https://arm.sputniknews.ru/20240223/rd-n-parzabanum-e-aknkalum-hapk-in-hh-masnakcutjan-sarecman-pashinjani-khvosqeri-masin-72649543.html

ՌԴ-ն պարզաբանում է ակնկալում ՀԱՊԿ-ին ՀՀ մասնակցության սառեցման` Փաշինյանի խոսքերի մասին

ՌԴ-ն պարզաբանում է ակնկալում ՀԱՊԿ-ին ՀՀ մասնակցության սառեցման` Փաշինյանի խոսքերի մասին

Sputnik Արմենիա

ՌԴ արտաքին քաղաքական գերատեսչությունում ընդգծել են, որ Ռուսաստանը չի ընդունում Հայաստանի մեղադրանքները ՀԱՊԿ-ի կողմից իր պարտավորությունները չկատարելու... 23.02.2024, Sputnik Արմենիա

2024-02-23T18:38+0400

2024-02-23T18:38+0400

2024-02-23T18:49+0400

ռուսաստան

արտաքին գործերի նախարարություն (ագն)

նիկոլ փաշինյան

պարզաբանում

հայաստան և հապկ

հավաքական անվտանգության պայմանագիր կազմակերպություն (հապկ)

https://cdn.am.sputniknews.ru/img/07e6/03/13/39941914_0:0:3055:1719_1920x0_80_0_0_b97cc04acc044f12a5864daa05e5ba0a.jpg

ԵՐԵՎԱՆ, 23 փետրվարի - Sputnik. Ռուսաստանը երկկողմ խողովակներով սպառիչ պարզաբանումներ է ակնկալում Հայաստանից, թե ինչ են նշանակում վարչապետ Նիկոլ Փաշինյանի խոսքերը Հավաքական անվտանգության պայմանագրի կազմակերպությունում (ՀԱՊԿ) Երևանի մասնակցության սառեցման մասին: Այս մասին, ինչպես փոխանցում է ՌԻԱ Նովոստին, հայտարարել են ՌԴ ԱԳՆ-ում։Ավելի վաղ ՀՀ վարչապետ Նիկոլ Փաշինյանը France24-ին տված հարցազրույցում հայտարարել էր, որ հավաքական անվտանգության պայմանագիրը Հայաստանի նկատմամբ չի կատարվել 2021 և 2022 թվականների իրադարձությունների ժամանակ (նկատի ունի Ադրբեջանի կողմից ագրեսիայի գործողությունները,– խմբ.), և Երևանը սառեցրել է իր մասնակցությունը ՀԱՊԿ-ին։Հայտարարության մեջ նշվում է, որ Ռուսաստանը կտրականապես չի ընդունում ՀՀ իշխանությունների մեղադրանքը 2021-2022թթ.-ի իրադարձությունների ընթացքում ՀԱՊԿ-ի կողմից իր մանդատի և Երևանի հանդեպ պարտավորությունների իբր չկատարման վերաբերյալ:Հայտարարության հեղինակների խոսքով՝ 2022 թվականի սեպտեմբերին հայկական կողմի խնդրանքով օպերատիվ կերպով ձևավորվել և երկրի սահմանամերձ շրջաններ է ուղարկվել կազմակերպության քարտուղարության և միացյալ շտաբի գնահատման առաքելությունը։ Արդյունքների հիման վրա նախապատրաստվել է ՀԱՊԿ Հավաքական անվտանգության խորհրդի որոշումը Հայաստանում դիտորդական առաքելություն ծավալելու մասին:«Մեր և կազմակերպության մյուս անդամների մեղքը չէ, որ այդ հավասարակշռված որոշումը, որը նախատեսում էր նաև հանրապետությանը ռազմատեխնիկական օգնություն և մի շարք այլ միջոցառումներ, մտացածին պատրվակներով մերժվեց իշխանությունների կողմից»,-նշել են գերատեսչությունում:ՌԴ ԱԳՆ-ում նշել են, որ փոխարենը Երևանը «ցուցադրաբար նախընտրեց ԵՄ-ից կեղծ դիտորդներ հրավիրել։Այնուամենայնիվ, ՌԴ նախարարությունում հույս ունեն, որ Երևանում կհասկանան, որ առկա մտահոգությունները պետք է քննարկվեն և վերացվեն հանգիստ, վստահելի երկխոսությամբ, այլ ոչ թե հանրային տիրույթում դրանք բարձրացնելու ճանապարհով։Հիշեցնենք` Հայաստանի իշխանությունը բազմիցս մեղադրել է ՀԱՊԿ-ին և Ռուսաստանին իրենց պարտավորությունները չկատարելու մեջ։ Հունվարին ՀՀ անվտանգության խորհրդի քարտուղար Արմեն Գրիգորյանը հայտարարեց, որ Հայաստանն այլևս որևէ ակնկալիք չունի ՀԱՊԿ–ից, քանի որ համարժեք արձագանք չի ստացել 2022 թվականի սեպտեմբերյան լայնամասշտաբ հարձակումների ժամանակ։ 2023 թվականի նոյեմբերին վարչապետ Նիկոլ Փաշինյանը հրաժարվեց մասնակցել Մինսկում կայանալիք ՀԱՊԿ գագաթնաժողովին։Միաժամանակ ՀԱՊԿ-ը կոչ է անում վերադառնալ առկա խնդիրների կառուցողական քննարկման։ ՀԱՊԿ գլխավոր քարտուղար Իմանգալի Տասմագամբետովը վերջերս ասել է, որ ՀԱՊԿ անդամ երկրները Հայաստանի հետ պահպանում են դաշնակցային հարաբերությունների զարգացման ուղղվածությունը: Նա նշել է, որ ՀԱՊԿ–ը պատրաստ էր խաղաղապահ առաքելություն ուղարկել` դիտարկելու հայ–ադրբեջանական սահմանին տիրող իրավիճակը, սակայն այդ աշխատանքի ավարտական մասում ՀՀ իշխանությունները խնդրել են այդ փաստաթուղթը հանել օրակարգից՝ կապված Բաքվի հետ խաղաղության պայմանագրի կնքման հետ։ՀԱՊԿ քարտուղարությունը հայտարարել է, որ ՀԱՊԿ-ում Հայաստանի մասնակցությունը սառեցնելու թեզն ըստ երևույթին վերաբերում է կազմակերպության միջոցառումներին չմասնակցելուն, քանի որ քարտուղարությունը Երևանից որևէ հայտարարություն չի ստացել երկրի անդամակցության կասեցման վերաբերյալ։

2024

Լուրեր

am_HY

ռուսաստան, արտաքին գործերի նախարարություն (ագն), նիկոլ փաշինյան, պարզաբանում, հայաստան և հապկ, հավաքական անվտանգության պայմանագիր կազմակերպություն (հապկ)