https://arm.sputniknews.ru/20240322/inchu-e-atshel-erekhaneri-nkatmamb-hancagvortsutjunneri-tivy-durjany-tvarkum-e-pattsharnery-73649545.html
Ինչու է աճել երեխաների նկատմամբ հանցագործությունների թիվը. Դուրյանը թվարկում է պատճառները
Ինչու է աճել երեխաների նկատմամբ հանցագործությունների թիվը. Դուրյանը թվարկում է պատճառները
Sputnik Արմենիա
Ոստիկանական համակարգում երկար տարիներ աշխատած Նելլի Դուրյանը խոսել է պատասխանատուների ոչ պատշաճ աշխատանքի մասին։ 22.03.2024, Sputnik Արմենիա
2024-03-22T08:55+0400
2024-03-22T08:55+0400
2024-03-22T08:55+0400
հայաստան
երեխա
անչափահաս
հանցագործություն
նելլի դուրյան
https://cdn.am.sputniknews.ru/img/07e7/04/1a/58798269_0:0:1600:901_1920x0_80_0_0_6197308ec3a7326cba1849f6d325cdfc.jpg
ԵՐԵՎԱՆ, 21 մարտի – Sputnik. Հայաստանում անչափահասների նկատմամբ կատարվող հանցագործությունների պատճառը նաև հանրության անտարբերությունն է։ Sputnik Արմենիայի հետ զրույցում այս տեսակետը հայտնեց ՀՀ ոստիկանության անչափահասների իրավունքների պաշտպանության և ընտանեկան բռնության դեմ պայքարի վարչության նախկին պետ, գնդապետ Նելլի Դուրյանը։Ավելի վաղ հայտնել էինք, որ 2023թ․-ին ՀՀ քննչական կոմիտեի վարույթում քննվել է անչափահասների նկատմամբ կատարված հանցագործությունների վերաբերյալ 1159 քրեական վարույթ՝ 2022 թվականի 545 վարույթի դիմաց։ Այսպիսով` 1 տարվա ընթացքում արձանագրվել է վերոնշյալ հանցագործությունների կամ նման առերևույթ հանցածին տարրեր պարունակող դեպքերի շուրջ 112 տոկոս աճ։ Հայաստանում անչափահասների նկատմամբ հանցագործությունների վերաբերյալ դատարան ուղարկված վարույթներից 14-ը սեքսուալ բնույթի են։ Դուրյանը վստահեցնում է` պատճառները շատ են, բայց կարևոր է դեպքի շուտ հայտնաբերումը, որպեսզի կանխվի։ Դեպքեր կարող են լինել այն ընտանիքներում, որտեղ հայրը կալանքից նոր է վերադարձել, որտեղ խորթ հայր է, հնարավոր է նաև` սեքսուալ բնույթի գործողություն իրականացնի հարևանը կամ բարեկամը, որին վստահում է երեխան։ Ոստիկանության նախկին պաշտոնյան ընդգծեց` պատկան մարմիններից յուրաքանչյուրը պետք է իր տեղում լինի ու սրտացավ։Հայտնի է` ով է Երևանի ինֆորմատիկայի քոլեջի ուսանողի սպանության ժամանակ մահակ գործադրելԽոսելով նաև անչափահասների կողմից կատարվող հանցագործությունների մասին` Դուլյանը շեշտեց` այստեղ նույնպես կարևոր է թե՛ ընտանիքի, թե՛ սոցիալական ծառայողի, թե՛ ոստիկանության գործառույթը։ Նա վստահ է` դեռահասների շրջանում խնդիր է նաև այն, որ նրանց վրա մեծ ազդեցություն են ունենում քրեական ենթամշակույթ կրող հեռուստասերիալները և ֆիլմերը։ Ծնողներն էլ չափազանց ուշադիր պետք է լինեն, թե դպրոց գնալիս պայուսակում ինչ է դնում իրենց երեխան, քանի որ հաճախ են դեպքեր լինում, երբ տնից դուրս են գալիս դանակով կամ կռփազենքով։Հիշեցնենք` ըստ ՀՀ քննչական կոմիտեի` դատարան ուղարկված վարույթներով տուժող է ճանաչվել 91 անչափահաս։ Նրանցից 35-ը եղել են մինչև 12 տարեկան, 17-ը՝ 12-14 տարեկան:
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, երեխա, անչափահաս, հանցագործություն, նելլի դուրյան
հայաստան, երեխա, անչափահաս, հանցագործություն, նելլի դուրյան
Ինչու է աճել երեխաների նկատմամբ հանցագործությունների թիվը. Դուրյանը թվարկում է պատճառները
Ոստիկանական համակարգում երկար տարիներ աշխատած Նելլի Դուրյանը խոսել է պատասխանատուների ոչ պատշաճ աշխատանքի մասին։
ԵՐԵՎԱՆ, 21 մարտի – Sputnik. Հայաստանում անչափահասների նկատմամբ կատարվող հանցագործությունների պատճառը նաև հանրության անտարբերությունն է։ Sputnik Արմենիայի հետ զրույցում այս տեսակետը հայտնեց ՀՀ ոստիկանության անչափահասների իրավունքների պաշտպանության և ընտանեկան բռնության դեմ պայքարի վարչության նախկին պետ, գնդապետ Նելլի Դուրյանը։
Ավելի վաղ
հայտնել էինք, որ 2023թ․-ին ՀՀ քննչական կոմիտեի վարույթում քննվել է անչափահասների նկատմամբ կատարված հանցագործությունների վերաբերյալ 1159 քրեական վարույթ՝ 2022 թվականի 545 վարույթի դիմաց։ Այսպիսով` 1 տարվա ընթացքում արձանագրվել է վերոնշյալ հանցագործությունների կամ նման առերևույթ հանցածին տարրեր պարունակող դեպքերի շուրջ 112 տոկոս աճ։
«Դեպքերն ավելանալու գլխավոր պատճառն այն է, որ, ըստ քրեական դատավարության օրենսգրքի, քննչական մարմիններում այսօր ցանկացած դեպքով վարույթ է նախաձեռնվում։ Նշեմ նաև, որ առկա է պատասխանատուների ոչ պատշաճ աշխատանք։ Միշտ խոսել ենք ընտանիքների մասին, բայց կան անձինք, որոնք ևս պետք է կարևորագույն դեր ունենան անչափահասի նկատմամբ ճնշումների մասով, օրինակ` սոցիալական ծառայողները, մանկավարժները։ Համայնքային ոստիկանները նույնպես պետք է հստակ իմանան, թե իրենց հսկողության տակ գտնվող տարածքներում ինչ ընտանիքներ կան, որտեղ երեխան և նրա ապագան կարող են վտանգված լինել»,– նշեց Դուրյանը։
Հայաստանում անչափահասների նկատմամբ հանցագործությունների վերաբերյալ դատարան ուղարկված վարույթներից 14-ը սեքսուալ բնույթի են։ Դուրյանը վստահեցնում է` պատճառները շատ են, բայց կարևոր է դեպքի շուտ հայտնաբերումը, որպեսզի կանխվի։ Դեպքեր կարող են լինել այն ընտանիքներում, որտեղ հայրը կալանքից նոր է վերադարձել, որտեղ խորթ հայր է, հնարավոր է նաև` սեքսուալ բնույթի գործողություն իրականացնի հարևանը կամ բարեկամը, որին վստահում է երեխան։ Ոստիկանության նախկին պաշտոնյան ընդգծեց` պատկան մարմիններից յուրաքանչյուրը պետք է իր տեղում լինի ու սրտացավ։
Խոսելով նաև անչափահասների կողմից կատարվող հանցագործությունների մասին` Դուլյանը շեշտեց` այստեղ նույնպես կարևոր է թե՛ ընտանիքի, թե՛ սոցիալական ծառայողի, թե՛ ոստիկանության գործառույթը։ Նա վստահ է` դեռահասների շրջանում խնդիր է նաև այն, որ նրանց վրա մեծ ազդեցություն են ունենում քրեական ենթամշակույթ կրող հեռուստասերիալները և ֆիլմերը։ Ծնողներն էլ չափազանց ուշադիր պետք է լինեն, թե դպրոց գնալիս պայուսակում ինչ է դնում իրենց երեխան, քանի որ հաճախ են դեպքեր լինում, երբ տնից դուրս են գալիս դանակով կամ կռփազենքով։
Հիշեցնենք` ըստ ՀՀ քննչական կոմիտեի` դատարան ուղարկված վարույթներով տուժող է ճանաչվել 91 անչափահաս։ Նրանցից 35-ը եղել են մինչև 12 տարեկան, 17-ը՝ 12-14 տարեկան:
