https://arm.sputniknews.ru/20240222/sirts-tvoghel-em-hartakum-tsanramarti-chempivonnery-hajreniq-veradardzan-72566114.html
«Սիրտս թողել եմ հարթակում»․ ծանրամարտի չեմպիոնները հայրենիք վերադարձան
«Սիրտս թողել եմ հարթակում»․ ծանրամարտի չեմպիոնները հայրենիք վերադարձան
Sputnik Արմենիա
Տարբեր մեդալներ նվաճած մեր ծանրամարտիկներն այս գիշեր վերադարձել են Սոֆիայից, ուր ընթանում է Եվրոպայի առաջնությունը։ Նրանց դիմավորել են դհոլ–զուռնայով։ 22.02.2024, Sputnik Արմենիա
2024-02-22T11:03+0400
2024-02-22T11:03+0400
2024-02-22T11:03+0400
տեսանյութեր
ծանրամարտ
եվրոպայի ծանրամարտի առաջնություն
հռիփսիմե խուրշուդյան
վարազդատ լալայան
մեդալ
սիմոն մարտիրոսյան
https://cdn.am.sputniknews.ru/img/07e8/02/16/72565477_0:0:1907:1072_1920x0_80_0_0_1b9497ac4e809847c2f73f7d0837f7f4.jpg
ԵՐԵՎԱՆ, 22 փետրվարի – Sputnik․ Եվրոպայի ծանրամարտի բրոնզե մեդալակիր Հռիփսիմե Խուրշուդյանը չի շտապում դեռ պաշտոնական հայտարարություններ անել մարզական կարիերան ավարտելու մասին։ «Զվարթնոց» օդանավակայանում լրագրողների հետ զրույցում Խուրշուդյանն ասաց՝ դեռ մարզչական խորհուրդը կորոշի։Հայտնել էինք, որ տարբեր մեդալներ նվաճած մեր ծանրամարտիկներն այս գիշեր վերադարձել են Սոֆիայից, ուր ընթանում էր Եվրոպայի առաջնությունը։ Նրանց դիմավորել են դհոլ–զուռնայով։Դեկտեմբերին աշխարհի առաջնությունն է, բայց Հռիփսիմեն ունի լուրջ վնասվածքներ, նախ դրանք պետք է բուժի, հետո հասկանա՝ գնում է առաջնությանը մասնակցելու, թե ոչ։ Եվրոպայի առաջնությունում իր նվաճումից գոհ է, կարծում է՝ արդեն հերոսություն էր իր կողմից։Լրագրողները նաև հետաքրքրվեցին մարզակոշիկները հանելու հուզիչ դրվագից։ Ասում է՝ երբ հանում էր կոշիկները, կարծում էր՝ մեդալ չունի։«Ընկեր Արտաշը չէր հասցրել ասել, որ դու բրոնզե մեդալակիր ես, մի՛ հանի։ Սիրտս թողել եմ հարթակում, լեզուս է ասում՝ ես ուզում եմ արդեն վերջ դնել էս սպորտին, տեսնենք՝ ոնց կլինի»,- նշեց մարզուհին։Առաջին անգամ Եվրոպայի չեմպիոն դարձած 19-ամյա Ալեքսանդրա Գրիգորյանն էլ խոստովանում է՝ պոկում վարժությունից հետո այնքան էլ հույս չուներ երկամարտի արդյունքում չեմպիոն դառնալու, բայց մեդալի հույս ուներ։«Ուժերս հավաքեցի, կռիվ տվեցի և կարողացա առաջին տեղը գրավել»,- ասում է Ալեքսանդրան։Հպարտ է, որ կարողացել է հայոց եռագույնը բարձրացնել, խոստանում է ջանք չխնայել ու 2028-ի օլիմպիական խաղերին բոլորի հույսերն արդարացնել։Ծանրամարտի Եվրոպայի չեմպիոն Վարազդատ Լալայանը գիտի` օլիմպիական ոսկու համար պետք է շատ քրտնաջան աշխատել։«Շատ ուրախ եմ մեդալի համար։ Պատրաստվելու ժամանակը քիչ էր, ոչ մեկս 100 տոկոսանոց պատրաստվածություն չունեինք, հիմա քայլ առ քայլ գնում ենք օլիմպիական խաղեր։ Վրացի ծանրամարտիկ Լաշա Տալախաձեի հաղթելու համար պետք է քրտնաջան աշխատել, պարապել»,–ասաց Լալայանը։Նշենք, որ Եվրոպայի ծանրամարտի առաջնությանը վրացի ծանրամարտիկ Լաշա Տալախաձեն չմասնակցեց վնասվածքի պատճառով։Եվրոպայի չեմպիոն Գոռ Սահակյանն արդյունքից գոհ է, իր բարձրացրած կիլոգրամներից՝ ոչ։ Ավելին կարող էր, բայց ուրախ է, որ այսպես էլ կարողացավ չեմպիոնական տիտղոս նվաճել ու հաղթանակ բերել մեր երկրին։«Կաշխատենք բոլոր սխալների ուղղումների վրա»,- խոստանում է Գոռը։Եվրոպայի չեմպիոն Հակոբ Մկրտչյանն էլ ափսոսանք է զգում, որ իր բարձրացրած կիլոգրամներով օլիմպիական խաղերին մասնակցել չի կարող։«Ափսոսանքը շատ մեծ է, բայց ինչ անենք, մերն էլ էսպես է դասավորվել»,- ասում է մարզիկը։Հատուկ շեշտում է, թե ինչքան հաճելի էր, երբ պատվո հարթակին երկու հայ մարզիկներով կանգնեցին՝ ինքը՝ ոսկե մեդալ, Դավիթ Հովհաննիսյանը՝ արծաթե մեդալ նվաճած։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
տեսանյութեր, ծանրամարտ, եվրոպայի ծանրամարտի առաջնություն, հռիփսիմե խուրշուդյան, վարազդատ լալայան, մեդալ, սիմոն մարտիրոսյան
տեսանյութեր, ծանրամարտ, եվրոպայի ծանրամարտի առաջնություն, հռիփսիմե խուրշուդյան, վարազդատ լալայան, մեդալ, սիմոն մարտիրոսյան
«Սիրտս թողել եմ հարթակում»․ ծանրամարտի չեմպիոնները հայրենիք վերադարձան
Տարբեր մեդալներ նվաճած մեր ծանրամարտիկներն այս գիշեր վերադարձել են Սոֆիայից, ուր ընթանում է Եվրոպայի առաջնությունը։ Նրանց դիմավորել են դհոլ–զուռնայով։
ԵՐԵՎԱՆ, 22 փետրվարի – Sputnik․ Եվրոպայի ծանրամարտի բրոնզե մեդալակիր Հռիփսիմե Խուրշուդյանը չի շտապում դեռ պաշտոնական հայտարարություններ անել մարզական կարիերան ավարտելու մասին։ «Զվարթնոց» օդանավակայանում լրագրողների հետ զրույցում Խուրշուդյանն ասաց՝ դեռ մարզչական խորհուրդը կորոշի։
Հայտնել էինք, որ տարբեր մեդալներ նվաճած մեր ծանրամարտիկներն այս գիշեր վերադարձել են Սոֆիայից, ուր ընթանում էր Եվրոպայի առաջնությունը։ Նրանց դիմավորել են դհոլ–զուռնայով։
Դեկտեմբերին աշխարհի առաջնությունն է, բայց Հռիփսիմեն ունի լուրջ վնասվածքներ, նախ դրանք պետք է բուժի, հետո հասկանա՝ գնում է առաջնությանը մասնակցելու, թե ոչ։ Եվրոպայի առաջնությունում իր նվաճումից գոհ է, կարծում է՝ արդեն հերոսություն էր իր կողմից։
«Իհարկե, գոհ եմ, էս տարիքում և երկու բալիկից հետո մեծ սպորտ վերադառնալն արդեն հերոսություն էր իմ կողմից։ Շատ ուրախ եմ, որ կարողացա պահել խոստումս և բարձրացնել մեր դրոշը, կապ չունի՝ ինչ գույնի մեդալ է»,- ասաց Խուրշուդյանը։
Լրագրողները նաև հետաքրքրվեցին մարզակոշիկները հանելու հուզիչ դրվագից։ Ասում է՝ երբ հանում էր կոշիկները, կարծում էր՝ մեդալ չունի։
«Ընկեր Արտաշը չէր հասցրել ասել, որ դու բրոնզե մեդալակիր ես, մի՛ հանի։ Սիրտս թողել եմ հարթակում, լեզուս է ասում՝ ես ուզում եմ արդեն վերջ դնել էս սպորտին, տեսնենք՝ ոնց կլինի»,- նշեց մարզուհին։
Առաջին անգամ Եվրոպայի չեմպիոն դարձած 19-ամյա Ալեքսանդրա Գրիգորյանն էլ խոստովանում է՝ պոկում վարժությունից հետո այնքան էլ հույս չուներ երկամարտի արդյունքում չեմպիոն դառնալու, բայց մեդալի հույս ուներ։
«Ուժերս հավաքեցի, կռիվ տվեցի և կարողացա առաջին տեղը գրավել»,- ասում է Ալեքսանդրան։
Հպարտ է, որ կարողացել է հայոց եռագույնը բարձրացնել, խոստանում է ջանք չխնայել ու 2028-ի օլիմպիական խաղերին բոլորի հույսերն արդարացնել։
Ծանրամարտի Եվրոպայի չեմպիոն Վարազդատ Լալայանը գիտի` օլիմպիական ոսկու համար պետք է շատ քրտնաջան աշխատել։
«Շատ ուրախ եմ մեդալի համար։ Պատրաստվելու ժամանակը քիչ էր, ոչ մեկս 100 տոկոսանոց պատրաստվածություն չունեինք, հիմա քայլ առ քայլ գնում ենք օլիմպիական խաղեր։ Վրացի ծանրամարտիկ Լաշա Տալախաձեի հաղթելու համար պետք է քրտնաջան աշխատել, պարապել»,–ասաց Լալայանը։
Նշենք, որ Եվրոպայի ծանրամարտի առաջնությանը վրացի ծանրամարտիկ Լաշա Տալախաձեն չմասնակցեց վնասվածքի պատճառով։
Եվրոպայի չեմպիոն Գոռ Սահակյանն արդյունքից գոհ է, իր բարձրացրած կիլոգրամներից՝ ոչ։ Ավելին կարող էր, բայց ուրախ է, որ այսպես էլ կարողացավ չեմպիոնական տիտղոս նվաճել ու հաղթանակ բերել մեր երկրին։
«Կաշխատենք բոլոր սխալների ուղղումների վրա»,- խոստանում է Գոռը։
Եվրոպայի չեմպիոն Հակոբ Մկրտչյանն էլ ափսոսանք է զգում, որ իր բարձրացրած կիլոգրամներով օլիմպիական խաղերին մասնակցել չի կարող։
«Ափսոսանքը շատ մեծ է, բայց ինչ անենք, մերն էլ էսպես է դասավորվել»,- ասում է մարզիկը։
Հատուկ շեշտում է, թե ինչքան հաճելի էր, երբ պատվո հարթակին երկու հայ մարզիկներով կանգնեցին՝ ինքը՝ ոսկե մեդալ, Դավիթ Հովհաննիսյանը՝ արծաթե մեդալ նվաճած։
