Օդային հարձակում Բելգորոդի ուղղությամբ. 1 զոհ կա
11:00 23.03.2024 (Թարմացված է: 11:01 23.03.2024)
© Photo : Губернатор Белгорода ГладковՈւկրաինայի զինված ուժերի գնդակոծության հետևանքները. արխիվային լուսանկար
![Ուկրաինայի զինված ուժերի գնդակոծության հետևանքները. արխիվային լուսանկար Ուկրաինայի զինված ուժերի գնդակոծության հետևանքները. արխիվային լուսանկար - Sputnik Արմենիա, 1920, 23.03.2024](https://cdn.am.sputniknews.ru/img/07e8/03/10/73445487_0:0:1280:721_1920x0_80_0_0_9048f606c90288400f9789754b06d844.jpg)
Ուկրաինայի զինված ուժերի գնդակոծության հետևանքները. արխիվային լուսանկար
© Photo : Губернатор Белгорода Гладков
Բաժանորդագրվել
Բնակարաններից մեկում ամուսնական զույգ է եղել: Տղամարդը ստացած վնասվածքներից տեղում մահացել է։
ԵՐԵՎԱՆ, 23 մարտի – Sputnik. Ուկրաինայի զինված ուժերի օդային հարձակումից հետո Բելգորոգում մեկ մարդ է մահացել։ Տեղեկությունը Telegram–յան ալիքում հայտնել է մարզպետ Վյաչեսլավ Գլադկովը։
«Բելգորոդի և Բելգորոդի մարզի վրա աշխատել է մեր ՀՕՊ համակարգը։ Ուկրաինայի զինված ուժերի իրականացրած օդային հարձակման հետևանքով Բելգորոդում բազմաբնակարան շենքի 3 պատշգամբ է փլուզվել. այդ բնակարաններից մեկում ամուսնական զույգ է եղել: Ցավոք, տղամարդը ստացած վնասվածքներից տեղում մահացել է։ Կինը գանգուղեղային փակ վնասվածքով տեղափոխվել է թիվ 2 քաղաքային հիվանդանոց, այժմ անհրաժեշտ օգնություն է ցուցաբերվում»,-գրել է նա:
Գլադկովը նշել է, որ ըստ տվյալների`ևս 4 խաղաղ բնակիչ է տուժել:
Բացի այդ, հարձակման հետևանքով վնասվել է 69 բնակարան, չորս տուն, 3 տնտեսվարող սուբյեկտ: Տուժել է նաև ութ ավտոմեքենա և մեկ ուղևորատար ավտոբուս: