https://arm.sputniknews.ru/20240216/tehrany-erevani-het-haraberutjunnery-teghapvokhum-e-gvortsnakan-pul-iranci-patgamavvor-72377856.html
Թեհրանը Երևանի հետ հարաբերությունները տեղափոխում է գործնական փուլ. իրանցի պատգամավոր
Թեհրանը Երևանի հետ հարաբերությունները տեղափոխում է գործնական փուլ. իրանցի պատգամավոր
Sputnik Արմենիա
Երևանը կարող է Թեհրանի լուրջ գործընկերը դառնալ, իսկ իրանական գործոնը կարող է հավասարակշռել տարածաշրջանում տեղի ունեցող գործընթացները։ 16.02.2024, Sputnik Արմենիա
2024-02-16T23:21+0400
2024-02-16T23:21+0400
2024-02-16T23:22+0400
իրանի իսլամական հանրապետություն
հայաստան
մհեր գրիգորյան
էբրահիմ ռայիսի
տնտեսություն
պարսից ծոց
ռոբերտ բեգլարյան
https://cdn.am.sputniknews.ru/img/07e8/02/0f/72336686_0:0:700:395_1920x0_80_0_0_d2c7d49b28a5991d407e5f70190056bf.jpg
ԵՐԵՎԱՆ, 16 փետրվարի - Sputnik. Իրանը ընդգծված կերպով ձգտում է Հայաստանի հետ հարաբերությունների ընդլայնմանն ու խորացմանը, ինչի մասին են վկայում վերջին շրջանում Թեհրանի մի շարք գործնական քայլերը: Այս մասին Sputnik Արմենիային տված հարցազրույցում ասաց ԻԻՀ մեջլիսի պատգամավոր Ռոբերտ Բեգլարյանը՝ մեկնաբանելով հայ-իրանական միջկառավարական հանձնաժողովի 18-րդ նիստի արդյունքները։ՀՀ փոխվարչապետ Մհեր Գրիգորյանի գլխավորած պատվիրակությունը փետրվարի 14-ին մեկնել է Իրան: Թեհրանում երկու երկրների գործադիր իշխանության ներկայացուցիչները 19 ոլորտներում համագործակցության համաձայնագրեր են ստորագրել: Հատկապես կարևորվել է փոխգործակցությունը տնտեսական ոլորտում։Իրանցի խորհրդարանականը նշել է, որ միջկառավարական հանձնաժողովի 18-րդ նիստը տարբերվում էր նախորդներից։ Երևանից Թեհրան է ժամանել ներկայացուցչական պատվիրակություն, իսկ աշխատանքի արդյունքում կնքվել է 19 համաձայնագիր՝ էներգետիկայի, առողջապահության, ենթակառուցվածքային նախագծերի և մաքսային ընթացակարգերի կարգավորման վերաբերյալ:Բեգլարյանն առանձնացրեց փոխվարչապետ Մհեր Գրիգորյանի և Իրանի նախագահ Էբրահիմ Ռայիսիի հանդիպումը: Նրա խոսքով՝ սա ևս մեկ ապացույց է այն բանի, որ Իրանը ձգտում է երկկողմ հարաբերությունները տեղափոխել գործնական հարթություն, ընդգծել դրանց կարևորությունը: Այս համատեքստում նա հիշատակեց նաև Իրանի արտաքին հարաբերությունների ռազմավարական խորհրդի նախագահ Սեյեդ Քամալ Խարազիի՝ վերջերս կայացած այցը Հայաստան:Տնտեսությունը որպես կատալիզատո՞րՊատգամավորը պատահական չի համարում տնտեսական համագործակցության ծավալն ավելացնելու կողմերի մտադրությունը։ Բեգլարյանը պարզաբանեց, որ հենց այս ոլորտն էլ հետագայում կարող է կատալիզատոր դառնալ տարբեր ուղղություններով հայ-իրանական հարաբերությունների հետագա զարգացման համար:Իրանի խորհրդարանի պատգամավորը պարզաբանեց, որ այդ խնդրի լուծման շրջանակներում կարևոր է տեխնոլոգիական և կառավարչական ենթակառուցվածքների արդիականացումը, հատկապես Մեղրիի (Հայաստան) և Նորդուզի (Իրան) մաքսակետերի արդիականացումը: Բեգլարյանը վստահ է, որ ենթակառուցվածքները կարևոր նշանակություն ունեն առևտրի զարգացման և բեռնափոխադրումների հոսքի ավելացման համար։ Նա ոչ պակաս կարևոր գործոն է համարում ազգային օրենսդրությունների հարմարեցումը նոր պայմաններին։Ռոբերտ Բեգլարյանն ընդգծեց նաև բանկային և մաքսային ընթացակարգերի պարզեցման անհրաժեշտությունը՝ վարչական և տեխնոլոգիական բնույթի համապատասխան փոփոխություններ կատարելու միջոցով: Իրանը ձգտում է առևտրատնտեսական օպերատիվ ճանապարհային քարտեզ մշակել Հայաստանի հետԽորհրդարանականը նշեց, որ երկկողմ համագործակցությունը կխթանի նաև Թավրիզում ՀՀ գլխավոր հյուպատոսության բացումը: Բեգլարյանը չի բացառում, որ դա կարող է տեղի ունենալ մինչև 2024 թվականի ամառը։Իրանի խորհրդարանի պատգամավորը կարևորեց նաև հանձնաժողով ստեղծելու որոշումը, որը պետք է հետևի կողմերի նախանշած առաջադրանքների իրագործմանը: Նրա խոսքով՝ դա թույլ կտա արագացնել բարեփոխումների իրականացումը։ Բեգլարյանը կարծում է, որ երկու երկրների առևտրային պալատները նույնպես պետք է համապատասխանեցնեն իրենց քայլերը և հնարավորինս արագ լուծեն ընթացակարգային հարցերը։Հայաստանով անցնող ճանապարհը կարևոր էՀայկական կողմը միջկառավարական հանձնաժողովի նիստի ընթացքում ընդգծել է «Պարսից ծոց-Սև ծով» ՄՏՄ-ի իրականացման կարևորությունը: Իրանն իր հերթին հայտարարել է «Խաղաղության խաչմերուկ» նախաձեռնությանն աջակցելու մասին: Այս առնչությամբ խորհրդարանականը նշեց, որ Հայաստանով անցնող ճանապարհն Իրանի համար կարևոր է ոչ միայն տնտեսության և տարանցման, այլև աշխարհաքաղաքական տեսանկյունից: Իրանը փորձում է դիվերսիֆիկացնել իր լոգիստիկ ուղիները դեպի Սև ծովի ավազան և այլ երկրներ դուրս գալու համար։ Եվ այս առումով Հայաստանը հուսալի գործընկեր է։Ռոբերտ Բեգլարյանը կարծում է, որ Երևանը կարող է լուրջ գործընկեր դառնալ Թեհրանի համար, իսկ Իրանի գործոնը կարող է հավասարակշռել տարածաշրջանում տեղի ունեցող գործընթացները: Մասնավորապես, Իրանի կողմից Սյունիքի մարզում տնտեսական նախագծերի իրականացումը կարող է բարձրացնել նրա դերն ու ներկայությունը, խթան հանդիսանալ երկկողմ հարաբերությունների զարգացման և ապագայում հնարավոր սպառնալիքների մեղմացման համար:Հիշեցնենք, որ ավելի վաղ Իրանի նախագահ Էբրահիմ Ռայիսին փոխվարչապետ Մհեր Գրիգորյանի գլխավորած հայկական պատվիրակության հետ հանդիպման ժամանակ հայտարարել էր, որ Թեհրանը դեմ է տարածաշրջանում օտարերկրյա ուժերի ներկայությանը՝ համարելով, որ դրանք ոչ միայն չեն շտկում իրավիճակը, այլև ավելի մեծ խնդիր են ստեղծում: Ռայիսին նշել էր իր երկրի դերը Հարավային Կովկասում կայունության և անվտանգության պահպանման գործում, հիշեցրել էր Երևանի և Բաքվի միջև խաղաղ բանակցություններին աջակցելու մասին և կրկին անդրադարձել «կարմիր գծերին»:
իրանի իսլամական հանրապետություն
պարսից ծոց
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
իրանի իսլամական հանրապետություն, հայաստան, մհեր գրիգորյան, էբրահիմ ռայիսի, տնտեսություն, պարսից ծոց, ռոբերտ բեգլարյան
իրանի իսլամական հանրապետություն, հայաստան, մհեր գրիգորյան, էբրահիմ ռայիսի, տնտեսություն, պարսից ծոց, ռոբերտ բեգլարյան
Թեհրանը Երևանի հետ հարաբերությունները տեղափոխում է գործնական փուլ. իրանցի պատգամավոր
23:21 16.02.2024 (Թարմացված է: 23:22 16.02.2024) Երևանը կարող է Թեհրանի լուրջ գործընկերը դառնալ, իսկ իրանական գործոնը կարող է հավասարակշռել տարածաշրջանում տեղի ունեցող գործընթացները։
ԵՐԵՎԱՆ, 16 փետրվարի - Sputnik. Իրանը ընդգծված կերպով ձգտում է Հայաստանի հետ հարաբերությունների ընդլայնմանն ու խորացմանը, ինչի մասին են վկայում վերջին շրջանում Թեհրանի մի շարք գործնական քայլերը: Այս մասին
Sputnik Արմենիային տված հարցազրույցում ասաց ԻԻՀ մեջլիսի պատգամավոր Ռոբերտ Բեգլարյանը՝ մեկնաբանելով հայ-իրանական միջկառավարական հանձնաժողովի 18-րդ նիստի արդյունքները։
ՀՀ փոխվարչապետ Մհեր Գրիգորյանի գլխավորած պատվիրակությունը փետրվարի 14-ին
մեկնել է Իրան: Թեհրանում երկու երկրների գործադիր իշխանության ներկայացուցիչները 19 ոլորտներում համագործակցության համաձայնագրեր են ստորագրել: Հատկապես կարևորվել է փոխգործակցությունը տնտեսական ոլորտում։
Իրանցի խորհրդարանականը նշել է, որ միջկառավարական հանձնաժողովի 18-րդ նիստը տարբերվում էր նախորդներից։ Երևանից Թեհրան է ժամանել ներկայացուցչական պատվիրակություն, իսկ աշխատանքի արդյունքում կնքվել է 19 համաձայնագիր՝ էներգետիկայի, առողջապահության, ենթակառուցվածքային նախագծերի և մաքսային ընթացակարգերի կարգավորման վերաբերյալ:
Բեգլարյանն առանձնացրեց փոխվարչապետ Մհեր Գրիգորյանի և Իրանի նախագահ Էբրահիմ Ռայիսիի
հանդիպումը: Նրա խոսքով՝ սա ևս մեկ ապացույց է այն բանի, որ Իրանը ձգտում է երկկողմ հարաբերությունները տեղափոխել գործնական հարթություն, ընդգծել դրանց կարևորությունը: Այս համատեքստում նա հիշատակեց նաև Իրանի արտաքին հարաբերությունների ռազմավարական խորհրդի նախագահ Սեյեդ Քամալ Խարազիի՝ վերջերս կայացած այցը Հայաստան:
Տնտեսությունը որպես կատալիզատո՞ր
Պատգամավորը պատահական չի համարում տնտեսական համագործակցության ծավալն ավելացնելու կողմերի մտադրությունը։ Բեգլարյանը պարզաբանեց, որ հենց այս ոլորտն էլ հետագայում կարող է կատալիզատոր դառնալ տարբեր ուղղություններով հայ-իրանական հարաբերությունների հետագա զարգացման համար:
«Մենք արդեն հիմա մոտ ենք երկու երկրների ղեկավարների սահմանած նպատակին հասնելուն՝ ապրանքաշրջանառությունը հասցնել 1 մլրդ դոլարի, ուստի նախանշված 3 մլրդ դոլարը միանգամայն իրական է»,-ասաց Բեգլարյանը։
Իրանի խորհրդարանի պատգամավորը պարզաբանեց, որ այդ խնդրի լուծման շրջանակներում կարևոր է տեխնոլոգիական և կառավարչական ենթակառուցվածքների արդիականացումը, հատկապես Մեղրիի (Հայաստան) և Նորդուզի (Իրան) մաքսակետերի արդիականացումը: Բեգլարյանը վստահ է, որ ենթակառուցվածքները կարևոր նշանակություն ունեն առևտրի զարգացման և բեռնափոխադրումների հոսքի ավելացման համար։ Նա ոչ պակաս կարևոր գործոն է համարում ազգային օրենսդրությունների հարմարեցումը նոր պայմաններին։
Ռոբերտ Բեգլարյանն ընդգծեց նաև բանկային և մաքսային ընթացակարգերի պարզեցման անհրաժեշտությունը՝ վարչական և տեխնոլոգիական բնույթի համապատասխան փոփոխություններ կատարելու միջոցով:
Խորհրդարանականը նշեց, որ երկկողմ համագործակցությունը կխթանի նաև Թավրիզում ՀՀ գլխավոր հյուպատոսության բացումը: Բեգլարյանը չի բացառում, որ դա կարող է տեղի ունենալ մինչև 2024 թվականի ամառը։
Իրանի խորհրդարանի պատգամավորը կարևորեց նաև հանձնաժողով ստեղծելու որոշումը, որը պետք է հետևի կողմերի նախանշած առաջադրանքների իրագործմանը: Նրա խոսքով՝ դա թույլ կտա արագացնել բարեփոխումների իրականացումը։ Բեգլարյանը կարծում է, որ երկու երկրների առևտրային պալատները նույնպես պետք է համապատասխանեցնեն իրենց քայլերը և հնարավորինս արագ լուծեն ընթացակարգային հարցերը։
Հայաստանով անցնող ճանապարհը կարևոր է
Հայկական կողմը միջկառավարական հանձնաժողովի նիստի ընթացքում ընդգծել է «Պարսից ծոց-Սև ծով» ՄՏՄ-ի իրականացման կարևորությունը: Իրանն իր հերթին հայտարարել է «Խաղաղության խաչմերուկ» նախաձեռնությանն աջակցելու մասին: Այս առնչությամբ խորհրդարանականը նշեց, որ Հայաստանով անցնող ճանապարհն Իրանի համար կարևոր է ոչ միայն տնտեսության և տարանցման, այլև աշխարհաքաղաքական տեսանկյունից: Իրանը փորձում է դիվերսիֆիկացնել իր լոգիստիկ ուղիները դեպի Սև ծովի ավազան և այլ երկրներ դուրս գալու համար։ Եվ այս առումով Հայաստանը հուսալի գործընկեր է։
Երևանի առաջ, իր հերթին, սեփական տարածքում ենթակառուցվածքային և լոգիստիկ նախագծեր իրականացնելու խնդիր է դրված, նա պետք է հեշտացնի ելքը դեպի Չաբահար նավահանգիստ, Պարսից ծոցի ավազանի երկրներ:
Ռոբերտ Բեգլարյանը կարծում է, որ Երևանը կարող է լուրջ գործընկեր դառնալ Թեհրանի համար, իսկ Իրանի գործոնը կարող է հավասարակշռել տարածաշրջանում տեղի ունեցող գործընթացները: Մասնավորապես, Իրանի կողմից Սյունիքի մարզում տնտեսական նախագծերի իրականացումը կարող է բարձրացնել նրա դերն ու ներկայությունը, խթան հանդիսանալ երկկողմ հարաբերությունների զարգացման և ապագայում հնարավոր սպառնալիքների մեղմացման համար:
Հիշեցնենք, որ ավելի վաղ Իրանի նախագահ Էբրահիմ Ռայիսին փոխվարչապետ Մհեր Գրիգորյանի գլխավորած հայկական պատվիրակության հետ հանդիպման ժամանակ հայտարարել էր, որ Թեհրանը դեմ է տարածաշրջանում օտարերկրյա ուժերի ներկայությանը՝ համարելով, որ դրանք ոչ միայն չեն շտկում իրավիճակը, այլև ավելի մեծ խնդիր են ստեղծում: Ռայիսին նշել էր իր երկրի դերը Հարավային Կովկասում կայունության և անվտանգության պահպանման գործում, հիշեցրել էր Երևանի և Բաքվի միջև խաղաղ բանակցություններին աջակցելու մասին և կրկին անդրադարձել «կարմիր գծերին»:
