https://arm.sputniknews.ru/20240322/azati-hrdehi-gvortsvov-datakan-nisty-vetshvov-sksvec-73692509.html
Ազատի հրդեհի գործով դատական նիստը վեճով սկսվեց
Ազատի հրդեհի գործով դատական նիստը վեճով սկսվեց
Sputnik Արմենիա
Ավելի ուշ վիճաբանություն սկսվեց նաև դատավորի ու զոհված զինծառայողների ծնողների միջև: 22.03.2024, Sputnik Արմենիա
2024-03-22T14:11+0400
2024-03-22T14:11+0400
2024-03-22T14:13+0400
հայաստան
ազատ գյուղ
հրդեհ
դատ
https://cdn.am.sputniknews.ru/img/853/75/8537548_0:42:3001:1730_1920x0_80_0_0_b18362f8478382cd51e718c87c546351.jpg
ԵՐԵՎԱՆ, 22 մարտի – Sputnik. ՀՀ Գեղարքունիքի մարզի Ազատ գյուղի զինվորական կացարանում տեղի ունեցած հրդեհի գործով դատական նիստը սկսվեց վիճաբանությամբ։Սկզբում նշվեց, որ գործով մեղադրյալներից մեկը` Մառլեն Սարգսյանը, որը եղել է զորամասի կոմունալ շահագործման ծառայության պետ և նշանակված է եղել զորամասի հակահրդեհային պաշտպանության և փրկարար աշխատանքների պետի պաշտոնին, չի ներկայացել դատական նիստին։ Դատավոր Վարդան Հարությունյանը հիշեցրեց, որ նախորդ նիստի ընթացքում դատավարական սանկցիա էր կիրառվել Մառլեն Սարգսյանի նկատմամբ, և նա 14 օրվա ընթացքում չէր կարող մասնակցել դատական նիստերին։Չնայած դրան` դատավորը հայտնեց, որ իրենք հնարավորություն ունեին թույլ տալու Մառլեն Սարգսյանին ներկա գտնվել տվյալ դատական նիստին, որպեսզի քննարկեին սանկցիայի հարցը։ Հարությունյանը շեշտեց` մեղադրյալը հրաժարվել է ներկայանալ։ Այս հայտարարությանը դեմ արտահայտվեց պաշտպանը` Վահագն Հակոբյանը։ Վստահեցրեց` դատարանը տվյալներ է հնչեցնում, որոնք իրականությանը չեն համապատասխանում։Սարգսյանը չի հրաժարվել նիստին ներկայանալ, նրա նկատմամբ ուղղակի սանկցիա է կիրառվել։«Ես էլ, մեղադրող կողմն էլ միջնորդել ենք, որպեսզի այդ սանկցիան հանվի ու դատական նիստը չհետաձգվի, քանի որ շատերը կմ–ներ են կտրում, որպեսզի ներկայանան (դատն ընթանում է Սևան քաղաքում. խմբ.)։ Դատարանն իմ միջնորդությանը որևէ կերպ չարձագանքեց։ Երեկ երեկոյան վստահորդս զանգեց ինձ ու ասաց, որ իրեն Սևան են տեղափոխում։ Դրանից հետո մեր չատում քննարկվում էր հարցը, որ դատարանը որոշում է կայացրել սանկցիան վերացնելու մասին, ու ես գրեցի, որ դատարանի որոշումն ուղարկեն ՔԿՀ։ Ստացվում է, որ Մառլեն Սարգսյանը չի հրաժարվել ներկայանալ դատական նիստին, դուք եք ձեր որոշմամբ նրան 2 նիստից զրկել»,– նշեց Հակոբյանը։Ազատի զինվորական կացարանի հրդեհի գործով նիստում վիճաբանություն տեղի ունեցավ նաև դատավոր Վարդան Հարությունյանի ու զոհված զինծառայողների ծնողների միջև:Ծնողներից երկուսի նկատմամբ դատարանը սանկցիա կիրառեց «ոչ պատշաճ վարքի համար», այնուհետև 20 րոպե ընդմիջում հայտարարեց:Ծնողներին զայրացրել էր այն, որ հնարավոր է` դատական նիստը այսօր ևս հետաձգվի, այս անգամ՝ մեղադրյալ Մառլեն Սարգսյանի բացակայության պատճառով:Հիշեցնենք` 2023–ի հունվարի 19-ին՝ ժամը 01:30-ի սահմաններում, հրդեհ էր բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում: Հրդեհի հետևանքով զոհվել էին 15, վնասվածքներ ստացել` 7 զինծառայող։Դեպքից անմիջապես հետո պաշտոններից ազատվել էին 2-րդ բանակային կորպուսի հրամանատարն ու այլ բարձրաստիճան զինվորականներ։Քրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է երկու կամ ավելի անձանց մահ)։ Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։Այս գործով կալանավորվել է ՀՀ ՊՆ N զորամասի թիկունքի պետ-հրամանատարի թիկունքի և կոմունալ շահագործման ծառայության գծով տեղակալ Գոռ Աղեկյանը։ Քրգործ է հարուցվել նաև հրդեհից տուժած սպայի` Ե.Հ.–ի և զորամասի ինժեներասակրավորային վաշտի հրամանատար Գ.Մ.-ի նկատմամբ։Եղիշե Հակոբյանը կալանավորվել է 2023 թվականի մարտի 18-ին։
ազատ գյուղ
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ազատ գյուղ, հրդեհ, դատ
հայաստան, ազատ գյուղ, հրդեհ, դատ
Ազատի հրդեհի գործով դատական նիստը վեճով սկսվեց
14:11 22.03.2024 (Թարմացված է: 14:13 22.03.2024) Ավելի ուշ վիճաբանություն սկսվեց նաև դատավորի ու զոհված զինծառայողների ծնողների միջև:
ԵՐԵՎԱՆ, 22 մարտի – Sputnik. ՀՀ Գեղարքունիքի մարզի Ազատ գյուղի զինվորական կացարանում տեղի ունեցած հրդեհի գործով դատական նիստը սկսվեց վիճաբանությամբ։
Սկզբում նշվեց, որ գործով մեղադրյալներից մեկը` Մառլեն Սարգսյանը, որը եղել է զորամասի կոմունալ շահագործման ծառայության պետ և նշանակված է եղել զորամասի հակահրդեհային պաշտպանության և փրկարար աշխատանքների պետի պաշտոնին, չի ներկայացել դատական նիստին։ Դատավոր Վարդան Հարությունյանը հիշեցրեց, որ նախորդ նիստի ընթացքում դատավարական սանկցիա էր կիրառվել Մառլեն Սարգսյանի նկատմամբ, և նա 14 օրվա ընթացքում չէր կարող մասնակցել դատական նիստերին։
Չնայած դրան` դատավորը հայտնեց, որ իրենք հնարավորություն ունեին թույլ տալու Մառլեն Սարգսյանին ներկա գտնվել տվյալ դատական նիստին, որպեսզի քննարկեին սանկցիայի հարցը։ Հարությունյանը շեշտեց` մեղադրյալը հրաժարվել է ներկայանալ։ Այս հայտարարությանը դեմ արտահայտվեց պաշտպանը` Վահագն Հակոբյանը։ Վստահեցրեց` դատարանը տվյալներ է հնչեցնում, որոնք իրականությանը չեն համապատասխանում։
Սարգսյանը չի հրաժարվել նիստին ներկայանալ, նրա նկատմամբ ուղղակի սանկցիա է կիրառվել։
«Ես էլ, մեղադրող կողմն էլ միջնորդել ենք, որպեսզի այդ սանկցիան հանվի ու դատական նիստը չհետաձգվի, քանի որ շատերը կմ–ներ են կտրում, որպեսզի ներկայանան (դատն ընթանում է Սևան քաղաքում. խմբ.)։ Դատարանն իմ միջնորդությանը որևէ կերպ չարձագանքեց։ Երեկ երեկոյան վստահորդս զանգեց ինձ ու ասաց, որ իրեն Սևան են տեղափոխում։ Դրանից հետո մեր չատում քննարկվում էր հարցը, որ դատարանը որոշում է կայացրել սանկցիան վերացնելու մասին, ու ես գրեցի, որ դատարանի որոշումն ուղարկեն ՔԿՀ։ Ստացվում է, որ Մառլեն Սարգսյանը չի հրաժարվել ներկայանալ դատական նիստին, դուք եք ձեր որոշմամբ նրան 2 նիստից զրկել»,– նշեց Հակոբյանը։
Ազատի զինվորական կացարանի հրդեհի գործով նիստում վիճաբանություն տեղի ունեցավ նաև դատավոր Վարդան Հարությունյանի ու զոհված զինծառայողների ծնողների միջև:
Ծնողներից երկուսի նկատմամբ դատարանը սանկցիա կիրառեց «ոչ պատշաճ վարքի համար», այնուհետև 20 րոպե ընդմիջում հայտարարեց:
Ծնողներին զայրացրել էր այն, որ հնարավոր է` դատական նիստը այսօր ևս հետաձգվի, այս անգամ՝ մեղադրյալ Մառլեն Սարգսյանի բացակայության պատճառով:
Հիշեցնենք` 2023–ի հունվարի 19-ին՝ ժամը 01:30-ի սահմաններում,
հրդեհ էր բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում:
Հրդեհի հետևանքով զոհվել էին 15, վնասվածքներ ստացել` 7 զինծառայող։
Քրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը
, որն անզգուշությամբ առաջացրել է երկու կամ ավելի անձանց մահ)։
Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։
Այս գործով
կալանավորվել է ՀՀ ՊՆ N զորամասի թիկունքի պետ-հրամանատարի թիկունքի և կոմունալ շահագործման ծառայության գծով տեղակալ Գոռ Աղեկյանը։
Քրգործ է հարուցվել նաև հրդեհից տուժած սպայի` Ե.Հ.–ի և զորամասի ինժեներասակրավորային վաշտի հրամանատար
Գ.Մ.-ի նկատմամբ։
Եղիշե Հակոբյանը կալանավորվել է 2023 թվականի մարտի 18-ին։
