https://arm.sputniknews.ru/20240225/ory-24-zham-siraharvats-em-rafajel-eranvosjany-haraberutjunneri-ev-gjughum-aprelu-masin-72579785.html
Օրը 24 ժամ սիրահարված եմ. Ռաֆայել Երանոսյանը՝ հարաբերությունների և գյուղում ապրելու մասին
Օրը 24 ժամ սիրահարված եմ. Ռաֆայել Երանոսյանը՝ հարաբերությունների և գյուղում ապրելու մասին
Sputnik Արմենիա
Արդեն 20 տարի Ռաֆայել Երանոսյանը խաղում է բեմում, մասնակցում հումորային նախագծերի, մոնոներկայացումներ բեմադրում: Թե ինչ է զգում դերասանը բեմում, երբ սահմանին... 25.02.2024, Sputnik Արմենիա
2024-02-25T09:55+0400
2024-02-25T09:55+0400
2024-06-24T15:02+0400
ռաֆայել երանոսյան
հումորներ
թատերական ներկայացում
գյուղ
արմավիրի մարզ
սեր
հեղինակներ
https://cdn.am.sputniknews.ru/img/07e8/01/19/71507393_0:69:1600:969_1920x0_80_0_0_ba589f7e7328e62f351ad07a6b55bae0.jpg
Լիլիթ Հարությունյան, Sputnik ԱրմենիաՀայտնի դերասան, հումորիստ և շոումեն Ռաֆայել Երանոսյանը, որն ավելի հայտնի է Ռաֆո անունով, ծնվել է Արմավիրի մարզի Լենուղի փոքրիկ գյուղում: Նա խոստովանում է, որ գյուղում անցկացրած մանկությունը կարևոր դեր է խաղացել իր կայացման գործում։Երկու կարևոր հատկանիշ, որ նա ձեռք է բերել գյուղումԱրժանապատվություն և աշխատասիրություն: Մանկուց ես և ընկերներս ամեն ինչում օգնել ենք իրար. միասին աշխատել ենք մեր դաշտերում, անասուններին պահել, ցախ հավաքել։ Մի խոսքով, առավոտից մինչև ուշ երեկո գործով էինք զբաղված։ Իսկ արդեն ժամը 9-10-ից հետո հագնվում էինք ու մի տեղ գնում։Մենք 16 տարեկան էինք, բայց մեզ արդեն բավականին մեծ էինք զգում։ Նույնիսկ ծխում էինք, բայց, ծնողներից թաքուն: Դրա համար գյուղից հեռու էինք գնում, իսկ տուն գալու ճանապարհին անուշահոտ խոտաբույսեր էինք ծամում, որ ծխախոտի հոտն անցնի։Հեյթերների և սոցիալական ցանցերում բացասական մեկնաբանությունների մասինԿառուցողական քննադատությանը դրական եմ վերաբերվում, բայց որևէ մեկի հասցեին վիրավորանքներ ու հայհոյանքներ չեմ ընդունում։ Հատկապես, երբ դա անում են մարդիկ, որոնք իրականում չգիտեն ո՛չ քեզ, ո՛չ էլ քո արածը։ Ինչ ասես գրում են՝ վիրավորանքներ, անեծքներ... ու հարց է առաջանում` բայց ինչո՞ւ։Ես էլ եմ մարդ, դա իմ ցավն էլ է: Բայց իմ մասնագիտությունը մարդկանց ուրախացնելն է, նրանց մի փոքր իրականությունից կտրելը։ Գիտեք` ինչ ենք զգում, երբ սահմանին կրակում են, ու դրանից մեկ ժամ հետո պետք է բեմ բարձրանանք: Հետո էլ գրում են. «Ո՞վ եք դուք: Ի՞նչ եք արել երկրի համար»։ Ես իրականում շատ բաներ եմ արել, պարզապես գրեթե ոչ ոք չգիտի այդ մասին:Կարծում եմ, որ համացանցում պետք է գրաքննություն լինի։ Ի վերջո, մեծերի գրած վիրավորական մեկնաբանությունները կարդում են նաև երեխաները, և նրանց համար դա օրինակ է դառնում:Սիրահարվածության և հարաբերությունների մասինԵս օրը 24 ժամ սիրահարված եմ, օրը 24 ժամ ուշադիր եմ... Կարող եմ մի քանի ժամ չզանգել և չգրել, աշխատանքս է այդպիսին՝ փորձեր, սցենարներ։ Իմ սիրելիները գիտեն, որ ես կլանվում եմ աշխատանքի մեջ: Բայց ում պետք է, տեղյակ եմ պահում, թե որտեղ եմ և ինչով եմ զբաղվում։Ես ներդաշնակ հարաբերությունների կողմնակից եմ, երբ կես բառից հասկանում եք միմյանց: Ընդ որում, վեճերը, դժգոհությունները, բաժանվելը նորմալ են։ Հարաբերությունները չեն կարող կատարյալ լինել, կյանքը նույնպես կատարյալ չէ: Մեկ–մեկ շատ պահանջկոտ եմ: Ամեն դեպքում հին սերնդի ներկայացուցիչ եմ` ավելի պահպանողական։Ինձ ավելի շատ ռեալիստ, քան ռոմանտիկ եմ համարում։ Երբ սիրահարված եմ ինչ-որ մեկին, ապրում եմ այդ մարդով, նա մուսաս է դառնում, ինձ դրական լիցքեր է տալիս, լցնում էներգիայով։Ռաֆայել Երանոսյանի հետ հարցազրույցն ամբողջությամբ կարող եք դիտել տեսանյութում:
արմավիրի մարզ
Sputnik Արմենիա
media@sputniknews.com
+74956456601
MIA „Rossiya Segodnya“
2024
Լիլիթ Հարությունյան
https://cdn.am.sputniknews.ru/img/571/40/5714017_266:0:1334:1068_100x100_80_0_0_a1465eaabaa7263ce5e52223ed2d2950.jpg
Լիլիթ Հարությունյան
https://cdn.am.sputniknews.ru/img/571/40/5714017_266:0:1334:1068_100x100_80_0_0_a1465eaabaa7263ce5e52223ed2d2950.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Լիլիթ Հարությունյան
https://cdn.am.sputniknews.ru/img/571/40/5714017_266:0:1334:1068_100x100_80_0_0_a1465eaabaa7263ce5e52223ed2d2950.jpg
ռաֆայել երանոսյան, հումորներ, թատերական ներկայացում, գյուղ, արմավիրի մարզ, սեր, հեղինակներ
ռաֆայել երանոսյան, հումորներ, թատերական ներկայացում, գյուղ, արմավիրի մարզ, սեր, հեղինակներ
Օրը 24 ժամ սիրահարված եմ. Ռաֆայել Երանոսյանը՝ հարաբերությունների և գյուղում ապրելու մասին
09:55 25.02.2024 (Թարմացված է: 15:02 24.06.2024) Արդեն 20 տարի Ռաֆայել Երանոսյանը խաղում է բեմում, մասնակցում հումորային նախագծերի, մոնոներկայացումներ բեմադրում: Թե ինչ է զգում դերասանը բեմում, երբ սահմանին կրակում են, ինչպես նաև սոցցանցերում առկա բացասականի մասին նա պատմել է Sputnik Արմենիային տված հարցազրույցում։
Լիլիթ Հարությունյան, Sputnik Արմենիա
Հայտնի դերասան, հումորիստ և շոումեն Ռաֆայել Երանոսյանը, որն ավելի հայտնի է Ռաֆո անունով, ծնվել է Արմավիրի մարզի Լենուղի փոքրիկ գյուղում: Նա խոստովանում է, որ գյուղում անցկացրած մանկությունը կարևոր դեր է խաղացել իր կայացման գործում։
Երկու կարևոր հատկանիշ, որ նա ձեռք է բերել գյուղում
Արժանապատվություն և աշխատասիրություն: Մանկուց ես և ընկերներս ամեն ինչում օգնել ենք իրար. միասին աշխատել ենք մեր դաշտերում, անասուններին պահել, ցախ հավաքել։ Մի խոսքով, առավոտից մինչև ուշ երեկո գործով էինք զբաղված։ Իսկ արդեն ժամը 9-10-ից հետո հագնվում էինք ու մի տեղ գնում։
Մենք 16 տարեկան էինք, բայց մեզ արդեն բավականին մեծ էինք զգում։ Նույնիսկ ծխում էինք, բայց, ծնողներից թաքուն: Դրա համար գյուղից հեռու էինք գնում, իսկ տուն գալու ճանապարհին անուշահոտ խոտաբույսեր էինք ծամում, որ ծխախոտի հոտն անցնի։
Հեյթերների և սոցիալական ցանցերում բացասական մեկնաբանությունների մասին
Կառուցողական քննադատությանը դրական եմ վերաբերվում, բայց որևէ մեկի հասցեին վիրավորանքներ ու հայհոյանքներ չեմ ընդունում։ Հատկապես, երբ դա անում են մարդիկ, որոնք իրականում չգիտեն ո՛չ քեզ, ո՛չ էլ քո արածը։ Ինչ ասես գրում են՝ վիրավորանքներ, անեծքներ... ու հարց է առաջանում` բայց ինչո՞ւ։
Ես մեղավոր չեմ, որ այնպիսի մասնագիտություն ունեմ, որ պետք է մարդկանց ժպիտ պարգևեմ։ Կարծո՞ւմ եք՝ ինձ համար հեշտ է ամեն անգամ քաղաք մտնելիս անցնել Եռաբլուրի մոտով, իսկ հետո բեմ բարձրանալ:
Ես էլ եմ մարդ, դա իմ ցավն էլ է: Բայց իմ մասնագիտությունը մարդկանց ուրախացնելն է, նրանց մի փոքր իրականությունից կտրելը։ Գիտեք` ինչ ենք զգում, երբ սահմանին կրակում են, ու դրանից մեկ ժամ հետո պետք է բեմ բարձրանանք: Հետո էլ գրում են. «Ո՞վ եք դուք: Ի՞նչ եք արել երկրի համար»։ Ես իրականում շատ բաներ եմ արել, պարզապես գրեթե ոչ ոք չգիտի այդ մասին:
Կարծում եմ, որ համացանցում պետք է գրաքննություն լինի։ Ի վերջո, մեծերի գրած վիրավորական մեկնաբանությունները կարդում են նաև երեխաները, և նրանց համար դա օրինակ է դառնում:
Սիրահարվածության և հարաբերությունների մասին
Ես օրը 24 ժամ սիրահարված եմ, օրը 24 ժամ ուշադիր եմ... Կարող եմ մի քանի ժամ չզանգել և չգրել, աշխատանքս է այդպիսին՝ փորձեր, սցենարներ։ Իմ սիրելիները գիտեն, որ ես կլանվում եմ աշխատանքի մեջ: Բայց ում պետք է, տեղյակ եմ պահում, թե որտեղ եմ և ինչով եմ զբաղվում։
Ես ներդաշնակ հարաբերությունների կողմնակից եմ, երբ կես բառից հասկանում եք միմյանց: Ընդ որում, վեճերը, դժգոհությունները, բաժանվելը նորմալ են։ Հարաբերությունները չեն կարող կատարյալ լինել, կյանքը նույնպես կատարյալ չէ: Մեկ–մեկ շատ պահանջկոտ եմ: Ամեն դեպքում հին սերնդի ներկայացուցիչ եմ` ավելի պահպանողական։
Ինձ ավելի շատ ռեալիստ, քան ռոմանտիկ եմ համարում։ Երբ սիրահարված եմ ինչ-որ մեկին, ապրում եմ այդ մարդով, նա մուսաս է դառնում, ինձ դրական լիցքեր է տալիս, լցնում էներգիայով։
Ռաֆայել Երանոսյանի հետ հարցազրույցն ամբողջությամբ կարող եք դիտել տեսանյութում:
