https://arm.sputniknews.ru/20240320/teghakan-artadranqy-lav-tegh-kunena-supermarketnerum-harcy-kqnnarkvi-nakhararutjunum-73565161.html
Տեղական արտադրանքը լավ տեղ կունենա՞ սուպերմարկետներում. հարցը կքննարկվի նախարարությունում
Տեղական արտադրանքը լավ տեղ կունենա՞ սուպերմարկետներում. հարցը կքննարկվի նախարարությունում
Sputnik Արմենիա
Արտասահմանյան ընկերությունները շատ ավելի մեծ բյուջե ունեն մարկետինգի համար, ուստի սուպերմարկետները պատրաստակամորեն նրանց տալիս են իրենց ցուցափեղկեր առավել... 20.03.2024, Sputnik Արմենիա
2024-03-20T08:55+0400
2024-03-20T08:55+0400
2024-03-20T08:55+0400
սուպերմարկետ
բյուջե
էկոնոմիկայի նախարարություն
https://cdn.am.sputniknews.ru/img/2262/24/22622486_0:120:1280:840_1920x0_80_0_0_3761356d7281fdec2dd4754ad2c860d2.jpg
ԵՐԵՎԱՆ, 20 մարտի – Sputnik. Հայկական սուպերմարկետների ցուցափեղկերում հայրենական արտադրանքի համար տեղեր հատկացնելու հարցը կրկին կքննարկվի Էկոնոմիկայի նախարարությունում։ Տեղեկությունը Sputnik Արմենիայի հետ զրույցում հայտնեցին տեղական սննդամթերք արտադրողները։«Եվրոթերմ» ընկերության (մրգային հյութերի խոշոր արտադրող) գլխավոր տնօրեն Վահե Ղազարյանը հիշեցրեց, որ ավելի վաղ շահագրգիռ գործարարները էկոնոմիկայի նախարարության հետ քննարկել էին մի օրինագիծ ընդունելու հնարավորությունը, որը կերաշխավորեր տեղական արտադրանքի տեղը սուպերմարկետներում: Այս տեղերը վերապահված կլինեին ոչ թե որոշակի ընկերության, այլ ընդհանուր առմամբ տեղական ընկերությունների համար: Այստեղ դրանք կմրցեին միմյանց հետ, բայց ոչ արտասահմանյան խոշոր ապրանքանիշների (որոնց հետ մրցակցությունը ակնհայտորեն անհավասար է):Կաթնամթերք արտադրողների հայկական միության նախագահ Խաչատուր Պողոսյանը Sputnik Արմենիայի հետ զրույցում նշեց, որ վերջերս հարցը կրկին քննարկվել է ԱԺ տնտեսական հարցերի մշտական հանձնաժողովում։ Նա տեղեկացրեց, որ կաթնամթերքի դեպքում արտասահմանյան ընկերությունները նույնպես զգալի բոնուսներ են հատկացնում հայկական սուպերմարկետներին իրենց ապրանքների առաջխաղացման համար, սակայն այդ ճյուղն իր ուրույն խնդիրն ունի։«Մեր առևտրային ցանցերը Ռուսաստանից և Բելառուսից գնում են զեղչված ապրանքներ, որոնց պիտանելիության ժամկետը մոտ է լրանալուն։ Նրանք երբեք նման գնով թարմ ապրանք չեն գնի, իսկ դրա համար զեղչ են ստանում։ Տեղի գործարանների հետ ոչ այնքան բարեխիղճ մրցակցություն է ստացվում», - ընդգծեց Պողոսյանը։Տեղական արտադրողը կանգնած է փաստի առջև․ տնտեսագետը՝ թուրքական ապրանքը ՀՀ ներմուծելու մասինՆրա խոսքով՝ ԱԺ հանձնաժողովում քննարկման արդյունքում որոշվել է տեղական արտադրանքին առևտրային ցանցերում ներկրվող ապրանքների հետ մրցակցության աջակցման հարցը փոխանցել էկոնոմիկայի նախարարությանը՝ կրկնակի քննարկման համար:
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սուպերմարկետ, բյուջե, էկոնոմիկայի նախարարություն
սուպերմարկետ, բյուջե, էկոնոմիկայի նախարարություն
Տեղական արտադրանքը լավ տեղ կունենա՞ սուպերմարկետներում. հարցը կքննարկվի նախարարությունում
Արտասահմանյան ընկերությունները շատ ավելի մեծ բյուջե ունեն մարկետինգի համար, ուստի սուպերմարկետները պատրաստակամորեն նրանց տալիս են իրենց ցուցափեղկեր առավել շահավետ տեղերը՝ մի կողմ թողնելով տեղական արտադրանքը:
ԵՐԵՎԱՆ, 20 մարտի – Sputnik. Հայկական սուպերմարկետների ցուցափեղկերում հայրենական արտադրանքի համար տեղեր հատկացնելու հարցը կրկին կքննարկվի Էկոնոմիկայի նախարարությունում։ Տեղեկությունը
Sputnik Արմենիայի հետ զրույցում հայտնեցին տեղական սննդամթերք արտադրողները։
«Եվրոթերմ» ընկերության (մրգային հյութերի խոշոր արտադրող) գլխավոր տնօրեն Վահե Ղազարյանը հիշեցրեց, որ ավելի վաղ շահագրգիռ գործարարները էկոնոմիկայի նախարարության հետ քննարկել էին մի օրինագիծ ընդունելու հնարավորությունը, որը կերաշխավորեր տեղական արտադրանքի տեղը սուպերմարկետներում: Այս տեղերը վերապահված կլինեին ոչ թե որոշակի ընկերության, այլ ընդհանուր առմամբ տեղական ընկերությունների համար: Այստեղ դրանք կմրցեին միմյանց հետ, բայց ոչ արտասահմանյան խոշոր ապրանքանիշների (որոնց հետ մրցակցությունը ակնհայտորեն անհավասար է):
«Արտասահմանյան խոշոր կորպորացիաների մարկետինգի, այդ թվում՝ սուպերմարկետներում ապրանքների շահավետ տեղաբաշխման բյուջեներն անհամեմատելի են մերինի հետ։ Հյութերի և զովացուցիչ ըմպելիքների դեպքում այս խնդիրն արդիական է ամբողջ աշխարհում։ Թե որքանով է մեր կառավարությունն ի զորու մեզ պաշտպանել, չգիտեմ, հարցը նրանց է ուղղված», - նշեց Ղազարյանը։
Կաթնամթերք արտադրողների հայկական միության նախագահ Խաչատուր Պողոսյանը
Sputnik Արմենիայի հետ զրույցում նշեց, որ վերջերս հարցը կրկին քննարկվել է ԱԺ տնտեսական հարցերի մշտական հանձնաժողովում։ Նա տեղեկացրեց, որ կաթնամթերքի դեպքում արտասահմանյան ընկերությունները նույնպես զգալի բոնուսներ են հատկացնում հայկական սուպերմարկետներին իրենց ապրանքների առաջխաղացման համար, սակայն այդ ճյուղն իր ուրույն խնդիրն ունի։
«Մեր առևտրային ցանցերը Ռուսաստանից և Բելառուսից գնում են զեղչված ապրանքներ, որոնց պիտանելիության ժամկետը մոտ է լրանալուն։ Նրանք երբեք նման գնով թարմ ապրանք չեն գնի, իսկ դրա համար զեղչ են ստանում։ Տեղի գործարանների հետ ոչ այնքան բարեխիղճ մրցակցություն է ստացվում», - ընդգծեց Պողոսյանը։
Նրա խոսքով՝ ԱԺ հանձնաժողովում քննարկման արդյունքում որոշվել է տեղական արտադրանքին առևտրային ցանցերում ներկրվող ապրանքների հետ մրցակցության աջակցման հարցը փոխանցել էկոնոմիկայի նախարարությանը՝ կրկնակի քննարկման համար:
