https://arm.sputniknews.ru/20240323/rdum-hh-despanutjuny-datapartel-e-dozhd-herustaaliqi-lratvakan-sjuzhenery-73754403.html
ՌԴ–ում ՀՀ դեսպանությունը դատապարտել է «Дождь» հեռուստաալիքի լրատվական սյուժեները
ՌԴ–ում ՀՀ դեսպանությունը դատապարտել է «Дождь» հեռուստաալիքի լրատվական սյուժեները
Sputnik Արմենիա
Դիվանագիտական ներկայացուցչությունը հիշեցրել է, որ ողբերգությունից անմիջապես հետո Հայաստանը հանդես եկավ անմարդկային հանցագործությունը դատապարտող... 23.03.2024, Sputnik Արմենիա
2024-03-23T16:26+0400
2024-03-23T16:26+0400
2024-03-23T19:31+0400
հայաստան
ռուսաստան
ահաբեկչություն
կրոկուս սիթի հոլ
https://cdn.am.sputniknews.ru/img/900/61/9006195_0:0:1600:901_1920x0_80_0_0_f9d89255801c74f3504ec6e8d06d5021.jpg
ԵՐԵՎԱՆ, 23 մարտի – Sputnik. ՌԴ–ում ՀՀ դեսպանությունը մտահոգություն է հայտնել «Дождь» հեռուստաալիքի (Ռուսաստանի Դաշնությունում ճանաչվել է որպես օտարերկրյա գործակալ) եթերում վերջերս հնչած հայտարարությունների առնչությամբ, թե իբր հայերը ներգրավված են եղել «Կրոկուս Սիթի Հոլ»–ում տեղի ունեցած սարսափելի ահաբեկչական գործողությանը։Ենթադրյալ ականատեսներից մեկը «Дождь»–ի եթերում ասել է, թե ահաբեկիչներն ուղղակի մտել են, ոչինչ չեն պահանջել, սկսել են կրակել, հայերեն հայհոյել ու բղավել «Ղարաբաղ»։ Փորձագետներից մեկն էլ նույն այդ հեռուստաալիքի եթերում հայտարարել է, թե հայերը «ահաբեկչության հարուստ ավանդույթ ունեն»։Դիվանագիտական ներկայացուցչությունը հիշեցրել է, որ ողբերգությունից անմիջապես հետո Հայաստանը հանդես եկավ խաղաղ քաղաքացիների դեմ իրականացված անմարդկային հանցագործությունը դատապարտող հայտարարություններով։ Երևանում վաղ առավոտից հարգանքի տուրք են մատուցում զոհվածների հիշատակին` ծաղիկներ խոնարհելով ՀՀ–ում ՌԴ դեսպանատան մոտ։Դեսպանությունը ցավակցություն է հայտնել զոհվածների ընտանիքներին և շուտափույթ ապաքինում մաղթել տուժածներին։«Дождь» հեռուստաալիքի գլխավոր խմբագիր Տիխոն Ձյակոն ներողություն է խնդրել ուղիղ եթերում հայերի հասցեին հնչած մեղադրանքների համար։«Տղամարդը, որը ներկայացել էր որպես «Կրոկուսի» ձայնային ռեժիսոր, ուղիղ եթերից առաջ` նախնական հարցազրույցի ժամանակ, այդպիսի բան չէր ասել։ Երբ մենք լսեցինք մեղադրանքները, հաղորդավարն ընդգծեց, որ դա ապացուցված չէ։ Մենք հանեցինք նրան այդ եթերից, այդ հատվածն էլ հեռացրինք հաղորդումից։ Ես ներողություն եմ խնդրում, որ «Дождь»–ի եթերում նմանատիպ արտահայտություններ են հնչել»,– գրել է Ձյակոն Telegram–յան ալիքում։Հիշեցնենք` մարտի 22-ին հայտնի դարձավ, որ մերձմոսկովյան Կրասնոգորսկում գտնվող «Կրոկուս Սիթի Հոլ»–ում համերգից առաջ հրաձգություն է եղել, այնուհետև հրդեհ է բռնկվել: Վերջին տվյալներով` 115 մարդ է մահացել։ Ըստ ՌԴ ԱԻՆ–ի` հոսպիտալացվել է 107 մարդ: Ռուսաստանի քննչական կոմիտեն ահաբեկչության մասին քրեական գործ է հարուցել։Ձերբակալվել է 11 մարդ, այդ թվում` 4 ահաբեկիչները։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ռուսաստան, ահաբեկչություն, կրոկուս սիթի հոլ
հայաստան, ռուսաստան, ահաբեկչություն, կրոկուս սիթի հոլ
ՌԴ–ում ՀՀ դեսպանությունը դատապարտել է «Дождь» հեռուստաալիքի լրատվական սյուժեները
16:26 23.03.2024 (Թարմացված է: 19:31 23.03.2024) Դիվանագիտական ներկայացուցչությունը հիշեցրել է, որ ողբերգությունից անմիջապես հետո Հայաստանը հանդես եկավ անմարդկային հանցագործությունը դատապարտող հայտարարություններով։
ԵՐԵՎԱՆ, 23 մարտի – Sputnik. ՌԴ–ում ՀՀ դեսպանությունը մտահոգություն է հայտնել «Дождь» հեռուստաալիքի (Ռուսաստանի Դաշնությունում ճանաչվել է որպես օտարերկրյա գործակալ) եթերում վերջերս հնչած հայտարարությունների առնչությամբ, թե իբր հայերը ներգրավված են եղել «Կրոկուս Սիթի Հոլ»–ում տեղի ունեցած սարսափելի ահաբեկչական գործողությանը։
Ենթադրյալ ականատեսներից մեկը «Дождь»–ի եթերում ասել է, թե ահաբեկիչներն ուղղակի մտել են, ոչինչ չեն պահանջել, սկսել են կրակել, հայերեն հայհոյել ու բղավել «Ղարաբաղ»։ Փորձագետներից մեկն էլ նույն այդ հեռուստաալիքի եթերում հայտարարել է, թե հայերը «ահաբեկչության հարուստ ավանդույթ ունեն»։
«Վրդովվեցնող է նման տեղեկությունների նպատակային տարածումը, որը չի համապատասխանում իրականությանը և ուղղված է Ռուսաստանում հակահայկական տրամադրությունների բորբոքմանը»,– նշել են դեսպանատնից։
Դիվանագիտական ներկայացուցչությունը հիշեցրել է, որ ողբերգությունից անմիջապես հետո Հայաստանը հանդես եկավ խաղաղ քաղաքացիների դեմ իրականացված անմարդկային հանցագործությունը դատապարտող հայտարարություններով։ Երևանում վաղ առավոտից հարգանքի տուրք են մատուցում զոհվածների հիշատակին` ծաղիկներ խոնարհելով ՀՀ–ում ՌԴ դեսպանատան մոտ։
Դեսպանությունը ցավակցություն է հայտնել զոհվածների ընտանիքներին և շուտափույթ ապաքինում մաղթել տուժածներին։
«Дождь» հեռուստաալիքի գլխավոր խմբագիր Տիխոն Ձյակոն ներողություն է խնդրել ուղիղ եթերում հայերի հասցեին հնչած մեղադրանքների համար։
«Տղամարդը, որը ներկայացել էր որպես «Կրոկուսի» ձայնային ռեժիսոր, ուղիղ եթերից առաջ` նախնական հարցազրույցի ժամանակ, այդպիսի բան չէր ասել։ Երբ մենք լսեցինք մեղադրանքները, հաղորդավարն ընդգծեց, որ դա ապացուցված չէ։ Մենք հանեցինք նրան այդ եթերից, այդ հատվածն էլ հեռացրինք հաղորդումից։ Ես ներողություն եմ խնդրում, որ «Дождь»–ի եթերում նմանատիպ արտահայտություններ են հնչել»,– գրել է Ձյակոն Telegram–յան ալիքում։
Հիշեցնենք` մարտի 22-ին հայտնի դարձավ, որ մերձմոսկովյան Կրասնոգորսկում գտնվող «Կրոկուս Սիթի Հոլ»–ում համերգից առաջ հրաձգություն է եղել, այնուհետև հրդեհ է բռնկվել: Վերջին տվյալներով` 115 մարդ է մահացել։
Ըստ ՌԴ ԱԻՆ–ի` հոսպիտալացվել է 107 մարդ: Ռուսաստանի քննչական կոմիտեն ահաբեկչության մասին քրեական գործ է հարուցել։
