https://arm.sputniknews.ru/20240214/anynduneli-e-lavutjuny-petutjan-heghinakutjan-hashvin-pashinjany-tvonvojani-depqi-masin-72301426.html
Անընդունելի է լավությունը պետության հեղինակության հաշվին. Փաշինյանը` Տոնոյանի դեպքի մասին
Անընդունելի է լավությունը պետության հեղինակության հաշվին. Փաշինյանը` Տոնոյանի դեպքի մասին
Sputnik Արմենիա
ՀՀ արդարադատության նախարարն իր հերթին նշել է, որ խնդիր կա ՀՀ պաշտպանության նախկին նախարարի գործով դատավորի կողմից տրված տվյալ թույլտվության բովանդակության հետ... 14.02.2024, Sputnik Արմենիա
2024-02-14T20:35+0400
2024-02-14T20:35+0400
2024-02-14T20:57+0400
նիկոլ փաշինյան
դավիթ տոնոյան
հհ արդարադատության նախարարություն
գրիգոր մինասյան
քրեակատարողական հիմնարկ (քկհ)
https://cdn.am.sputniknews.ru/img/07e8/02/0e/72301253_0:21:1670:960_1920x0_80_0_0_82371e56c5cd8f026d57d83c937ada28.jpg
ԵՐԵՎԱՆ, 14 փետրվարի – Sputnik. Բացարձակապես անընդունելի է լավություն անել պետության հեղինակության հաշվին, մանավանդ օրենքի կոպտագույն խախտումով։ ՀՀ ԱՆ քրեակատարողական ծառայությունում 2023 թ․ գործունեության հաշվետվության քննարկման ժամանակ այս մասին հայտարարել է ՀՀ վարչապետ Նիկոլ Փաշինյանը, հայտնում է վարչապետի մամուլի ծառայությունը։Նա ակնարկել է 2023 թ. օգոստոսի 1–ին տեղի ունեցած դեպքը, երբ ԱԱԾ մեկուսարանից ՀՀ պաշտպանության նախկին նախարար Դավիթ Տոնոյանին տեղափոխել են ԱԺ քննիչ հանձնաժողովի նիստին, ճանապարհին Տոնոյանը խնդրել է ուղեկցողներին, որ թույլ տան կարճ տեսակցել մորը: ՔԿ ծառայության պետը Դավիթ Տոնոյանին թույլատրել է տեսակցել մորը, ինչից հետո ազատվել է աշխատանքից։Նիկոլ Փաշինյանը հետաքրքրվել է՝ 2023 թվականի նման քանի՞ դեպք է արձանագրվել, ՀՀ արդարադատության նախարար Գրիգոր Մինասյանը վստահեցրել է, որ դա եղել է միակ, բացառիկ դեպքը:Բացի այդ, Մինասյանը նշել է, որ նաև խնդիր կա դատավորի կողմից տրված տվյալ թույլտվության բովանդակության հետ, որը նույնպես ուսումնասիրության առարկա է։Ատոմյանի ազատումից հետո ՔԿՀ–ներում կալանավորումներ են սպասվում. «Ժողովուրդ»«Շատ տարօրինակ երկու ժամվա հատվածը, այսպես ասած, բաց էր թողնվել հենց դատարանի կողմից, որն ուսումնասիրում ենք, հասկանանք՝ արդյոք դա սովորական պրակտիկա՞ էր, թե ոչ, որովհետև քրեակատարողական ծառայության մեր մոնիթորինգը ցույց է տվել, որ դա եզակի դեպք է եղել»,– ասել է նախարարը:ՀՀ ԱՆ քրեակատարողական ծառայության` 2023 թ․ գործունեության հաշվետվության քննարկման ժամանակ նաև նշվել է, որ քրեակատարողական և պրոբացիայի ոլորտի ռազմավարության 36 կետերից 35–ը կատարվել է ամբողջությամբ, իսկ 1–ը՝ մասնակի։ Ինչ վերաբերում է ծառայության բյուջեին, ապա այն կատարվել է 99,79 %-ով:
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նիկոլ փաշինյան, դավիթ տոնոյան, հհ արդարադատության նախարարություն, գրիգոր մինասյան, քրեակատարողական հիմնարկ (քկհ)
նիկոլ փաշինյան, դավիթ տոնոյան, հհ արդարադատության նախարարություն, գրիգոր մինասյան, քրեակատարողական հիմնարկ (քկհ)
Անընդունելի է լավությունը պետության հեղինակության հաշվին. Փաշինյանը` Տոնոյանի դեպքի մասին
20:35 14.02.2024 (Թարմացված է: 20:57 14.02.2024) ՀՀ արդարադատության նախարարն իր հերթին նշել է, որ խնդիր կա ՀՀ պաշտպանության նախկին նախարարի գործով դատավորի կողմից տրված տվյալ թույլտվության բովանդակության հետ, որը նույնպես ուսումնասիրվում է։
ԵՐԵՎԱՆ, 14 փետրվարի – Sputnik. Բացարձակապես անընդունելի է լավություն անել պետության հեղինակության հաշվին, մանավանդ օրենքի կոպտագույն խախտումով։ ՀՀ ԱՆ քրեակատարողական ծառայությունում 2023 թ․ գործունեության հաշվետվության քննարկման ժամանակ այս մասին հայտարարել է ՀՀ վարչապետ Նիկոլ Փաշինյանը, հայտնում է
վարչապետի մամուլի ծառայությունը։
Նա ակնարկել է
2023 թ. օգոստոսի 1–ին տեղի ունեցած դեպքը, երբ ԱԱԾ մեկուսարանից ՀՀ պաշտպանության նախկին նախարար Դավիթ Տոնոյանին տեղափոխել են ԱԺ քննիչ հանձնաժողովի նիստին, ճանապարհին Տոնոյանը խնդրել է ուղեկցողներին, որ թույլ տան կարճ տեսակցել մորը: ՔԿ ծառայության պետը Դավիթ Տոնոյանին թույլատրել է տեսակցել մորը, ինչից հետո ազատվել է աշխատանքից։
«Այստեղ շատ կարևոր է, որ դա վերաբերմունք է ձևավորում ընդհանրապես օրենքի, օրինականության նկատմամբ, և այստեղ ամենևին էլ անձնավորված մոտեցման մասին չէ խոսքը: Ի վերջո, մենք պետք է կարողանանք վերաբերմունք ձևավորել իրավակարգի նկատմամբ, որ օրենքը պետք է աշխատի, առավել ևս, որ օրենսդրությունը նման հնարավորություններ տալիս է և չի կարելի, որ բոլոր հնարավոր տեղերում պետության վարկը, վարկանիշն անընդհատ հարվածի տակ դրվի՝ թեկուզ լավություն անելու մոտիվացիայով: Այսինքն՝ լավություն անել պետության հեղինակության հաշվին՝ բացարձակապես անընդունելի է, մանավանդ օրենքի կոպտագույն խախտումով»,– շեշտել է Փաշինյանը:
Նիկոլ Փաշինյանը հետաքրքրվել է՝ 2023 թվականի նման քանի՞ դեպք է արձանագրվել, ՀՀ արդարադատության նախարար Գրիգոր Մինասյանը վստահեցրել է, որ դա եղել է միակ, բացառիկ դեպքը:
Բացի այդ, Մինասյանը նշել է, որ նաև խնդիր կա դատավորի կողմից տրված տվյալ թույլտվության բովանդակության հետ, որը նույնպես ուսումնասիրության առարկա է։
«Շատ տարօրինակ երկու ժամվա հատվածը, այսպես ասած, բաց էր թողնվել հենց դատարանի կողմից, որն ուսումնասիրում ենք, հասկանանք՝ արդյոք դա սովորական պրակտիկա՞ էր, թե ոչ, որովհետև քրեակատարողական ծառայության մեր մոնիթորինգը ցույց է տվել, որ դա եզակի դեպք է եղել»,– ասել է նախարարը:
ՀՀ ԱՆ քրեակատարողական ծառայության` 2023 թ․ գործունեության հաշվետվության քննարկման ժամանակ նաև նշվել է, որ քրեակատարողական և պրոբացիայի ոլորտի ռազմավարության 36 կետերից 35–ը կատարվել է ամբողջությամբ, իսկ 1–ը՝ մասնակի։ Ինչ վերաբերում է ծառայության բյուջեին, ապա այն կատարվել է 99,79 %-ով:
