https://arm.sputniknews.ru/20240302/gjumrium-shneri-sterjacmamb-zbaghvvogh-kumni-spy-i-dem-qreakan-varujt-e-nakhadzernvel-72976432.html
Գյումրիում շների ստերջացմամբ զբաղվող «Կումնի» ՍՊԸ-ի դեմ քրեական վարույթ է նախաձեռնվել
Գյումրիում շների ստերջացմամբ զբաղվող «Կումնի» ՍՊԸ-ի դեմ քրեական վարույթ է նախաձեռնվել
Sputnik Արմենիա
Կենդանասերները կասկածներ ունեն, որ Գյումրիի համայնքապետարանը հանցավոր գործարքի է գնացել ընկերության հետ` հարյուրավոր շների սպանդ իրականացնելու համար։ 02.03.2024, Sputnik Արմենիա
2024-03-02T13:17+0400
2024-03-02T13:17+0400
2024-03-02T13:46+0400
շուն
գյումրի
կենդանի
քրեական գործ
ստերջացում
https://cdn.am.sputniknews.ru/img/07e7/06/1d/61939476_0:54:1600:954_1920x0_80_0_0_810b7605c80bcb0a083e5dc23b02eba6.jpg
ԵՐԵՎԱՆ, 2 մարտի – Sputnik. Գյումրիի համայնքապետարանի կողմից հայտարարված շների ստերջացման մրցույթին մասնակցած և հաղթած Կումնի ՍՊԸ-ն ստանձնած գործառույթները էական խախտումներով է իրականացրել, և կենդանասերների կողմից ստացված հաղորդման հիման վրա ՀՀ քննչական կոմիտեում քրեական վարույթ է նախաձեռնվել։ Տեղեկությունը Sputnik Արմենիայի հետ զրույցում հայտնեց ՀՀ քննչական կոմիտեի մամուլի խոսնակ Գոռ Աբրահամյանը։Նշենք, որ կենդանասերները սոցցանցերում աղմուկ են բարձրացրել` կապված ՍՊԸ–ի գործունեության հետ։ Նշվում է, որ 500 շան ստերջացման համար Գյումրու համայնքային բյուջեից միլիոններ վերցած ՍՊԸ–ն քաղաքից շներին հավաքել, տարել է մի անասնագոմ։Կենդանիների պաշտպանները, հետևելով կազմակերպության աշխատակիցներին, գաղտնի գնացել են Ջաջուռ (որտեղ տարվել ու պահվել են շները) ու տեսել, որ կենդանիներն օրերով սոված–ծարավ պահվում են անասնագոմում։«Ստացվել է ընկերության կողմից ստանձնած գործառույթները որոշակի էական խախտումներով իրականացնելու և այլ հանգամանքների մասին հաղորդում։ Այդ առթիվ ՀՀ քննչական կոմիտեի Շիրակի մարզային քննչական վարչության Ախուրյանի քննչական բաժնում ՀՀ քրեական օրենսգրքի 307-րդ հոդվածի 1-ին մասի հատկանիշներով նախաձեռնված է քրեական վարույթ»,–ասաց Աբրահամյանը։Նրա խոսքով` կատարվել է կենդանիների հետ տարվող աշխատանքների համար նախատեսված վայրի զննություն, ընկերության գործունեության վերաբերյալ անհրաժեշտ փաստաթղթեր են պահանջվել իրավասու մարմիններից, ինչպես նաև կատարվում են վարութային և քննչական այլ գործողություններ՝ հաղորդման մեջ նշված հանգամանքները համակողմանի ստուգելու, համապատասխան անձանց գործողություններին իրավական գնահատական տալու ուղղությամբ։Ունենք լուրջ խնդիր, Երևանի հարակից մարզերում թափառող շներին չեն ստերջացնում. քաղաքապետարանԱյլ տվյալներ այս պահին հրապարակման ենթակա չեն։Հավելենք, որ ըստ կենդանասերների ունեցած տվյալների` ՍՊԸ–ն մրցույթից ընդամենը 9 օր առաջ հիմնադրված ընկերություն է և բավականին քիչ գումար է պահանջել համայնքապետարանից, քան արժե մեկ շան ստերջացումը։Կենդանասերները կասկածներ ունեն, որ Գյումրիի համայնքապետարանը հանցավոր գործարքի է գնացել ընկերության հետ` հարյուրավոր շների սպանդ իրականացնելու համար։
գյումրի
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
շուն, գյումրի, կենդանի, քրեական գործ, ստերջացում
շուն, գյումրի, կենդանի, քրեական գործ, ստերջացում
Գյումրիում շների ստերջացմամբ զբաղվող «Կումնի» ՍՊԸ-ի դեմ քրեական վարույթ է նախաձեռնվել
13:17 02.03.2024 (Թարմացված է: 13:46 02.03.2024) Կենդանասերները կասկածներ ունեն, որ Գյումրիի համայնքապետարանը հանցավոր գործարքի է գնացել ընկերության հետ` հարյուրավոր շների սպանդ իրականացնելու համար։
ԵՐԵՎԱՆ, 2 մարտի – Sputnik. Գյումրիի համայնքապետարանի կողմից հայտարարված շների ստերջացման մրցույթին մասնակցած և հաղթած Կումնի ՍՊԸ-ն ստանձնած գործառույթները էական խախտումներով է իրականացրել, և կենդանասերների կողմից ստացված հաղորդման հիման վրա ՀՀ քննչական կոմիտեում քրեական վարույթ է նախաձեռնվել։ Տեղեկությունը Sputnik Արմենիայի հետ զրույցում հայտնեց ՀՀ քննչական կոմիտեի մամուլի խոսնակ Գոռ Աբրահամյանը։
Նշենք, որ կենդանասերները սոցցանցերում
աղմուկ են բարձրացրել` կապված ՍՊԸ–ի գործունեության հետ։ Նշվում է, որ 500 շան ստերջացման համար Գյումրու համայնքային բյուջեից միլիոններ վերցած ՍՊԸ–ն քաղաքից շներին հավաքել, տարել է մի անասնագոմ։
Կենդանիների պաշտպանները, հետևելով կազմակերպության աշխատակիցներին, գաղտնի գնացել են Ջաջուռ (որտեղ տարվել ու պահվել են շները) ու տեսել, որ կենդանիներն օրերով սոված–ծարավ պահվում են անասնագոմում։
«Ստացվել է ընկերության կողմից ստանձնած գործառույթները որոշակի էական խախտումներով իրականացնելու և այլ հանգամանքների մասին հաղորդում։ Այդ առթիվ ՀՀ քննչական կոմիտեի Շիրակի մարզային քննչական վարչության Ախուրյանի քննչական բաժնում ՀՀ քրեական օրենսգրքի 307-րդ հոդվածի 1-ին մասի հատկանիշներով նախաձեռնված է քրեական վարույթ»,–ասաց Աբրահամյանը։
Նրա խոսքով` կատարվել է կենդանիների հետ տարվող աշխատանքների համար նախատեսված վայրի զննություն, ընկերության գործունեության վերաբերյալ անհրաժեշտ փաստաթղթեր են պահանջվել իրավասու մարմիններից, ինչպես նաև կատարվում են վարութային և քննչական այլ գործողություններ՝ հաղորդման մեջ նշված հանգամանքները համակողմանի ստուգելու, համապատասխան անձանց գործողություններին իրավական գնահատական տալու ուղղությամբ։
Այլ տվյալներ այս պահին հրապարակման ենթակա չեն։
Հավելենք, որ ըստ կենդանասերների ունեցած տվյալների` ՍՊԸ–ն մրցույթից ընդամենը 9 օր առաջ հիմնադրված ընկերություն է և բավականին քիչ գումար է պահանջել համայնքապետարանից, քան արժե մեկ շան ստերջացումը։
Կենդանասերները կասկածներ ունեն, որ Գյումրիի համայնքապետարանը հանցավոր գործարքի է գնացել ընկերության հետ` հարյուրավոր շների սպանդ իրականացնելու համար։
