Փաշինյանն այցելել է Կահիրեի հայկական եկեղեցի, հանդիպել Հայոց թեմի առաջնորդի հետ
19:04 06.03.2024 (Թարմացված է: 19:05 06.03.2024)
© Photo : official site of the Prime Minister of RAՓաշինյանն այցելել է Կահիրեի հայկական եկեղեցի,
![Փաշինյանն այցելել է Կահիրեի հայկական եկեղեցի, Փաշինյանն այցելել է Կահիրեի հայկական եկեղեցի, - Sputnik Արմենիա, 1920, 06.03.2024](https://cdn.am.sputniknews.ru/img/07e8/03/06/73100830_0:113:1600:1013_1920x0_80_0_0_e5879726b8048f4628e92d74f2c12a71.jpg)
Փաշինյանն այցելել է Կահիրեի հայկական եկեղեցի,
Բաժանորդագրվել
ՀՀ վարչապետը ծաղիկներ է խոնարհել Հայոց ցեղասպանության զոհերի հիշատակը հավերժացնող խաչքարի մոտ:
ԵՐԵՎԱՆ, 6 մարտի – Sputnik. ՀՀ վարչապետ Նիկոլ Փաշինյանի գլխավորած պատվիրակությունն այցելել է Կահիրեի Սուրբ Գրիգոր Լուսավորիչ եկեղեցի։ Տեղեկությունը հայտնում է ՀՀ վարչապետի մամուլի ծառայությունը։
«Վարչապետը կատարել է մոմառավառություն և ծաղիկներ խոնարհել Հայոց ցեղասպանության զոհերի հիշատակը հավերժացնող խաչքարի մոտ: Առաջնորդարանում նա նաև կարճատև հանդիպում է ունեցել Եգիպտոսի հայ համայնքի մի խումբ ներկայացուցիչների հետ, պատասխանել նրանց հետաքրքրող տարբեր հարցերի»,– նշված է հաղորդագրության մեջ:
© Photo : official site of the Prime Minister of RAՓաշինյանը ծաղիկներ է խոնարհել Հայոց ցեղասպանության զոհերի հիշատակը հավերժացնող խաչքարի մոտ
![Премьер-министр Никол Пашинян посетил церковь Святого Григория Просветителя (6 марта 2024). Каир Премьер-министр Никол Пашинян посетил церковь Святого Григория Просветителя (6 марта 2024). Каир - Sputnik Արմենիա, 1920, 06.03.2024](https://cdn.am.sputniknews.ru/img/07e8/03/06/73100745_0:0:1600:1066_1920x0_80_0_0_dac19643d2f10565fe9f61fa7f39949f.jpg)
Փաշինյանը ծաղիկներ է խոնարհել Հայոց ցեղասպանության զոհերի հիշատակը հավերժացնող խաչքարի մոտ
Հանդիպմանը Փաշինյանն անդրադարձել է Եգիպտոսի բարձրագույն ղեկավարության հետ ունեցած հանդիպումների արդյունքներին, ՀՀ կառավարության «Խաղաղության խաչմերուկ» նախագծին, Հայաստան-Սփյուռք հարաբերություններին և այլ թեմաների:
Եգիպտոս կատարած պաշտոնական այցի ավարտին Նիկոլ Փաշինյանն այցելել է նաև Եգիպտական քաղաքակրթության ազգային թանգարան, ծանոթացել ներկայացված ցուցանմուշներին և գրառում կատարել թանգարանի պատվավոր հյուրերի մատյանում։
© Photo : official site of the Prime Minister of RAՓաշինյանն այցելել է Կահիրեի հայկական եկեղեցի,
![Премьер-министр Никол Пашинян посетил церковь Святого Григория Просветителя (6 марта 2024). Каир Премьер-министр Никол Пашинян посетил церковь Святого Григория Просветителя (6 марта 2024). Каир - Sputnik Արմենիա, 1920, 06.03.2024](https://cdn.am.sputniknews.ru/img/07e8/03/06/73100808_0:0:1600:1066_1920x0_80_0_0_e9062d66b1303a8d812022ec1b18ea02.jpg)
Փաշինյանն այցելել է Կահիրեի հայկական եկեղեցի,
Հիշեցնենք` Փաշինյանը Եգիպտոսի Արաբական Հանրապետություն է մեկնել երկօրյա պաշտոնական այցով։ Այցի շրջանակում ՀՀ վարչապետն առանձնազրույց է ունեցել Եգիպտոսի նախագահ Աբդել Ֆատահ ալ-Սիսիի հետ, հանդիպումներ ունեցել Եգիպտոսի վարչապետ Մոսթաֆա Մադբուլի, Արաբական պետությունների լիգայի գլխավոր քարտուղար Ահմեդ Աբդուլ Ղեյտի, Ղպտի Ուղղափառ եկեղեցու առաջնորդ, Ալեքսանդրիայի Պապ և Սուրբ Մարկոսի աթոռի պատրիարք Թավադրոս Երկրորդի, Ալ-Ազհարի Գերագույն Իմամ, շեյխ Ահմեդ Մուհամմադ Ալ-Տալիբի հետ: