https://arm.sputniknews.ru/20240316/hapk-ic-durs-galy-hajastani-azgajin-shaheric-chi-bkhi-zakharvova-73443337.html
ՀԱՊԿ-ից դուրս գալը Հայաստանի ազգային շահերից չի բխի. Զախարովա
ՀԱՊԿ-ից դուրս գալը Հայաստանի ազգային շահերից չի բխի. Զախարովա
Sputnik Արմենիա
ՌԴ դիվանագետը մեկնաբանել է ՀԱՊԿ-ի վերաբերյալ Երևանի դիրքորոշումը: 16.03.2024, Sputnik Արմենիա
2024-03-16T10:19+0400
2024-03-16T10:19+0400
2024-03-16T10:21+0400
մարիա զախարովա
հավաքական անվտանգության պայմանագիր կազմակերպություն (հապկ)
հայաստան և հապկ
ռուսաստան
արտաքին գործերի նախարարություն (ագն)
https://cdn.am.sputniknews.ru/img/07e8/03/0d/73335827_0:0:1600:900_1920x0_80_0_0_c336ce3e23b53c8cd5ad369b7bd0e92c.jpg
ԵՐԵՎԱՆ, 16 մարտի – Sputnik. Մոսկվան Հայաստանի հետ շփումների ընթացքում քննարկում է արևմտյան երկրների կողմից Երևանին հակառուսական կուրս ներքաշելու հարցը՝ ռիսկերի մասին զգուշացնելու համար։ Որոշ փաստարկներ հայկական կողմից ընդունվել են։ Այս մասին ՌԻԱ Նովոստիին ասել է ՌԴ ԱԳՆ պաշտոնական ներկայացուցիչ Մարիա Զախարովան:Ավելի վաղ ՀՀ ԱԳ նախարար Արարատ Միրզոյանը թուրքական TRT World հեռուստաընկերությանը տված հարցազրույցում հայտարարել էր, որ հաշվի առնելով բոլոր մարտահրավերները, որոնց Երևանը ստիպված է դիմակայել վերջին երեք-չորս տարիների ընթացքում, Հայաստանում ակտիվորեն քննարկվում են նոր հնարավորությունները, այդ թվում՝ ԵՄ անդամակցության գաղափարը։«Ցավոք, մենք այս միտումը տեսնում ենք բավականին վաղուց, և մենք խոսում ենք դրա մասին։ Մենք խոսում ենք մեր հայ գործընկերների հետ միայն զգուշացնելու նպատակով», – ասել է Զախարովան գործակալությանը տված հարցազրույցում։Նա հավելել է, որ Մոսկվայի որոշ փաստարկներ ընդունվել են հայկական կողմի կողմից, նույնիսկ որոշակի միջոցներ են ձեռնարկվել։Զախարովայի խոսքով՝ Մոսկվան անկեղծորեն ցանկանում է, որ Հայաստանը պահպանի իր ինքնիշխանությունը, կառուցի քաղաքականություն ՝ ելնելով ազգային շահերից։«Ի՞նչ է ազգային շահը։ Ոչ թե այն շահերը, որոնք ինչ-որ մեկը գրել է այնտեղ՝ Բրյուսելում կամ ինչ-որ այլ մայրաքաղաքում, այլ այն շահերը, որոնք արտացոլում են ժողովրդի մշակութային ինքնությունը, որոնք կապված են այն մարդկանց շահերի հետ, որոնք ամեն օր իրենց աշխատանքի միջոցով բարիք են ստեղծում, նրանց, ովքեր եղել են, կան և դաստիարակելու են իրենց երեխաներին և իրենց երեխաների երեխաներին իրենց հողում, ովքեր Հայաստանին չեն վերաբերվում տարանցիկ գիտակցության տեսանկյունից, այլ ցանկանում են ապրել այնտեղ, ցանկանում են այնտեղ արարել և ազգային արտադրանք տալ, այնտեղ ստեղծել իրենց ընտանիքն ու տունը», - հայտարարել է Զախարովան։Հիշեցնենք` փետրվարի 23-ին հայտնի դարձավ, որ ՀՀ վարչապետը «France24» հեռուստաալիքին տված հարցազրույցում ասել է` Հայաստանի նկատմամբ Հավաքական անվտանգության պայմանագիրը չի կատարվել, ուստի Երևանը սառեցրել է իր մասնակցությունը կազմակերպությանը (ՀԱՊԿ):Ավելի ուշ ՌԴ ԱԳՆ-ն հայտարարություն տարածեց, որ Ռուսաստանը երկկողմ խողովակներով սպառիչ պարզաբանումներ է ակնկալում Հայաստանից, թե ինչ են նշանակում վարչապետ Նիկոլ Փաշինյանի խոսքերը Հավաքական անվտանգության պայմանագրի կազմակերպությունում (ՀԱՊԿ) Երևանի մասնակցության սառեցման մասին:Նշենք, որ Հայաստանի իշխանությունը բազմիցս մեղադրել է ՀԱՊԿ-ին և Ռուսաստանին իրենց պարտավորությունները չկատարելու մեջ։ Հունվարին ՀՀ անվտանգության խորհրդի քարտուղար Արմեն Գրիգորյանը հայտարարեց, որ Հայաստանն այլևս որևէ ակնկալիք չունի ՀԱՊԿ–ից, քանի որ համարժեք արձագանք չի ստացել 2022 թվականի սեպտեմբերյան լայնամասշտաբ հարձակումների ժամանակ։ 2023 թվականի նոյեմբերին վարչապետ Նիկոլ Փաշինյանը հրաժարվեց մասնակցել Մինսկում կայանալիք ՀԱՊԿ գագաթնաժողովին։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.sputniknews.ru/img/07e8/03/0d/73335827_232:0:1432:900_1920x0_80_0_0_95512085f2c33672e3a134e63025f04e.jpgSputnik Արմենիա
media@sputniknews.com
+74956456601
MIA „Rossiya Segodnya“
մարիա զախարովա, հավաքական անվտանգության պայմանագիր կազմակերպություն (հապկ), հայաստան և հապկ, ռուսաստան, արտաքին գործերի նախարարություն (ագն)
մարիա զախարովա, հավաքական անվտանգության պայմանագիր կազմակերպություն (հապկ), հայաստան և հապկ, ռուսաստան, արտաքին գործերի նախարարություն (ագն)
ՀԱՊԿ-ից դուրս գալը Հայաստանի ազգային շահերից չի բխի. Զախարովա
10:19 16.03.2024 (Թարմացված է: 10:21 16.03.2024) ՌԴ դիվանագետը մեկնաբանել է ՀԱՊԿ-ի վերաբերյալ Երևանի դիրքորոշումը:
ԵՐԵՎԱՆ, 16 մարտի – Sputnik. Մոսկվան Հայաստանի հետ շփումների ընթացքում քննարկում է արևմտյան երկրների կողմից Երևանին հակառուսական կուրս ներքաշելու հարցը՝ ռիսկերի մասին զգուշացնելու համար։ Որոշ փաստարկներ հայկական կողմից ընդունվել են։ Այս մասին
ՌԻԱ Նովոստիին ասել է ՌԴ ԱԳՆ պաշտոնական ներկայացուցիչ Մարիա Զախարովան:
Ավելի վաղ ՀՀ ԱԳ նախարար Արարատ Միրզոյանը թուրքական TRT World հեռուստաընկերությանը տված հարցազրույցում հայտարարել էր, որ հաշվի առնելով բոլոր մարտահրավերները, որոնց Երևանը ստիպված է դիմակայել վերջին երեք-չորս տարիների ընթացքում, Հայաստանում ակտիվորեն քննարկվում են նոր հնարավորությունները, այդ թվում՝ ԵՄ անդամակցության գաղափարը։
«Ցավոք, մենք այս միտումը տեսնում ենք բավականին վաղուց, և մենք խոսում ենք դրա մասին։ Մենք խոսում ենք մեր հայ գործընկերների հետ միայն զգուշացնելու նպատակով», – ասել է Զախարովան գործակալությանը տված հարցազրույցում։
Նա հավելել է, որ Մոսկվայի որոշ փաստարկներ ընդունվել են հայկական կողմի կողմից, նույնիսկ որոշակի միջոցներ են ձեռնարկվել։
«Մենք շատ լավ հասկանում ենք, որ պետությունները և ընդհանուր առմամբ հավաքական Արևմուտքը տասնամյակներ, դարեր շարունակ երկրները և ժողովուրդներին որպես գործիք է օգտագործում` բարի մտադրությունների քողի տակ: Եթե նման օրինակներ չլինեին մեր տարածաշրջանում, երևի կարելի էր մտածել, որ հենց հետխորհրդային տարածքի նկատմամբ Միացյալ Նահանգները և հավաքական Արևմուտքը չեն կիրառի այդ մարտավարությունը», - ընդգծել է նա։
Զախարովայի խոսքով՝ Մոսկվան անկեղծորեն ցանկանում է, որ Հայաստանը պահպանի իր ինքնիշխանությունը, կառուցի քաղաքականություն ՝ ելնելով ազգային շահերից։
«Ի՞նչ է ազգային շահը։ Ոչ թե այն շահերը, որոնք ինչ-որ մեկը գրել է այնտեղ՝ Բրյուսելում կամ ինչ-որ այլ մայրաքաղաքում, այլ այն շահերը, որոնք արտացոլում են ժողովրդի մշակութային ինքնությունը, որոնք կապված են այն մարդկանց շահերի հետ, որոնք ամեն օր իրենց աշխատանքի միջոցով բարիք են ստեղծում, նրանց, ովքեր եղել են, կան և դաստիարակելու են իրենց երեխաներին և իրենց երեխաների երեխաներին իրենց հողում, ովքեր Հայաստանին չեն վերաբերվում տարանցիկ գիտակցության տեսանկյունից, այլ ցանկանում են ապրել այնտեղ, ցանկանում են այնտեղ արարել և ազգային արտադրանք տալ, այնտեղ ստեղծել իրենց ընտանիքն ու տունը», - հայտարարել է Զախարովան։
Հիշեցնենք` փետրվարի 23-ին հայտնի դարձավ, որ ՀՀ վարչապետը
«France24» հեռուստաալիքին տված հարցազրույցում ասել է` Հայաստանի նկատմամբ Հավաքական անվտանգության պայմանագիրը չի կատարվել, ուստի Երևանը սառեցրել է իր մասնակցությունը կազմակերպությանը (ՀԱՊԿ):
Ավելի ուշ
ՌԴ ԱԳՆ-ն հայտարարություն տարածեց, որ Ռուսաստանը երկկողմ խողովակներով սպառիչ պարզաբանումներ է ակնկալում Հայաստանից, թե ինչ են նշանակում վարչապետ Նիկոլ Փաշինյանի խոսքերը Հավաքական անվտանգության պայմանագրի կազմակերպությունում (ՀԱՊԿ) Երևանի մասնակցության սառեցման մասին:
Նշենք, որ Հայաստանի իշխանությունը բազմիցս մեղադրել է ՀԱՊԿ-ին և Ռուսաստանին իրենց պարտավորությունները չկատարելու մեջ։ Հունվարին ՀՀ անվտանգության խորհրդի քարտուղար
Արմեն Գրիգորյանը հայտարարեց, որ Հայաստանն այլևս որևէ ակնկալիք չունի ՀԱՊԿ–ից, քանի որ համարժեք արձագանք չի ստացել 2022 թվականի սեպտեմբերյան լայնամասշտաբ հարձակումների ժամանակ։ 2023 թվականի նոյեմբերին վարչապետ Նիկոլ Փաշինյանը հրաժարվեց մասնակցել Մինսկում կայանալիք ՀԱՊԿ գագաթնաժողովին։