https://arm.sputniknews.ru/20240228/pajmanagir-chka-gvortsarujtner-kan-pashinjany-khvosel-e-sjuniqum-rd-sahmanapahneri-masin-72839311.html
Պայմանագիր չկա՞, գործառույթներ կա՞ն. Փաշինյանը խոսել է Սյունիքում ՌԴ սահմանապահների մասին
Պայմանագիր չկա՞, գործառույթներ կա՞ն. Փաշինյանը խոսել է Սյունիքում ՌԴ սահմանապահների մասին
Sputnik Արմենիա
Փաշինյանը հայտարարում է, որ ՌԴ սահմանապահները մանդատ չունեն, բայց պահանջում է կատարել գործառույթները։ 28.02.2024, Sputnik Արմենիա
2024-02-28T19:04+0400
2024-02-28T19:04+0400
2024-02-28T19:10+0400
հայաստան
նիկոլ փաշինյան
ներքին հանդ
արմեն գրիգորյան
https://cdn.am.sputniknews.ru/img/07e7/0b/0f/68638120_0:0:1437:808_1920x0_80_0_0_e8ffcc39e8cf6b623744cc9d9ae443a0.jpg
ԵՐԵՎԱՆ, 28 փետրվարի – Sputnik. ՀՀ վարչապետ Նիկոլ Փաշինյանն այսօր Ազգային ժողովում հարցուպատասխանի ժամանակ հայտարարեց, որ Սյունիքի Ներքին Հանդ գյուղի տարածքում ռուս սահմանապահների ներկայությունը կարգավորող որևէ մանդատ և պայմանագիր գոյություն չունի: Նա այդ հայտարարությունն արեց` պատասխանելով «Հայաստան» խմբակցության պատգամավոր Աննա Գրիգորյանի հարցին։Միաժամանակ Փաշինյանը նշեց` եթե սա նշանակում է, որ ռուս սահմանապահներն այնտեղ որևէ անվտանգային գործառույթ չեն կարող իրականացնել, ենթադրվում է, որ սրանից պետք է արվեն նաև համապատասխան հետևություններ։ՀՀ վարչապետի խոսքով` հայ–ադրբեջանական սահմանի ներկա իրավիճակը շատ հատվածներում ինքնաբուխ է ստեղծվել, և դա կապված է եղել հետպատերազմական իրադարձությունների հետ:Աննա Գրիգորյանը, անդրադառնալով Ներքին Հանդում տեղի ունեցած ռազմական էսկալացիային, նշեց, որ հայ տարբեր պաշտոնյաներ ասում են, որ այդ հատվածը ռուսական վերահսկողության գոտի է։«Ի՞նչ է նշանակում, որ ՀՀ ինչ–որ տարածք հանդիսանում է 3–րդ երկրի պատասխանատվության գոտի։ ՀՀ անվտանգության քարտուղար Արմեն Գրիգորյանը, օրինակ, հայտարարեց, որ ՌԴ–ն չկարողացավ կանխել արյունալի բախումը Ներքին Հանդում։ Հարց է առաջանում` ի՞նչ մանդատով են ռուս սահմանապահները կանգնած այնտեղ, իրավական ի՞նչ պայմանագրի հիման վրա, կոնկրետ ի՞նչ պատասխանատվություն ունեն, քանի որ եթե հնչեցվում է մեղադրանք, որ չկարողացան կանխել արյունալի բախումը, ուրեմն ինչ–որ պատասխանատվություն ունեն։ Արմեն Գրիգորյանը նաև ասել է, որ ռուս սահմանապահները խոչընդոտել են ԵՄ դիտորդների մուտքը Ներքին Հանդ։ Ուզում եմ հասկանալ` մեր սուվերեն տարածքում մի երկրի ներկայացուցիչ խոչընդոտում է մեկ այլ երկրի ներկայացուցչի՞։ Այսինքն` ՀՀ կառավարությունը ՌԴ և ԵՄ ներկայացուցիչներին բերում, կանգնեցնում է այդտեղ, ասում է` պայմանավորվեք, ինքը մեջտեղից դուրս է գալիս։ Պետությունն այստեղ գործառույթ ունի՞, թե՞ ոչ»,– հետաքրքրվեց պատգամավորը։Փաշինյանը պատասխանեց` որևէ մեկը չի հայտարարել, որ դա ՌԴ պատասխանատվության գոտին է, այլ հնչել է ահազանգ, ու հիմա քննվում է, թե ինչ խոչընդոտների մասին է խոսքը։Ի դեպ, ՌԴ ԱԳՆ ներկայացուցիչ Մարիա Զախարովան այսօր հայտարարեց, որ Ներքին Հանդի շրջանում 2021 թվականին ԱԴԾ սահմանապահ ծառայության հենակետ է տեղադրվել հայկական կողմի հետ պայմանավորվածության համաձայն։Հիշեցնենք` փետրվարի 13-ին ադրբեջանական ԶՈւ ստորաբաժանումները հրաձգային զինատեսակներից կրակ էին բացել Ներքին Հանդ գյուղի հատվածում տեղակայված հայկական դիրքերի ուղղությամբ, ինչի հետևանքով 4 հայ զինծառայող էր զոհվել, 1-ը՝ վիրավորվել:
ներքին հանդ
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, նիկոլ փաշինյան, ներքին հանդ, արմեն գրիգորյան
հայաստան, նիկոլ փաշինյան, ներքին հանդ, արմեն գրիգորյան
Պայմանագիր չկա՞, գործառույթներ կա՞ն. Փաշինյանը խոսել է Սյունիքում ՌԴ սահմանապահների մասին
19:04 28.02.2024 (Թարմացված է: 19:10 28.02.2024) Փաշինյանը հայտարարում է, որ ՌԴ սահմանապահները մանդատ չունեն, բայց պահանջում է կատարել գործառույթները։
ԵՐԵՎԱՆ, 28 փետրվարի – Sputnik. ՀՀ վարչապետ Նիկոլ Փաշինյանն այսօր Ազգային ժողովում հարցուպատասխանի ժամանակ հայտարարեց, որ Սյունիքի Ներքին Հանդ գյուղի տարածքում ռուս սահմանապահների ներկայությունը կարգավորող որևէ մանդատ և պայմանագիր գոյություն չունի: Նա այդ հայտարարությունն արեց` պատասխանելով «Հայաստան» խմբակցության պատգամավոր Աննա Գրիգորյանի հարցին։
Միաժամանակ Փաշինյանը նշեց` եթե սա նշանակում է, որ ռուս սահմանապահներն այնտեղ որևէ անվտանգային գործառույթ չեն կարող իրականացնել, ենթադրվում է, որ սրանից պետք է արվեն նաև համապատասխան հետևություններ։
ՀՀ վարչապետի խոսքով` հայ–ադրբեջանական սահմանի ներկա իրավիճակը շատ հատվածներում ինքնաբուխ է ստեղծվել, և դա կապված է եղել հետպատերազմական իրադարձությունների հետ:
Աննա Գրիգորյանը, անդրադառնալով Ներքին Հանդում տեղի ունեցած ռազմական էսկալացիային, նշեց, որ հայ տարբեր պաշտոնյաներ ասում են, որ այդ հատվածը ռուսական վերահսկողության գոտի է։
«Ի՞նչ է նշանակում, որ ՀՀ ինչ–որ տարածք հանդիսանում է 3–րդ երկրի պատասխանատվության գոտի։
ՀՀ անվտանգության քարտուղար Արմեն Գրիգորյանը, օրինակ, հայտարարեց, որ ՌԴ–ն չկարողացավ կանխել արյունալի բախումը Ներքին Հանդում։ Հարց է առաջանում` ի՞նչ մանդատով են ռուս սահմանապահները կանգնած այնտեղ, իրավական ի՞նչ պայմանագրի հիման վրա, կոնկրետ ի՞նչ պատասխանատվություն ունեն, քանի որ եթե հնչեցվում է մեղադրանք, որ չկարողացան կանխել արյունալի բախումը, ուրեմն ինչ–որ պատասխանատվություն ունեն։ Արմեն Գրիգորյանը նաև ասել է, որ ռուս սահմանապահները խոչընդոտել են ԵՄ դիտորդների մուտքը Ներքին Հանդ։ Ուզում եմ հասկանալ` մեր սուվերեն տարածքում մի երկրի ներկայացուցիչ խոչընդոտում է մեկ այլ երկրի ներկայացուցչի՞։ Այսինքն` ՀՀ կառավարությունը ՌԴ և ԵՄ ներկայացուցիչներին բերում, կանգնեցնում է այդտեղ, ասում է` պայմանավորվեք, ինքը մեջտեղից դուրս է գալիս։ Պետությունն այստեղ գործառույթ ունի՞, թե՞ ոչ»,– հետաքրքրվեց պատգամավորը։
Փաշինյանը պատասխանեց` որևէ մեկը չի հայտարարել, որ դա ՌԴ պատասխանատվության գոտին է, այլ հնչել է ահազանգ, ու հիմա քննվում է, թե ինչ խոչընդոտների մասին է խոսքը։
Ի դեպ, ՌԴ ԱԳՆ ներկայացուցիչ Մարիա Զախարովան այսօր հայտարարեց, որ Ներքին Հանդի շրջանում 2021 թվականին ԱԴԾ սահմանապահ ծառայության հենակետ է տեղադրվել հայկական կողմի հետ պայմանավորվածության համաձայն։
Հիշեցնենք` փետրվարի 13-ին ադրբեջանական ԶՈւ ստորաբաժանումները հրաձգային զինատեսակներից
կրակ էին բացել Ներքին Հանդ գյուղի հատվածում տեղակայված հայկական դիրքերի ուղղությամբ, ինչի հետևանքով
4 հայ զինծառայող էր զոհվել, 1-ը՝ վիրավորվել:
