https://arm.sputniknews.ru/20240228/inch-degher-hnaravvor-chi-lini-martic-gnel-hh-um-aranc-deghatvomsi-parzabanum-e-pvokhnakharary-72805960.html
Ի՞նչ դեղեր հնարավոր չի լինի մարտից գնել ՀՀ-ում առանց դեղատոմսի. պարզաբանում է փոխնախարարը
Ի՞նչ դեղեր հնարավոր չի լինի մարտից գնել ՀՀ-ում առանց դեղատոմսի. պարզաբանում է փոխնախարարը
Sputnik Արմենիա
Մարտ ամսից բոլոր դեղատոմսերը կդառնան միայն էլեկտրոնային, բացառվելու են թղթային տարբերակները։ 28.02.2024, Sputnik Արմենիա
2024-02-28T11:53+0400
2024-02-28T11:53+0400
2024-02-28T12:05+0400
դեղատոմս
արտակ ջումայան
https://cdn.am.sputniknews.ru/img/2228/99/22289969_0:83:1600:983_1920x0_80_0_0_554817236f5995965217949de9ffa35d.jpg
ԵՐԵՎԱՆ, 28 փետրվարի – Sputnik. Քաղաքացիները Հայաստանի Հանրապետությունում մարտից մի շարք դեղեր չեն կարողանա գնել առանց էլեկտրոնային դեղատոմսի։ Այս մասին մամուլի ասուլիսի ժամանակ հայտարարեց ՀՀ առողջապահության փոխնախարար Արտակ Ջումայանը։Նշենք, որ էլեկտրոնային դեղատոմսի համակարգը մեկնարկել է 2022 թվականի հուլիս ամսից, այն փուլային սկզբունքով է ներդրվել։ Սկզբնական փուլում կենտրոնական գնումներով ստացված դեղորայքն է ներդրվել, մեկնարկել է 1 պոլիկլինիկայի բազայի հիման վրա։ Հետագայում հաշվի են առնվել բոլոր տեխնիկական խնդիրները, ու կարգը հերթով տարածվել է հանրապետության բոլոր պոլիկլինիկաներում։Այս ամենից հետո ներդրվել է անվճար և արտոնյալ պայմաններով դեղորայք ստանալու փուլը։ Շուտով ամբողջությամբ կբացառվի թղթային տարբերակով դեղատոմսի դուրսգրումը։Փոխնախարարը նաև շեշտեց, որ միայն կենտրոնացված գնումներով ստացած դեղորայքից պիլոտային ծրագրի շրջանակում 1,7 մլն–ից ավելի էլեկտրոնային դեղատոմս է դուրս գրվել, իսկ անվճար և արտոնյալ պայմաններով` մոտ 600 000։ Այսինքն` բոլոր դեղատոմսերը դուրս են գրել առաջնային օղակի բժիշկները և ներգրավված են առաջնային օղակի բոլոր հիմնարկները։Առողջապահության ազգային ինստիտուտի էլեկտրոնային առողջապահության ներդրման բաժնի ղեկավար Ծաղկանուշ Սարգսյանն էլ նշեց, թե ինչ սկզբունքով է աշխատելու համակարգը։ Բժիշկը դուրս է գրելու դեղատոմսն էլեկտրոնային եղանակով, որտեղ նշելու է դեղի ազդող նյութը, քանակը, ժամկետը, թե օրական քանի անգամ և ինչպես պետք է ընդունել այն։ Այս գործընթացից հետո պացիենտը կարող է գնալ դեղատուն, որտեղ աշխատակիցը փնտրում է այդ անձի անունը ու դրանից հետո միայն տրամադրում դեղորայքը։ Դեղատոմսը մարվում է միայն այն դեպքում, երբ պացիենտը ստանում է բոլոր դեղերը, այսինքն` անձը պարտավոր չէ միանվագ վերցնել իր դեղերը, դա կարող է անել նաև մաս–մաս։ Ինչո՞ւ են Հայաստանում որոշ դեղեր ավելի թանկ, քան Վրաստանում. պարզաբանում է ԱվանեսյանըՍարգսյանի խոսքով` բուժառուն պարտադիր պետք է դեղատուն մոտենա անձը հաստատող փաստաթղթով, այլապես այնտեղի աշխատակիցը չի կարողանա հասանելիություն ունենալ նրա դեղատոմսին։ Բուժառուի փոխարեն կարող է կոնտակտային անձը մոտենալ, բայց նա նույնպես պետք է անձը հաստատող փաստաթղթով մոտենա։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
դեղատոմս, արտակ ջումայան
Ի՞նչ դեղեր հնարավոր չի լինի մարտից գնել ՀՀ-ում առանց դեղատոմսի. պարզաբանում է փոխնախարարը
11:53 28.02.2024 (Թարմացված է: 12:05 28.02.2024) Մարտ ամսից բոլոր դեղատոմսերը կդառնան միայն էլեկտրոնային, բացառվելու են թղթային տարբերակները։
ԵՐԵՎԱՆ, 28 փետրվարի – Sputnik. Քաղաքացիները Հայաստանի Հանրապետությունում մարտից մի շարք դեղեր չեն կարողանա գնել առանց էլեկտրոնային դեղատոմսի։ Այս մասին մամուլի ասուլիսի ժամանակ հայտարարեց ՀՀ առողջապահության փոխնախարար Արտակ Ջումայանը։
Նշենք, որ էլեկտրոնային դեղատոմսի համակարգը մեկնարկել է 2022 թվականի հուլիս ամսից, այն փուլային սկզբունքով է ներդրվել։ Սկզբնական փուլում կենտրոնական գնումներով ստացված դեղորայքն է ներդրվել, մեկնարկել է 1 պոլիկլինիկայի բազայի հիման վրա։ Հետագայում հաշվի են առնվել բոլոր տեխնիկական խնդիրները, ու կարգը հերթով տարածվել է հանրապետության բոլոր պոլիկլինիկաներում։
Այս ամենից հետո ներդրվել է անվճար և արտոնյալ պայմաններով դեղորայք ստանալու փուլը։ Շուտով ամբողջությամբ կբացառվի թղթային տարբերակով դեղատոմսի դուրսգրումը։
«Մարտ ամսից դեղատոմսով են դառնալու բոլոր հակաբիոտիկային, հակասնկային, հակամիկրոբակտերիային, հակավիրուսային դեղերն ու իմունային շիճուկները, ինչպես նաև իմունոգլոբուլինը, պատվաստանյութերը և միզոպրոստոլ պարունակող դեղերը»,– նշեց ԱՆ փոխնախարարը։
Փոխնախարարը նաև շեշտեց, որ միայն կենտրոնացված գնումներով ստացած դեղորայքից պիլոտային ծրագրի շրջանակում 1,7 մլն–ից ավելի էլեկտրոնային դեղատոմս է դուրս գրվել, իսկ անվճար և արտոնյալ պայմաններով` մոտ 600 000։ Այսինքն` բոլոր դեղատոմսերը դուրս են գրել առաջնային օղակի բժիշկները և ներգրավված են առաջնային օղակի բոլոր հիմնարկները։
Առողջապահության ազգային ինստիտուտի էլեկտրոնային առողջապահության ներդրման բաժնի ղեկավար Ծաղկանուշ Սարգսյանն էլ նշեց, թե ինչ սկզբունքով է աշխատելու համակարգը։ Բժիշկը դուրս է գրելու դեղատոմսն էլեկտրոնային եղանակով, որտեղ նշելու է դեղի ազդող նյութը, քանակը, ժամկետը, թե օրական քանի անգամ և ինչպես պետք է ընդունել այն։ Այս գործընթացից հետո պացիենտը կարող է գնալ դեղատուն, որտեղ աշխատակիցը փնտրում է այդ անձի անունը ու դրանից հետո միայն տրամադրում դեղորայքը։ Դեղատոմսը մարվում է միայն այն դեպքում, երբ պացիենտը ստանում է բոլոր դեղերը, այսինքն` անձը պարտավոր չէ միանվագ վերցնել իր դեղերը, դա կարող է անել նաև մաս–մաս։
Սարգսյանի խոսքով` բուժառուն պարտադիր պետք է դեղատուն մոտենա անձը հաստատող փաստաթղթով, այլապես այնտեղի աշխատակիցը չի կարողանա հասանելիություն ունենալ նրա դեղատոմսին։ Բուժառուի փոխարեն կարող է կոնտակտային անձը մոտենալ, բայց նա նույնպես պետք է անձը հաստատող փաստաթղթով մոտենա։
