Հզոր ցիկլոն է ներթափանցելու Հայաստան. որոշ մարզերում 2 օր ձյան առատ տեղումներ կլինեն
11:33 18.03.2024 (Թարմացված է: 11:37 18.03.2024)
© Sputnik / Aram Nersesyan
Բաժանորդագրվել
Հանրապետությունում բուք և հորիզոնական ցածր տեսանելիություն է լինելու։
ԵՐԵՎԱՆ, 18 մարտի – Sputnik. Ձյան առատ տեղումներ են սպասվում Հայաստանի 8 մարզում։ Տեղեկությունը հայտնում է ՀՀ շրջակա միջավայրի նախարարության Հիդրոօդերևութաբանության և մոնիտորինգի կենտրոնի մամուլի ծառայությունը։
«Հարավից հզոր ցիկլոնի ներթափանցմամբ պայմանավորված՝ մարտի 19-ին և 19-ի լույս 20-ի գիշերը Շիրակում, Լոռիում, Տավուշի նախալեռներում, Արագածոտնի, Կոտայքի, Վայոց Ձորի լեռներում, Գեղարքունիքում, Սյունիքի լեռնային և նախալեռնային գոտիներում սպասվում են ձյան առատ տեղումներ, առանձին հատվածներում՝ բուք, ցածր հորիզոնական տեսանելիություն»,– ասված է հաղորդագրությունում։
Ավելի վաղ կենտրոնից հայտնել էին, որ մարտի 19-22-ին շրջանների զգալի մասում ժամանակ առ ժամանակ սպասվում են տեղումներ և մառախուղ, լեռնային գոտիներում՝ թաց ձյան տեսքով։
