https://arm.sputniknews.ru/20240321/inchu-verafinansavvorman-tvokvosadrujqi-ijecumy-varkeri-vra-chi-azdel-nurbekjani-pataskhany-73655745.html
Ինչու վերաֆինանսավորման տոկոսադրույքի իջեցումը վարկերի վրա չի ազդել. Նուրբեկյանի պատասխանը
Ինչու վերաֆինանսավորման տոկոսադրույքի իջեցումը վարկերի վրա չի ազդել. Նուրբեկյանի պատասխանը
Sputnik Արմենիա
ՀՀ ԿԲ–ն ակնկալում է, որ բանկային տոկոսադրույքները կսկսեն նվազել։ 21.03.2024, Sputnik Արմենիա
2024-03-21T17:28+0400
2024-03-21T17:28+0400
2024-03-21T17:33+0400
տոկոսադրույք
վերաֆինանսավորման տոկոսադրույք
կենտրոնական բանկ (կբ)
բանկ
արմեն նուրբեկյան
https://cdn.am.sputniknews.ru/img/07e6/0c/15/52927535_0:61:800:512_1920x0_80_0_0_920385113d6e2f6786ab06b2c6576906.jpg
ԵՐԵՎԱՆ, 21 մարտի – Sputnik. ՀՀ բանկային համակարգում, հատկապես եթե կան երկարաժակետով վարկեր, անորոշությունները շատ մեծ են, և, հետևաբար, վերաֆինանսավորման տոկոսադրույքի փոփոխությունը շատ դանդաղ է ազդում վարկերի տոկոսների ինչպես բարձրացման, այնպես էլ նվազման վրա։ ՀՀ ԱԺ ֆինանսավարկային և բյուջետային հարցերի մշտական հանձնաժողովի արտահերթ նիստի ժամանակ այս մասին ասաց ԿԲ նախագահի տեղակալ Արմեն Նուրբեկյանը` պատասխանելով «Քաղաքացիական պայմանագիր» խմբակցության պատգամավոր Արուսյակ Մանավազյանի հարցին։Պատգամավորը նշեց, որ ՀՀ Կենտրոնական բանկը վերաֆինանսավորման տոկոսադրույքը հերթական անգամ 0.25 կետով իջեցրեց, իսկ 2023 թվականին 0.6 տոկոսով գնանկում ունեցանք։ Ի պատասխան Արմեն Նուրբեկյանն ասաց` եթե վերաֆինանսավորման տոկոսադրույքը նվազեցնում են, դա դեռ չի նշանակում, որ հատկապես միջազգային շուկաներից եկող անորոշությունները վերացել են։«Վերաֆինանսավորման տոկոսադրույքի փոփոխության մասին մեր որոշումները շատ արագ ու միանգամից չեն ազդում բանկային համակարգի տոկոսադրույքների վրա։ Դա վերաբերում է վարկերի տոկոսների և՛ բարձրացմանը, և՛ նվազմանը։ Եթե նայենք վիճակագրությունը, ապա վերաֆինանսավորման տոկոսադրույքի բարձրացման ժամանակ, երբ 4.25 տոկոսից այն բարձրացրել էինք 10.5 տոկոսի, բանկային վարկերի տոկոսադրույքներն այդքան չբարձրացան։ Հատկապես երկարաժամկետ հիփոթեքային վարկերի դեպքում մենք շատ ավելի փոքր տոկոսադրույքների աճ ենք ունեցել»,– նշեց նա։Ինչո՞վ է առաջնորդվել ԿԲ–ն վերաֆինանսավորման տոկոսադրույքն իջեցնելիս. Գալստյանի պատասխանըԻնչ վերաբերում է նվազմանը, ապա Նուրբեկյանի խոսքով` ՀՀ ԿԲ–ն ակնկալում է, որ բանկային տոկոսադրույքները կսկսեն նվազել։ Ըստ նրա` դրա առաջին քայլերը տեսանելի են պետական պարտատոմսերի եկամտաբերության դեպքում։«Երբ նայում ենք պետական պարտատոմսերի եկամտաբերության կորը, թե ինչ գնով էր պետությունը պարտք վերցնում, հատկապես 2023 թ. տարեվերջին բավականին մեծ անորոշություն ունեինք` վերաֆինանսավորման տոկոսադրույքի նվազմանը զուգահեռ այդ կորը կիջնի՞, թե՞ ոչ, այսինքն` պետության պարտքի գինը կիջնի՞, թե՞ ոչ։ Բանն այն է, որ պետական պարտքի գինը շատ դանդաղ է նվազում։ Ես չեմ ասի, որ բոլոր այդ հարցերը լուծված են, սակայն առաջին լավ նորությունները որոշակիորեն կան, քանի որ տեսանք, որ վերջին մեկ ամսվա ընթացքում պետական պարտքի գինը բավականին արագ նվազեց»,– ասաց Նուրբեկյանը։ԿԲ փոխնախագահը հավելեց, որ վերաֆինանսավորման տոկոսադրույքի փոփոխության ազդեցությունը շատ ավելի արագ է կրում պարտատոմսերի տոկոսադրույքների շուկան, սակայն անգամ այնտեղ շատ մեծ անորոշություն է եղել։
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տոկոսադրույք, վերաֆինանսավորման տոկոսադրույք, կենտրոնական բանկ (կբ), բանկ, արմեն նուրբեկյան
տոկոսադրույք, վերաֆինանսավորման տոկոսադրույք, կենտրոնական բանկ (կբ), բանկ, արմեն նուրբեկյան
Ինչու վերաֆինանսավորման տոկոսադրույքի իջեցումը վարկերի վրա չի ազդել. Նուրբեկյանի պատասխանը
17:28 21.03.2024 (Թարմացված է: 17:33 21.03.2024) ՀՀ ԿԲ–ն ակնկալում է, որ բանկային տոկոսադրույքները կսկսեն նվազել։
ԵՐԵՎԱՆ, 21 մարտի – Sputnik. ՀՀ բանկային համակարգում, հատկապես եթե կան երկարաժակետով վարկեր, անորոշությունները շատ մեծ են, և, հետևաբար, վերաֆինանսավորման տոկոսադրույքի փոփոխությունը շատ դանդաղ է ազդում վարկերի տոկոսների ինչպես բարձրացման, այնպես էլ նվազման վրա։ ՀՀ ԱԺ ֆինանսավարկային և բյուջետային հարցերի մշտական հանձնաժողովի արտահերթ նիստի ժամանակ այս մասին ասաց ԿԲ նախագահի տեղակալ Արմեն Նուրբեկյանը` պատասխանելով «Քաղաքացիական պայմանագիր» խմբակցության պատգամավոր Արուսյակ Մանավազյանի հարցին։
Պատգամավորը նշեց, որ ՀՀ Կենտրոնական բանկը վերաֆինանսավորման տոկոսադրույքը հերթական անգամ
0.25 կետով իջեցրեց, իսկ 2023 թվականին 0.6 տոկոսով գնանկում ունեցանք։
«Հիմա գնաճ չունենք, քանի որ այն արդեն կարգավորված է, սակայն դա որևէ կերպ չի ազդում բանկերի կողմից տրամադրվող վարկերի տոկոսադրույքների վրա»,– նկատեց Մանավազյանը։
Ի պատասխան Արմեն Նուրբեկյանն ասաց` եթե վերաֆինանսավորման տոկոսադրույքը նվազեցնում են, դա դեռ չի նշանակում, որ հատկապես միջազգային շուկաներից եկող անորոշությունները վերացել են։
«Վերաֆինանսավորման տոկոսադրույքի փոփոխության մասին մեր որոշումները շատ արագ ու միանգամից չեն ազդում բանկային համակարգի տոկոսադրույքների վրա։ Դա վերաբերում է վարկերի տոկոսների և՛ բարձրացմանը, և՛ նվազմանը։ Եթե նայենք վիճակագրությունը, ապա վերաֆինանսավորման տոկոսադրույքի բարձրացման ժամանակ, երբ 4.25 տոկոսից այն բարձրացրել էինք 10.5 տոկոսի, բանկային վարկերի տոկոսադրույքներն այդքան չբարձրացան։ Հատկապես երկարաժամկետ հիփոթեքային վարկերի դեպքում մենք շատ ավելի փոքր տոկոսադրույքների աճ ենք ունեցել»,– նշեց նա։
Ինչ վերաբերում է նվազմանը, ապա Նուրբեկյանի խոսքով` ՀՀ ԿԲ–ն ակնկալում է, որ բանկային տոկոսադրույքները կսկսեն նվազել։ Ըստ նրա` դրա առաջին քայլերը տեսանելի են պետական պարտատոմսերի եկամտաբերության դեպքում։
«Երբ նայում ենք պետական պարտատոմսերի եկամտաբերության կորը, թե ինչ գնով էր պետությունը պարտք վերցնում, հատկապես 2023 թ. տարեվերջին բավականին մեծ անորոշություն ունեինք` վերաֆինանսավորման տոկոսադրույքի նվազմանը զուգահեռ այդ կորը կիջնի՞, թե՞ ոչ, այսինքն` պետության պարտքի գինը կիջնի՞, թե՞ ոչ։ Բանն այն է, որ պետական պարտքի գինը շատ դանդաղ է նվազում։ Ես չեմ ասի, որ բոլոր այդ հարցերը լուծված են, սակայն առաջին լավ նորությունները որոշակիորեն կան, քանի որ տեսանք, որ վերջին մեկ ամսվա ընթացքում պետական պարտքի գինը բավականին արագ նվազեց»,– ասաց Նուրբեկյանը։
ԿԲ փոխնախագահը հավելեց, որ վերաֆինանսավորման տոկոսադրույքի փոփոխության ազդեցությունը շատ ավելի արագ է կրում պարտատոմսերի տոկոսադրույքների շուկան, սակայն անգամ այնտեղ շատ մեծ անորոշություն է եղել։
