Լայնածավալ հատուկ գործողություն Վրաստանում. թմրավաճառներ են ձերբակալվել
12:40 23.02.2024 (Թարմացված է: 12:42 23.02.2024)
© Sputnik / Alex ShlamovՈստիկանական ավտոմեքենա
![Ոստիկանական ավտոմեքենա Ոստիկանական ավտոմեքենա - Sputnik Արմենիա, 1920, 23.02.2024](https://cdn.am.sputniknews.ru/img/07e5/04/10/27200858_38:0:1000:541_1920x0_80_0_0_91b779704f0091e6274160fc77c3fdca.jpg)
Ոստիկանական ավտոմեքենա
© Sputnik / Alex Shlamov
Բաժանորդագրվել
Հատուկ գործողության ընթացքում բերման ենթարկվածների թվում կան օտարերկրացիներ։
ԵՐԵՎԱՆ, 23 փետրվարի – Sputnik. Վրաստանի ոստիկանությունը լայնածավալ հատուկ գործողություն է իրականացրել երկրի տարբեր շրջաններում և ձերբակալել թմրավաճառների։ Տեղեկությունը հայտնել է քրեական ոստիկանության կենտրոնական վարչության տնօրեն Թեյմուրազ Կուպատաձեն։
Թմրավաճառներին ձերբակալելու հատուկ գործողություն է անցկացվել Թբիլիսիում, Աջարիայում, Շիդա Քարթլիում, ինչպես նաև Սամեգրելո-Զեմո Սվանեթիում։
Իրավապահ մարմինների աշխատակիցները ձերբակալել են մի քանի անձանց, այդ թվում՝ օտարերկրացիների։
Կուպատաձեն նաև հայտնել է, որ տարեսկզբից Վրաստանում թմրանյութերի հետ կապված հանցագործությունների կասկածանքով 270 մարդ է ձերբակալվել։ Նրանցից 27-ը թմրավաճառներ են։ Ձերբակալվածների թվում եղել են Վրաստանի, Իրանի, Հայաստանի, Թուրքիայի, Հորդանանի, Ռուսաստանի, Ղազախստանի, Ուկրաինայի, Բելառուսի, Իրաքի և Նիդեռլանդների քաղաքացիներ։ Առգրավվել է մեծ քանակությամբ կոկաին, հերոին, սուբուտեքս, մեթադոն, ամֆետամին, LSD, կանեփ և այլ թմրամիջոցներ։