https://arm.sputniknews.ru/20240219/krtsvoghner-fizikakan-zspman-travmatik-mijvocner-mip-y-vardenisi-hvogebuzharan-e-ajcelel-72455077.html
Կրծողներ, ֆիզիկական զսպման տրավմատիկ միջոցներ․ ՄԻՊ-ը Վարդենիսի հոգեբուժարան է այցելել
Կրծողներ, ֆիզիկական զսպման տրավմատիկ միջոցներ․ ՄԻՊ-ը Վարդենիսի հոգեբուժարան է այցելել
Sputnik Արմենիա
ՄԻՊ-ը բարձրաձայնում է նաև աշխատակիցների աշխատավարձերի և արժանապատիվ աշխատանքային պայմանների հարցը։ 19.02.2024, Sputnik Արմենիա
2024-02-19T18:55+0400
2024-02-19T18:55+0400
2024-02-19T19:08+0400
վարդենիսի տուն–ինտերնատ
հհ միպ
անահիտ մանասյան
https://cdn.am.sputniknews.ru/img/07e8/02/13/72453984_0:385:1000:948_1920x0_80_0_0_5c52a495bffbf19f7eceedbea3013245.jpg
ԵՐԵՎԱՆ, 19 փետրվարի – Sputnik․ Մշտապես միատեսակ սնունդ, կրծողներ, ֆիզիկական զսպման տրավմատիկ միջոցներ, հոգեբույժների թվի պակաս և այլն․ ՀՀ ՄԻՊ ներկայացուցիչները չհայտարարված այց են կատարել Վարդենիսի նյարդահոգեբանական տուն-ինտերնատ և պարզել, որ նախկինում արձանագրված խնդիրները շարունակում են մնալ չլուծված։Տուն-ինտերնատը շարունակում է մնալ գերբեռնված, 450-ից ավելի խնամարկյալին սպասարկում են ընդամենը երկու հոգեբույժներ, բաժանմունքներում արձանագրվել են դեղորայքի պահման ոչ պատշաճ պայմաններ, սենյակներում խնամարկյալների մահճակալները չափազանց մոտ են իրար, տարվա մեծ մասը նրանք զբոսանքի չեն տարվում, որոշ բաժանմունքներում առկա են կրծողներ, սնունդն անընդհատ կրկնվում է՝ խաշած ձուկ, վերմիշելով փլավ, խաշած կարտոֆիլ և այլն, հեռախոսակապից օգտվելու համար խնամարկյալներն ուղղակիորեն կախվածության մեջ են տուն-ինտերնատի աշխատակիցներից։ Ազգականների հետ կապ են հաստատում ամիսը միայն մեկ անգամ՝ սոցիալական աշխատողների անձնական բջջային հեռախոսներով, իսկ լրացուցիչ զանգերի հնարավորություն նրանց տրամադրվում է խնամարկյալների կամ նրանց ազգականների ծննդյան տոներին: Լուծված չեն խնամարկյալների պրոթեզավորման հարցերը։Այցի արդյունքների վերաբերյալ փաստաթուղթը կուղարկվի ՀՀ աշխատանքի և սոցիալական հարցերի նախարարություն։Նշենք, որ Վարդենիսի նյարդահոգեբանական տուն-ինտերնատում խնդիրների մասին առաջին անգամ չէ, որ բարձրաձայնվում է։ Դեռևս 2021 թվականին ՀՀ մարդու իրավունքների պաշտպան Արման Թաթոյանը տուն-ինտերնատում հայտնաբերել էր գերբեռնվածություն, ժամկետանց բուժպարագաներ, դեղերի պակաս, հոգեբույժների խիստ պակաս և այլ խնդիրներ։Ավելի վաղ ՀՀ գլխավոր դատախազությունը հաղորդագրություն էր տարածել` նշելով, որ խախտվել են Վարդենիսի նյարդահոգեբանական տուն-ինտերնատի բազմաթիվ շահառուների գույքային իրավունքները։ Ուսումնասիրվել էին հաշվեքննիչ պալատի կողմից 2021թ. «Վարդենիսի նյարդահոգեբանական տուն-ինտերնատ» ՊՈԱԿ-ում իրականացված հաշվեքննության արդյունքները: Պարզվել է, որ ՀՀ կադաստրի կոմիտեում տուն-ինտերնատի 10 շահառուների սեփական, ինչպես նաև նրանց շահերի տիրույթում գտնվող անշարժ գույքի վերաբերյալ կատարվել են գործարքներ՝ առանց նրանց կամ վերջիններիս խնամակալի մասնակցության:
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վարդենիսի տուն–ինտերնատ, հհ միպ, անահիտ մանասյան
վարդենիսի տուն–ինտերնատ, հհ միպ, անահիտ մանասյան
Կրծողներ, ֆիզիկական զսպման տրավմատիկ միջոցներ․ ՄԻՊ-ը Վարդենիսի հոգեբուժարան է այցելել
18:55 19.02.2024 (Թարմացված է: 19:08 19.02.2024) ՄԻՊ-ը բարձրաձայնում է նաև աշխատակիցների աշխատավարձերի և արժանապատիվ աշխատանքային պայմանների հարցը։
ԵՐԵՎԱՆ, 19 փետրվարի – Sputnik․ Մշտապես միատեսակ սնունդ, կրծողներ, ֆիզիկական զսպման տրավմատիկ միջոցներ, հոգեբույժների թվի պակաս և այլն․ ՀՀ ՄԻՊ ներկայացուցիչները չհայտարարված այց են կատարել Վարդենիսի նյարդահոգեբանական տուն-ինտերնատ և պարզել, որ նախկինում արձանագրված խնդիրները շարունակում են մնալ չլուծված։
Տուն-ինտերնատը շարունակում է մնալ գերբեռնված, 450-ից ավելի խնամարկյալին սպասարկում են ընդամենը երկու հոգեբույժներ, բաժանմունքներում արձանագրվել են դեղորայքի պահման ոչ պատշաճ պայմաններ, սենյակներում խնամարկյալների մահճակալները չափազանց մոտ են իրար, տարվա մեծ մասը նրանք զբոսանքի չեն տարվում, որոշ բաժանմունքներում առկա են կրծողներ, սնունդն անընդհատ կրկնվում է՝ խաշած ձուկ, վերմիշելով փլավ, խաշած կարտոֆիլ և այլն, հեռախոսակապից օգտվելու համար խնամարկյալներն ուղղակիորեն կախվածության մեջ են տուն-ինտերնատի աշխատակիցներից։ Ազգականների հետ կապ են հաստատում ամիսը միայն մեկ անգամ՝ սոցիալական աշխատողների անձնական բջջային հեռախոսներով, իսկ լրացուցիչ զանգերի հնարավորություն նրանց տրամադրվում է խնամարկյալների կամ նրանց ազգականների ծննդյան տոներին: Լուծված չեն խնամարկյալների պրոթեզավորման հարցերը։
«Մարդու իրավունքների պաշտպանությունը համակողմանի գործընթաց է, որը ենթադրում է այդ գործընթացի բոլոր մասնակիցների իրավունքների երաշխավորում, նրանցից յուրաքանչյուրի նկատմամբ արժանապատիվ վերաբերմունքի ապահովում և փոխադարձ հարգանք երաշխավորող հարաբերությունների հաստատում: Հոգեբուժական կազմակերպությունների աշխատակիցների աշխատանքային արժանապատիվ պայմաններն ու սոցիալական երաշխիքները, այդ թվում՝ աշխատավարձը, պետք է շարունակաբար բարելավվեն»,- նշված է ՄԻՊ–ի տարածած հաղորդագրության մեջ։
Այցի արդյունքների վերաբերյալ փաստաթուղթը կուղարկվի ՀՀ աշխատանքի և սոցիալական հարցերի նախարարություն։
Նշենք, որ Վարդենիսի նյարդահոգեբանական տուն-ինտերնատում խնդիրների մասին առաջին անգամ չէ, որ բարձրաձայնվում է։ Դեռևս 2021 թվականին
ՀՀ մարդու իրավունքների պաշտպան Արման Թաթոյանը տուն-ինտերնատում հայտնաբերել էր գերբեռնվածություն, ժամկետանց բուժպարագաներ, դեղերի պակաս, հոգեբույժների խիստ պակաս և այլ խնդիրներ։
Ավելի վաղ ՀՀ գլխավոր
դատախազությունը հաղորդագրություն էր տարածել` նշելով, որ խախտվել են Վարդենիսի նյարդահոգեբանական տուն-ինտերնատի բազմաթիվ շահառուների գույքային իրավունքները։ Ուսումնասիրվել էին հաշվեքննիչ պալատի կողմից 2021թ. «Վարդենիսի նյարդահոգեբանական տուն-ինտերնատ» ՊՈԱԿ-ում իրականացված հաշվեքննության արդյունքները: Պարզվել է, որ ՀՀ կադաստրի կոմիտեում տուն-ինտերնատի 10 շահառուների սեփական, ինչպես նաև նրանց շահերի տիրույթում գտնվող անշարժ գույքի վերաբերյալ կատարվել են գործարքներ՝ առանց նրանց կամ վերջիններիս խնամակալի մասնակցության:
