ՀՀ փոխվարչապետն ու երկրում հավատարմագրված դեսպանները քննարկում են անցկացրել
18:27 29.03.2024 (Թարմացված է: 18:28 29.03.2024)
© Photo : official site of the Government of RAՏիգրան Խաչատրյանի գլխավորությամբ տեղի է ունեցել քննարկում ՀՀ-ում հավատարմագրված դիվանագիտական ներկայացուցչությունների ղեկավարների հետ
![Տիգրան Խաչատրյանի գլխավորությամբ տեղի է ունեցել քննարկում ՀՀ-ում հավատարմագրված դիվանագիտական ներկայացուցչությունների ղեկավարների հետ Տիգրան Խաչատրյանի գլխավորությամբ տեղի է ունեցել քննարկում ՀՀ-ում հավատարմագրված դիվանագիտական ներկայացուցչությունների ղեկավարների հետ - Sputnik Արմենիա, 1920, 29.03.2024](https://cdn.am.sputniknews.ru/img/07e8/03/1d/73980128_0:37:700:431_1920x0_80_0_0_bed3d0dd1d038eb097a19c890fa8772b.jpg)
Տիգրան Խաչատրյանի գլխավորությամբ տեղի է ունեցել քննարկում ՀՀ-ում հավատարմագրված դիվանագիտական ներկայացուցչությունների ղեկավարների հետ
© Photo : official site of the Government of RA
Բաժանորդագրվել
Հանդիպման մասնակիցներն անդրադարձել են ՀՀ ներմուծվող և արտահանվող բարձր տեխնոլոգիական ոլորտում կիրառվող որոշ բաղադրիչներին վերաբերող խնդիրներին։
ԵՐԵՎԱՆ, 29 մարտի – Sputnik. ՀՀ փոխվարչապետ Տիգրան Խաչատրյանը ՀՀ–ից արտահանվող և ՀՀ տարածքով տարանցիկ փոխադրվող որոշ ապրանքների ցանկին առնչվող հարցեր է քննարկել ՀՀ-ում հավատարմագրված դիվանագիտական ներկայացուցչությունների և շահագրգիռ պետական գերատեսչությունների ղեկավարների հետ: Տեղեկությունը հայտնում է ՀՀ կառավարության մամուլի ծառայությունը։
«Հանդիպման ընթացքում կողմերը քննարկել են «Հայաստանի Հանրապետությունից արտահանվող և Հայաստանի Հանրապետության տարածքով տարանցիկ փոխադրվող զգայուն ապրանքների ցանկը հաստատելու» մասին որոշման կիրառման հետ կապված հարցերի շրջանակը»,– ասված է հաղորդագրությունում:
Անդրադարձ է կատարվել կարգավորումների արդյունքում ՀՀ ներմուծվող և արտահանվող բարձր տեխնոլոգիական ոլորտում կիրառվող որոշ բաղադրիչներին վերաբերող խնդիրներին։ Նախանշվել են նաև դրանց լուծման հնարավոր ուղղությունները: