https://arm.sputniknews.ru/20240221/makrvonn-anhamachap-e-anvanel-nerqin-handi-dirqeri-ughghutjamb-adrbejanakan-zu-i-harvatsy-72546113.html
Մակրոնն անհամաչափ է անվանել Ներքին Հանդի դիրքերի ուղղությամբ ադրբեջանական ԶՈւ-ի հարվածը
Մակրոնն անհամաչափ է անվանել Ներքին Հանդի դիրքերի ուղղությամբ ադրբեջանական ԶՈւ-ի հարվածը
Sputnik Արմենիա
Մակրոնի խոսքով` Սյունիքում տեղի ունեցած միջադեպերը ցույց են տալիս, որ էսկալացիայի վտանգն իրական է։ 21.02.2024, Sputnik Արմենիա
2024-02-21T20:15+0400
2024-02-21T20:15+0400
2024-02-21T20:41+0400
հայաստան
ադրբեջան
էմանուել մակրոն
ներքին հանդ
սյունիք
https://cdn.am.sputniknews.ru/img/07e8/02/15/72552329_0:0:1600:901_1920x0_80_0_0_4092cbe69db70bbff3896d726f8066f3.jpg
ԵՐԵՎԱՆ, 21 փետրվարի – Sputnik. Ֆրանսիայի նախագահ Էմանուել Մակրոնն անհամաչափ է անվանել փետրվարի 13-ին Ներքին Հանդում հայկական դիրքերի ուղղությամբ ադրբեջանական զինված ուժերի հարվածը։ Մակրոնն այս մասին հայտարարել է Փարիզում ՀՀ վարչապետ Նիկոլ Փաշինյանի հետ համատեղ ճեպազրույցում ։«Ֆրանսիան ցավում է, որ փետրվարի 12–ի կրակոցի հետևանքով ադրբեջանցի է վիրավորվել, ինչն ընդունել է նաև Հայաստանի իշխանությունը, բայց Ֆրանսիան ափսոսանք է հայտնում Ադրբեջանի անհամաչափ պատասխան հարվածի համար, որի հետևանքով հայկական կողմն ունեցավ 4 զոհ և 1 վիրավոր»,– ասել է նա։Մակրոնի խոսքով` Սյունիքում տեղի ունեցած միջադեպերը ցույց են տալիս, որ էսկալացիայի վտանգն իրական է։Նա ընդգծել է, որ Ֆրանսիան շարունակելու է Հայաստանի և Ադրբեջանի միջև միջազգային իրավունքի հիման վրա խաղաղության հասնելու ջանքերը՝ հաշվի առնելով ինքնիշխանությունն ու սահմանների անձեռնմխելիությունը:«Հայաստանը կարող է ապավինել Ֆրանսիայի աջակցությանը` երկրի անկախության, տարածքային ամբողջականության, ժողովրդավարական ընթացքին և նրա խաղաղության ձգտումներին»,–ասել է նա։Ինչ վերաբերում է ՀՀ տարածքային ամբողջականությանը և քարտեզներին, ապա, ըստ Մակրոնի, անհրաժեշտ է, որ Ադրբեջանը փարատի երկիմաստությունը, բարեխիղճ աշխատանք կատարվի սահմանազատման և սահմանագծման հարցում, ինչը հիմք կծառայի սահմանին ուժերի երկուստեք հետքաշման համար։Բացի այդ, Լեռնային Ղարաբաղի բնակիչները պետք է հնարավորինս շուտ իրենց տներ վերադառնալու իրավունք ստանան, ընդ որում ՝ անարգել և անվտանգ։Հիշեցնենք` Փաշինյանը կնոջ` Աննա Հակոբյանի հետ երկօրյա աշխատանքային այցով մեկնել է Ֆրանսիա` մասնակցելու Դիմադրության շարժման հայազգի հերոս Միսաք Մանուշյանի աճյունի վերահուղարկավորմանը։ Պատվիրակության կազմում է նաև ՀՀ պաշտպանության նախարար Սուրեն Պապիկյանը։
ադրբեջան
ներքին հանդ
սյունիք
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, էմանուել մակրոն, ներքին հանդ, սյունիք
հայաստան, ադրբեջան, էմանուել մակրոն, ներքին հանդ, սյունիք
Մակրոնն անհամաչափ է անվանել Ներքին Հանդի դիրքերի ուղղությամբ ադրբեջանական ԶՈւ-ի հարվածը
20:15 21.02.2024 (Թարմացված է: 20:41 21.02.2024) Մակրոնի խոսքով` Սյունիքում տեղի ունեցած միջադեպերը ցույց են տալիս, որ էսկալացիայի վտանգն իրական է։
ԵՐԵՎԱՆ, 21 փետրվարի – Sputnik. Ֆրանսիայի նախագահ Էմանուել Մակրոնն անհամաչափ է անվանել փետրվարի 13-ին Ներքին Հանդում հայկական դիրքերի ուղղությամբ ադրբեջանական զինված ուժերի հարվածը։ Մակրոնն այս մասին հայտարարել է Փարիզում ՀՀ վարչապետ Նիկոլ Փաշինյանի հետ համատեղ ճեպազրույցում ։
«Ֆրանսիան ցավում է, որ փետրվարի 12–ի կրակոցի հետևանքով ադրբեջանցի է վիրավորվել, ինչն ընդունել է նաև Հայաստանի իշխանությունը, բայց Ֆրանսիան ափսոսանք է հայտնում Ադրբեջանի անհամաչափ պատասխան հարվածի համար, որի հետևանքով հայկական կողմն ունեցավ 4 զոհ և 1 վիրավոր»,– ասել է նա։
Մակրոնի խոսքով` Սյունիքում տեղի ունեցած միջադեպերը ցույց են տալիս, որ էսկալացիայի վտանգն իրական է։
Նա ընդգծել է, որ Ֆրանսիան շարունակելու է Հայաստանի և Ադրբեջանի միջև միջազգային իրավունքի հիման վրա խաղաղության հասնելու ջանքերը՝ հաշվի առնելով ինքնիշխանությունն ու սահմանների անձեռնմխելիությունը:
«Հայաստանը կարող է ապավինել Ֆրանսիայի աջակցությանը` երկրի անկախության, տարածքային ամբողջականության, ժողովրդավարական ընթացքին և նրա խաղաղության ձգտումներին»,–ասել է նա։
Ինչ վերաբերում է ՀՀ տարածքային ամբողջականությանը և քարտեզներին, ապա, ըստ Մակրոնի, անհրաժեշտ է, որ Ադրբեջանը փարատի երկիմաստությունը, բարեխիղճ աշխատանք կատարվի սահմանազատման և սահմանագծման հարցում, ինչը հիմք կծառայի սահմանին ուժերի երկուստեք հետքաշման համար։
Բացի այդ, Լեռնային Ղարաբաղի բնակիչները պետք է հնարավորինս շուտ իրենց տներ վերադառնալու իրավունք ստանան, ընդ որում ՝ անարգել և անվտանգ։
Հիշեցնենք`
Փաշինյանը կնոջ` Աննա Հակոբյանի հետ երկօրյա աշխատանքային այցով մեկնել է Ֆրանսիա` մասնակցելու Դիմադրության շարժման հայազգի հերոս Միսաք Մանուշյանի աճյունի վերահուղարկավորմանը։ Պատվիրակության կազմում է նաև ՀՀ պաշտպանության նախարար
Սուրեն Պապիկյանը։
