով։Նախարարությունը հատկանշական է համարում այն փաստը, որ բանաձևը հատուկ նշում է Արդարադատության միջազգային դատարանի դերը ցեղասպանության հանցագործության կանխարգելման և պատժի հարցերում: Փաստաթղթով նախատեսվում է ՄԻԽ 58-րդ նստաշրջանում պանելային քննարկում անցկացնել վաղ նախազգուշացման թեմայով: Հայաստանի այս նախաձեռնությունը կարևոր ներդրումն է ցեղասպանությունների և զանգվածային ոճրագործությունների կանխարգելման միջազգային օրակարգն ամրապնդելու ուղղությամբ։ Նշվում է` կարևոր է նաև այն, որ Հայաստանի կողմից ներկայացված «Ցեղասպանության կանխարգելում» բանաձևը վայելում է լայն աջակցություն. այն համահեղինակում են բոլոր 5 տարածաշրջանային խմբերի անդամ հանդիսացող երկրները:
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, միավորված ազգերի կազմակերպություն (մակ), ցեղասպանություն, բանաձև
հայաստան, միավորված ազգերի կազմակերպություն (մակ), ցեղասպանություն, բանաձև
ՄԱԿ–ի մարդու իրավունքների խորհուրդն ընդունել է ՀՀ–ի ներկայացրած բանաձևը
22:22 03.04.2024 (Թարմացված է: 22:37 03.04.2024) Ցեղասպանության կանխարգելման մասին բանաձևի տեքստում կարևոր դրույթներ են ավելացվել:
ԵՐԵՎԱՆ, 3 ապրիլի – Sputnik. ՄԱԿ-ի Մարդու իրավունքների խորհրդի 55-րդ նստաշրջանում կոնսենսուսով ապրիլի 3-ին ընդունվել է Հայաստանի կողմից ներկայացված «Ցեղասպանության կանխարգելում» բանաձևը: Տեղեկությունը հայտնում է
ՀՀ արտգործնախարարության մամուլի ծառայությունը։
Երկու տարին մեկ ներկայացվող բանաձևը ՄԱԿ-ի անդամ երկրների ուշադրությունն է հրավիրում այս ոճրագործության կրկնության ռիսկերի և դրանք կանխելու անհրաժեշտության վրա: Բանաձևն անպատժելիությունը որակում է որպես ցեղասպանությունների, պատերազմական հանցագործությունների և մարդկության դեմ հանցագործությունների ռիսկի զգալի գործոն` ընդգծելով, որ այն պետք է հասցեագրվի հետաքննության, քրեական հետապնդման և պատժի միջոցով։
«Այս տարվա բանաձևի տեքստում, հաշվի առնելով ժամանակակից մարտահրավերները, կարևոր դրույթներ են ավելացվել վաղ նախազգուշացման և ցեղասպանությունների հետ կապված ռիսկերի վերաբերյալ: Մասնավորապես նման ռիսկերի շարքում նշվում են զինված հակամարտությունների օգտագործումը ցեղասպանություն իրականացնելու նպատակով և որպես պատերազմ վարելու արգելված միջոց խաղաղ բնակչությունը սովի մատնելու անթույլատրելիությունը»,– ասված է հաղորդագրությունում:
Նախարարությունը հատկանշական է համարում այն փաստը, որ բանաձևը հատուկ նշում է Արդարադատության միջազգային դատարանի դերը ցեղասպանության հանցագործության կանխարգելման և պատժի հարցերում:
Փաստաթղթով նախատեսվում է ՄԻԽ 58-րդ նստաշրջանում պանելային քննարկում անցկացնել վաղ նախազգուշացման թեմայով: Հայաստանի այս նախաձեռնությունը կարևոր ներդրումն է ցեղասպանությունների և զանգվածային ոճրագործությունների կանխարգելման միջազգային օրակարգն ամրապնդելու ուղղությամբ։
Նշվում է` կարևոր է նաև այն, որ Հայաստանի կողմից ներկայացված «Ցեղասպանության կանխարգելում» բանաձևը վայելում է լայն աջակցություն. այն համահեղինակում են բոլոր 5 տարածաշրջանային խմբերի անդամ հանդիսացող երկրները:
