https://arm.sputniknews.ru/20240301/iranum-pvordzagetneri-khvorhrdi-ev-mejlisi-yntrutjun-e-rajisin-ev-khamenein-arden-qvearkel-en-72925480.html
Իրանում փորձագետների խորհրդի և Մեջլիսի ընտրություն է. Ռայիսին և Խամենեին արդեն քվեարկել են
Իրանում փորձագետների խորհրդի և Մեջլիսի ընտրություն է. Ռայիսին և Խամենեին արդեն քվեարկել են
Sputnik Արմենիա
Կրոնական փոքրամասնություններին 5 տեղ է հատկացվում` ասորի քրիստոնյաներն ու քաղդեացիները միասին մեկ պատգամավոր են ընտրում, քրիստոնյա հայերը` երկու, հրեաներն ու... 01.03.2024, Sputnik Արմենիա
2024-03-01T11:45+0400
2024-03-01T11:45+0400
2024-03-01T12:36+0400
այաթոլլա ալի խամենեի
իրանի իսլամական հանրապետություն
ընտրություններ
https://cdn.am.sputniknews.ru/img/07e8/03/01/72922909_0:0:801:450_1920x0_80_0_0_5cade7c85c46a1374e8c19a349cd671d.jpg
ԵՐԵՎԱՆ, 1 մարտի – Sputnik. Իրանի փորձագետների խորհրդում և Մեջլիսում (միապալատ խորհրդարան) այսօր ընտրություններ են։Ըտրատեղամասերը կաշխատեն 10 ժամ` մինչև տեղական ժամանակով 18:00 (18:30 Երևանի ժամանակով)։ Անհրաժեշտության դեպքում քվեարկությունը կերկարաձգվի։Ձայնի իրավունք ունի մոտ 60 մլն իրանցի։ Համաշխարհային բանկի 2022 թվականի տվյալներով` Իրանում ավելի քան 88 մլն մարդ է բնակվում։IRNA–ն հայտնում է, որ ընտրատեղամասերի բացումից հետո առաջին րոպեների ընթացքում քվեարկել է Իրանի հոգևոր առաջնորդ Ալի Խամենեին։«Մեր ժողովուրդը պետք է հասկանա, որ այսօր ամբողջ աշխարհում հազարավոր աչքեր են նայում իրեն և այն բանին, թե ինչ ենք անում ընտրություններում», – ընդգծել է Խամենեին։Իր ընտրությունն է կատարել նաև Իրանի նախագահ Էբրահիմ Ռայիսին։Նշենք, որր փորձագետների խորհրդի ընտրություններն Իրանում անցկացվում են 8 տարին մեկ։ Այս տարի խորհրդում ընդգրկվելու համար (88 հոգևորականներից բաղկացած վերխորհրդարանական մարմին) հավակնում է 144 թեկնածու։ Մեջլիսի (290 տեղ) ընտրություններին թույլատրվել է մասնակցել 14 912 թեկնածուի, ինչը կազմում է հայտերի ընդհանուր թվի 73%–ը։ Այսպիսով` խորհրդարանի մեկ տեղի համար 51 մարդ է պայքարում։Ընտրությունների անվտանգության ապահովման համար մոտ 190 հազար զինծառայող և իրավապահ մարմինների ներկայացուցիչներ են ներգրավվել, իսկ երկրի հեռավոր մարզերից ընտրատուփերի տեղափոխման համար Իրանի ԶՈւ–ի կազմում գտնվող ուղղաթիռներ են ներգրավվելու։ Ազգային անվտանգությունն ապահովող բոլոր ծառայությունները, այդ թվում` սահմանապահ ծառայությունը, բարձր պատրաստության վիճակի են բերվելու։Այաթոլլա Խամենեին որոշել է Իրանում տասնյակ հազարավոր բանտարկյալների ներում շնորհելՀարկ է նշել, որ Իրանի սահմանադրության մեջ քաղաքական, աշխարհագրական կամ այլ գործոնները հաշվի առնելով խորհրդարանի անդամների թվաքանակի փոփոխման հնարավորություն է նախատեսված. յուրաքանչյուր 10 տարին մեկ պատգամավորների թիվը կարող է 20 մարդով ավելանալ։ Կրոնական փոքրամասնություններին 5 տեղ է հատկացվում` ասորի քրիստոնյաներն ու քաղդեացիները միասին մեկ պատգամավոր են ընտրում, քրիստոնյա հայերը` երկու, հրեաներն ու զրադաշտները` մեկական։ Պատգամավորական լիազորությունների ժամկետը չորս տարի է։
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
այաթոլլա ալի խամենեի, իրանի իսլամական հանրապետություն, ընտրություններ
այաթոլլա ալի խամենեի, իրանի իսլամական հանրապետություն, ընտրություններ
Իրանում փորձագետների խորհրդի և Մեջլիսի ընտրություն է. Ռայիսին և Խամենեին արդեն քվեարկել են
11:45 01.03.2024 (Թարմացված է: 12:36 01.03.2024) Կրոնական փոքրամասնություններին 5 տեղ է հատկացվում` ասորի քրիստոնյաներն ու քաղդեացիները միասին մեկ պատգամավոր են ընտրում, քրիստոնյա հայերը` երկու, հրեաներն ու զրադաշտները` մեկական։ Պատգամավորական լիազորությունների ժամկետը չորս տարի է։
ԵՐԵՎԱՆ, 1 մարտի – Sputnik. Իրանի փորձագետների խորհրդում և Մեջլիսում (միապալատ խորհրդարան) այսօր ընտրություններ են։
Ըտրատեղամասերը կաշխատեն 10 ժամ` մինչև տեղական ժամանակով 18:00 (18:30 Երևանի ժամանակով)։ Անհրաժեշտության դեպքում քվեարկությունը կերկարաձգվի։
Ձայնի իրավունք ունի մոտ 60 մլն իրանցի։ Համաշխարհային բանկի 2022 թվականի տվյալներով` Իրանում ավելի քան 88 մլն մարդ է բնակվում։
IRNA–ն հայտնում է, որ ընտրատեղամասերի բացումից հետո առաջին րոպեների ընթացքում քվեարկել է Իրանի հոգևոր առաջնորդ Ալի Խամենեին։
«Մեր ժողովուրդը պետք է հասկանա, որ այսօր ամբողջ աշխարհում հազարավոր աչքեր են նայում իրեն և այն բանին, թե ինչ ենք անում ընտրություններում», – ընդգծել է Խամենեին։
Իր ընտրությունն է կատարել նաև Իրանի նախագահ Էբրահիմ Ռայիսին։
Նշենք, որր փորձագետների խորհրդի ընտրություններն Իրանում անցկացվում են 8 տարին մեկ։ Այս տարի խորհրդում ընդգրկվելու համար (88 հոգևորականներից բաղկացած վերխորհրդարանական մարմին) հավակնում է 144 թեկնածու։ Մեջլիսի (290 տեղ) ընտրություններին թույլատրվել է մասնակցել 14 912 թեկնածուի, ինչը կազմում է հայտերի ընդհանուր թվի 73%–ը։ Այսպիսով` խորհրդարանի մեկ տեղի համար 51 մարդ է պայքարում։
Ընտրությունների անվտանգության ապահովման համար մոտ 190 հազար զինծառայող և իրավապահ մարմինների ներկայացուցիչներ են ներգրավվել, իսկ երկրի հեռավոր մարզերից ընտրատուփերի տեղափոխման համար Իրանի ԶՈւ–ի կազմում գտնվող ուղղաթիռներ են ներգրավվելու։ Ազգային անվտանգությունն ապահովող բոլոր ծառայությունները, այդ թվում` սահմանապահ ծառայությունը, բարձր պատրաստության վիճակի են բերվելու։
Հարկ է նշել, որ Իրանի սահմանադրության մեջ քաղաքական, աշխարհագրական կամ այլ գործոնները հաշվի առնելով խորհրդարանի անդամների թվաքանակի փոփոխման հնարավորություն է նախատեսված. յուրաքանչյուր 10 տարին մեկ պատգամավորների թիվը կարող է 20 մարդով ավելանալ։ Կրոնական փոքրամասնություններին 5 տեղ է հատկացվում` ասորի քրիստոնյաներն ու քաղդեացիները միասին մեկ պատգամավոր են ընտրում, քրիստոնյա հայերը` երկու, հրեաներն ու զրադաշտները` մեկական։ Պատգամավորական լիազորությունների ժամկետը չորս տարի է։
