https://arm.sputniknews.ru/20240224/nvor-sahmanadrutjun-yndunelu-nakhadzernutjuny-tarakuseli-e-geragujn-hvogevvor-khvorhurd-72683195.html
Նոր Սահմանադրություն ընդունելու նախաձեռնությունը տարակուսելի է․ Գերագույն հոգևոր խորհուրդ
Նոր Սահմանադրություն ընդունելու նախաձեռնությունը տարակուսելի է․ Գերագույն հոգևոր խորհուրդ
Sputnik Արմենիա
Հայաստանի բարձրաստիճան պաշտոնյաների, ինչպես նաև Ադրբեջանի նախագահի խոսույթը միայն խորացնում են նոր Սահմանադրության ընդունման վերաբերյալ առկա կասկածները։ 24.02.2024, Sputnik Արմենիա
2024-02-24T20:32+0400
2024-02-24T20:32+0400
2024-02-24T20:32+0400
հայաստան
սահմանադրություն
գերագույն հոգևոր խորհուրդ
https://cdn.am.sputniknews.ru/img/07e7/09/01/65181824_0:67:1280:787_1920x0_80_0_0_a7072b485ed9e6972b1d1704662b27ed.jpg
ԵՐԵՎԱՆ, 24 փետրվարի – Sputnik. Խիստ տարակուսելի է նոր Սահմանադրություն ընդունելու նախաձեռնությունը, հատկապես երբ հանրային ստվար շրջանակներում այն ընկալվում է նաև որպես արտաքին հարկադրանքի հետևանք։ Այս մասին նշված է Գերագույն հոգևոր խորհրդի ընդունած հայտարարության մեջ, որը տարածել է Մայր աթոռի տեղեկատվական կենտրոնը։Գերագույն հոգևոր խորհուրդը կարծում է, որ նոր Սահմանադրության ընդունման վերաբերյալ Հայաստանի բարձրաստիճան տարբեր պաշտոնյաների, ինչպես նաև Ադրբեջանի նախագահի խոսույթը միայն խորացնում են առկա կասկածները։Ժողովի ժամանակ անդրադարձ է արվել նաև եկեղեցի-պետություն հարաբերություններին։Արձանագրվել է, որ ոչ բնականոն հարաբերությունների պատճառով չլուծված են մնում ազգային-հոգևոր նշանակության մի շարք առանցքային հիմնախնդիրներ, որոնք առնչվում են օրենսդրական, կրթական, մշակութային, սրբավայրերի պահպանության կարևորագույն ոլորտներին։Ժողովականները մտահոգություն են հայտնել, որ հանրակրթության ոլորտում իշխանությունների որդեգրած քաղաքականության հետևանքով հարվածի տակ են հայտնվել հայագիտական առարկաները, մասնավորապես կոպտագույն սխալներով, բացթողումներով և կամայական մոտեցումներով աղճատվել և ձևախեղվել է հայոց պատմության բովանդակությունը։ Գերագույն հոգևոր խորհուրդը վստահ է, որ օրինական բոլոր ճանապարհներով պետք է հանրակրթությունը զերծ պահել ինչպես հակագիտական, այնպես էլ հակազգային հոսանքների և գաղափարների ազդեցությունից։Հիշեցնենք` ՀՀ վարչապետ Նիկոլ Փաշինյանը հունվարի 19-ին հայտարարեց, թե Հայաստանը նոր Սահմանադրության կարիք ունի, իսկ փետրվարի 1-ին Հանրային ռադիոյի եթերում ասաց, որ հարկավոր է կարգավորել հռչակագրի հետ մեր հարաբերությունները։ Նրա խոսքով` եթե մեր պետական քաղաքականության հիմքում դրվի ԼՂ ազգային խորհրդի և Հայաստանի Գերագույն խորհրդի որոշումը Ղարաբաղի և Հայաստանի վերամիավորման մասին, նշանակում է՝ խաղաղություն երբեք էլ չենք ունենա։Սահմանադրությունը փոխելու ենթատեքստում նա Թուրքիան ու Ադրբեջանը համեմատեց ցլի, իսկ Հայաստանը` կարմիր շորով մարդու հետ։ Ըստ Փաշինյանի` որքան էլ տատիկի գործած շորը թանկ լինի, Հայաստանը պետք է ընտրի` շարունակում է այդ շորը կրել ու տրորվել ցլի ոտքերի տակ, թե պետք է հանի–շպրտի այն ու փրկվի։Նույն օրը` փետրվարի 1-ին, Ադրբեջանի նախագահ Իլհամ Ալիևը հայտարարեց, որ Բաքվի և Երևանի միջև խաղաղության պայմանագիրը կարող է ստորագրվել միայն Հայաստանի Սահմանադրության մեջ փոփոխություններ կատարելուց հետո։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, սահմանադրություն, գերագույն հոգևոր խորհուրդ
հայաստան, սահմանադրություն, գերագույն հոգևոր խորհուրդ
Նոր Սահմանադրություն ընդունելու նախաձեռնությունը տարակուսելի է․ Գերագույն հոգևոր խորհուրդ
Հայաստանի բարձրաստիճան պաշտոնյաների, ինչպես նաև Ադրբեջանի նախագահի խոսույթը միայն խորացնում են նոր Սահմանադրության ընդունման վերաբերյալ առկա կասկածները։
ԵՐԵՎԱՆ, 24 փետրվարի – Sputnik. Խիստ տարակուսելի է նոր Սահմանադրություն ընդունելու նախաձեռնությունը, հատկապես երբ հանրային ստվար շրջանակներում այն ընկալվում է նաև որպես արտաքին հարկադրանքի հետևանք։ Այս մասին նշված է
Գերագույն հոգևոր խորհրդի ընդունած հայտարարության մեջ, որը տարածել է
Մայր աթոռի տեղեկատվական կենտրոնը։
Գերագույն հոգևոր խորհուրդը կարծում է, որ նոր Սահմանադրության ընդունման վերաբերյալ Հայաստանի բարձրաստիճան տարբեր պաշտոնյաների, ինչպես նաև Ադրբեջանի նախագահի խոսույթը միայն խորացնում են առկա կասկածները։
«ՀՀ Սահմանադրության հիմքն են կազմում ազգային-հոգևոր կյանքի խորհրդանիշերը, մեր ժողովրդի նվիրական անցյալի հիշատակներն ու իրադարձությունները և ազգային մեր իղձերն ու ձգտումները։ Ժողովականներն անթույլատրելի են համարում այդ արժեքների որևէ նսեմացում կամ անտեսում հանրային քննարկումներում, առավել ևս նոր Սահմանադրության ընդունման համատեքստում»,- նշված է հաղորդագրության մեջ։
Ժողովի ժամանակ անդրադարձ է արվել նաև եկեղեցի-պետություն հարաբերություններին։
Արձանագրվել է, որ ոչ բնականոն հարաբերությունների պատճառով չլուծված են մնում ազգային-հոգևոր նշանակության մի շարք առանցքային հիմնախնդիրներ, որոնք առնչվում են օրենսդրական, կրթական, մշակութային, սրբավայրերի պահպանության կարևորագույն ոլորտներին։
Ժողովականները մտահոգություն են հայտնել, որ հանրակրթության ոլորտում իշխանությունների որդեգրած քաղաքականության հետևանքով հարվածի տակ են հայտնվել հայագիտական առարկաները, մասնավորապես կոպտագույն սխալներով, բացթողումներով և կամայական մոտեցումներով աղճատվել և ձևախեղվել է հայոց պատմության բովանդակությունը։ Գերագույն հոգևոր խորհուրդը վստահ է, որ օրինական բոլոր ճանապարհներով պետք է հանրակրթությունը զերծ պահել ինչպես հակագիտական, այնպես էլ հակազգային հոսանքների և գաղափարների ազդեցությունից։
Հիշեցնենք` ՀՀ վարչապետ
Նիկոլ Փաշինյանը հունվարի 19-ին հայտարարեց, թե Հայաստանը նոր Սահմանադրության կարիք ունի, իսկ
փետրվարի 1-ին Հանրային ռադիոյի եթերում ասաց, որ հարկավոր է կարգավորել հռչակագրի հետ մեր հարաբերությունները։ Նրա խոսքով` եթե մեր պետական քաղաքականության հիմքում դրվի ԼՂ ազգային խորհրդի և Հայաստանի Գերագույն խորհրդի որոշումը Ղարաբաղի և Հայաստանի վերամիավորման մասին, նշանակում է՝ խաղաղություն երբեք էլ չենք ունենա։
Սահմանադրությունը փոխելու ենթատեքստում նա Թուրքիան ու Ադրբեջանը համեմատեց ցլի, իսկ Հայաստանը` կարմիր շորով մարդու հետ։ Ըստ Փաշինյանի` որքան էլ տատիկի գործած շորը թանկ լինի, Հայաստանը պետք է ընտրի` շարունակում է այդ շորը կրել ու տրորվել ցլի ոտքերի տակ, թե պետք է հանի–շպրտի այն ու փրկվի։
Նույն օրը` փետրվարի 1-ին,
Ադրբեջանի նախագահ Իլհամ Ալիևը հայտարարեց, որ Բաքվի և Երևանի միջև խաղաղության պայմանագիրը կարող է ստորագրվել միայն Հայաստանի Սահմանադրության մեջ փոփոխություններ կատարելուց հետո։
