https://arm.sputniknews.ru/20240307/transpvorti-ughevardzy-chpetq-e-tankana-tevanjany-nerkajacrec-majr-hajastani-nakhagitsy-73144611.html
Տրանսպորտի ուղեվարձը չպետք է թանկանա. Թևանյանը ներկայացրեց «Մայր Հայաստանի» նախագիծը
Տրանսպորտի ուղեվարձը չպետք է թանկանա. Թևանյանը ներկայացրեց «Մայր Հայաստանի» նախագիծը
Sputnik Արմենիա
«Մայր Հայաստան» դաշինքի առաջնորդի խոսքով` տրանսպորտի բարեփոխումները չպետք է սահմանափակվեն միայն ավտոբուսների գնմամբ։ 07.03.2024, Sputnik Արմենիա
2024-03-07T16:57+0400
2024-03-07T16:57+0400
2024-03-07T17:03+0400
հայաստան
տրանսպորտ
անդրանիկ թևանյան («պոլիտէկոնոմիա» հետազոտական կենտրոնի ղեկավար)
ուղեվարձ
https://cdn.am.sputniknews.ru/img/07e8/02/02/71856159_0:51:1600:951_1920x0_80_0_0_f0a46d8cd31430ce9e5fdbff2a3d35aa.jpg
ԵՐԵՎԱՆ, 7 մարտի – Sputnik. Երևանում հասարակական տրանսպորտով երթևեկության արժեքը պետք է մնա նույնը, այսինքն` տրոլեյբուսով երթևեկության արժեքը պետք է լինի 50 դրամ, իսկ ավտոբուսի և մետրոյի ուղեվարձը` 100 դրամ։ Երևանում կազմակերպված հանրային քննարկման ժամանակ այս հայտարարությունն արեց «Մայր Հայաստան» դաշինքի ղեկավար Անդրանիկ Թևանյանը` ներկայացնելով խմբակցության նախագիծը։«Մինչև մեկ ամիս ժամկետով քարտի համար առաջարկում ենք ներդնել նույն պայմաններով 5500 դրամանոց տոմսեր, մինչև 180 օր և մինչև մեկ տարի ժամկետով քարտի համար՝ համապատասխանաբար 20 հազար դրամ և 35 հազար դրամ»,- ասաց Թևանյանը։Նա ընդգծեց, որ իրենք համաձայն չեն ուղեվարձի թանկացման վերաբերյալ իշխանությունների մտադրություններին։«Տրանսպորտի բարեփոխումները չպետք է սահմանափակվեն միայն ավտոբուսների գնմամբ, սա նաև ներառում է ուղևորահոսքի պատշաճ կառավարում, փողոցների գերբեռնվածության քաղաքականություն՝ վերգետնյա և ստորգետնյա կայանատեղերի ներդրման և այլ համալիր միջոցառումների միջոցով»,- նշեց Թևանյանը։Նրա խոսքով` սուբսիդիաները պետք է գործեն առնվազն մինչև բարեփոխումների ավարտը։Հիշեցնենք` 2024 թվականի սեպտեմբերի 1-ից նախատեսվում է ներդնել ուղեվարձի վճարման միասնական համակարգ՝ ներառյալ էլեկտրոնային տոմսեր ու ուղևորական քարտեր տարբեր սակագնային պլաններով՝ 70 րոպե, 24 ժամ, 7 օր, 30 օր, 90 օր և մեկ տարի, ինչպես նաև 10 ուղևորության տոմս։Երևանի նախկին քաղաքապետ Հայկ Մարությանը փետրվարին հայտարարեց, որ 2024 թվականի սեպտեմբերից Երևանի հասարակական տրանսպորտի ուղեվարձը կրկնակի կբարձրանա, իսկ մեկանգամյա ուղեվարձը կկազմի 300 դրամ: Այս պնդումները նույն օրը հերքեց Երևանի քաղաքապետ Տիգրան Ավինյանը։Երևանի փոխքաղաքապետ Սուրեն Գրիգորյանն իր հերթին հայտարարեց, որ ուղեվարձը կարող է թանկանալ նրանց համար, ովքեր հազվադեպ են օգտվում դրանից: Միևնույն ժամանակ նախատեսվում է սուբսիդավորել ուղեվարձը մշտական ուղևորների և բնակչության խոցելի շերտերի համար: Նա վստահեցրեց, որ սակագինը կա՛մ կվերանայվի նվազագույն բարձրացմամբ, կա՛մ կմնա նույնը։
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, տրանսպորտ, անդրանիկ թևանյան («պոլիտէկոնոմիա» հետազոտական կենտրոնի ղեկավար), ուղեվարձ
հայաստան, տրանսպորտ, անդրանիկ թևանյան («պոլիտէկոնոմիա» հետազոտական կենտրոնի ղեկավար), ուղեվարձ
Տրանսպորտի ուղեվարձը չպետք է թանկանա. Թևանյանը ներկայացրեց «Մայր Հայաստանի» նախագիծը
16:57 07.03.2024 (Թարմացված է: 17:03 07.03.2024) «Մայր Հայաստան» դաշինքի առաջնորդի խոսքով` տրանսպորտի բարեփոխումները չպետք է սահմանափակվեն միայն ավտոբուսների գնմամբ։
ԵՐԵՎԱՆ, 7 մարտի – Sputnik. Երևանում հասարակական տրանսպորտով երթևեկության արժեքը պետք է մնա նույնը, այսինքն` տրոլեյբուսով երթևեկության արժեքը պետք է լինի 50 դրամ, իսկ ավտոբուսի և մետրոյի ուղեվարձը` 100 դրամ։ Երևանում կազմակերպված հանրային քննարկման ժամանակ այս հայտարարությունն արեց «Մայր Հայաստան» դաշինքի ղեկավար Անդրանիկ Թևանյանը` ներկայացնելով խմբակցության նախագիծը։
«Մայր Հայաստանը» համարում է, որ հանրային տրանսպորտը պետք է անվճար լինի թոշակառուների և հաշմանդամություն ունեցող անձանց համար։ Իսկ այն անձինք, որոնք շաբաթական 4 և ավելի անգամ օգտվում են հասարակական տրանսպորտից, պետք է կարողանան ձեռք բերել 400 դրամ արժողությամբ քարտեր, որոնք վավեր կլինեն ակտիվացման պահից մինչև 24 ժամ։ Այն քարտերը, որոնք վավեր կլինեն 7 օր, պետք է արժենան 2000 դրամ, և դրանք շաբաթվա ընթացքում հնարավոր կլինի օգտագործել անսահմանափակ քանակությամբ։
«Մինչև մեկ ամիս ժամկետով քարտի համար առաջարկում ենք ներդնել նույն պայմաններով 5500 դրամանոց տոմսեր, մինչև 180 օր և մինչև մեկ տարի ժամկետով քարտի համար՝ համապատասխանաբար 20 հազար դրամ և 35 հազար դրամ»,- ասաց Թևանյանը։
Նա ընդգծեց, որ իրենք համաձայն չեն ուղեվարձի թանկացման վերաբերյալ իշխանությունների մտադրություններին։
«Տրանսպորտի բարեփոխումները չպետք է սահմանափակվեն միայն ավտոբուսների գնմամբ, սա նաև ներառում է ուղևորահոսքի պատշաճ կառավարում, փողոցների գերբեռնվածության քաղաքականություն՝ վերգետնյա և ստորգետնյա կայանատեղերի ներդրման և այլ համալիր միջոցառումների միջոցով»,- նշեց Թևանյանը։
Նրա խոսքով` սուբսիդիաները պետք է գործեն առնվազն մինչև բարեփոխումների ավարտը։
Հիշեցնենք` 2024 թվականի սեպտեմբերի 1-ից նախատեսվում է ներդնել ուղեվարձի վճարման միասնական համակարգ՝ ներառյալ էլեկտրոնային տոմսեր ու ուղևորական քարտեր տարբեր սակագնային պլաններով՝ 70 րոպե, 24 ժամ, 7 օր, 30 օր, 90 օր և մեկ տարի, ինչպես նաև 10 ուղևորության տոմս։
Երևանի նախկին քաղաքապետ
Հայկ Մարությանը փետրվարին հայտարարեց, որ 2024 թվականի սեպտեմբերից Երևանի հասարակական տրանսպորտի ուղեվարձը կրկնակի կբարձրանա, իսկ մեկանգամյա ուղեվարձը կկազմի 300 դրամ: Այս պնդումները նույն օրը հերքեց Երևանի քաղաքապետ Տիգրան Ավինյանը։
Երևանի փոխքաղաքապետ
Սուրեն Գրիգորյանն իր հերթին հայտարարեց, որ ուղեվարձը կարող է թանկանալ նրանց համար, ովքեր հազվադեպ են օգտվում դրանից: Միևնույն ժամանակ նախատեսվում է սուբսիդավորել ուղեվարձը մշտական ուղևորների և բնակչության խոցելի շերտերի համար: Նա վստահեցրեց, որ սակագինը կա՛մ կվերանայվի նվազագույն բարձրացմամբ, կա՛մ կմնա նույնը։
