https://arm.sputniknews.ru/20240401/dvin-hjuranvocy-dati-e-tvel-ngn-in-pahanjum-e-000-oo-01-hamari-atshurdn-anvaver-tshanachel-74042570.html

«Դվին» հյուրանոցը դատի է տվել ՆԳՆ-ին․ պահանջում է 000 OO 01 համարի աճուրդն անվավեր ճանաչել

«Դվին» հյուրանոցը դատի է տվել ՆԳՆ-ին․ պահանջում է 000 OO 01 համարի աճուրդն անվավեր ճանաչել

Sputnik Արմենիա

Հայցը մակագրվել է Վարչական դատարանի դատավոր Կարեն Զարիկյանին։ 01.04.2024, Sputnik Արմենիա

2024-04-01T17:06+0400

2024-04-01T17:06+0400

2024-04-01T17:17+0400

պետհամարանիշ

դատ

https://cdn.am.sputniknews.ru/img/2195/94/21959425_0:160:3073:1888_1920x0_80_0_0_cc9f2cf4c9f3650bd8268f9659e3fc21.jpg

ԵՐԵՎԱՆ,1 ապրիլի – Sputnik. «Դվին» հյուրանոցային համալիր ՓԲԸ–ն մարտի 29-ին դատական հայց է ներկայացրել ՀՀ վարչական դատարան ու ՆԳՆ–ից պահանջել, որ 23.02.2024 թ. ժամը 12:00-ին մեկնարկած տրանսպորտային միջոցների հաշվառման առանձնահատուկ պահանջարկ ունեցող 000 OO 01 համարանիշի օգտագործման իրավունքի աճուրդն անվավեր ճանաչել և «Դվին հյուրանոցային համալիր» ՓԲ ընկերությանը հաղթող ճանաչել: Այս մասին տեղեկանում են «Դատալեքս» դատական-տեղեկատվական համակարգից։Նշենք, որ «Դվին» հյուրանոցային համալիրը պատկանում է գործարար Արտակ Թովմասյանին, իսկ ՓԲԸ-ի տնօրենը Սուրեն Պետրոսյանն է։Հայցը մակագրվել է Վարչական դատարանի դատավոր Կարեն Զարիկյանին։ «00 օօ 000» պետհամարանիշը վաճառվել է 30 միլիոն դրամովՀիշեցնենք, որ ՀՀ ՆԳՆ մամուլի խոսնակ Նարեկ Սարգսյանը հայտնել էր, «գոլդ» պետհամարանիշներից 7-ը վաճառվել է ընդհանուր 156 միլիոն 200 հազար դրամով։ Աճուրդին մասնակցել է 10 անձ, իսկ ներկայացված հաշվառման առանձնահատուկ պահանջարկ ունեցող 48 համարանիշներից վաճառվել է 7-ը։ Նշենք, որ էլեկտրոնային աճուրդն հայտարարվել էր փետրվարի 23-ին, ավարտվել՝ փետրվարի 28-ին։ Ավելի վաղ հայտնի էր դարձել, որ «գոլդ» համարանիշը՝ «000 ՕՕ 00»–ն, ձեռք է բերել Գորիսի քաղաքապետ Առուշ Առուշանյանի հորը` Գագիկ Առուշանյանին պատկանող «Առանցք» ՍՊԸ–ն։ Այդ շարքից մեկ այլ համարանիշ («00 DD 000») ձեռք էր բերել գործարար Սամվել Ալեքսանյանի փեսան։

2024

Լուրեր

am_HY

պետհամարանիշ, դատ