https://arm.sputniknews.ru/20240209/bardzragujn-krtutjun-chunecvogh-masnagetneri-hamar-krkin-kkazmakerpvi-kamavvor-atestavvorum-72145323.html
Բարձրագույն կրթություն չունեցող մասնագետների համար կրկին կկազմակերպվի կամավոր ատեստավորում
Բարձրագույն կրթություն չունեցող մասնագետների համար կրկին կկազմակերպվի կամավոր ատեստավորում
Sputnik Արմենիա
Ատեստավորումն իրականացվում է գրավոր եղանակով՝ բոլոր առարկաներից: 09.02.2024, Sputnik Արմենիա
2024-02-09T18:56+0400
2024-02-09T18:56+0400
2024-02-09T19:39+0400
ուսուցիչ
ատեստավորում
դպրոց
բուհ
կրթություն
https://cdn.am.sputniknews.ru/img/07e6/0c/07/52306380_0:0:1600:901_1920x0_80_0_0_2f991c2eddd62600944b93155376a0f3.jpg
ԵՐԵՎԱՆ, 9 փետրվարի – Sputnik. ՀՀ կրթության, գիտության, մշակույթի և սպորտի նախարարությունը բարձրագույն կրթություն չունեցող մասնագետների համար հայտարարում է կամավոր ատեստավորման նոր գործընթաց: Տեղեկությունը հայտնում է ՀՀ ԿԳՄՍ նախարարությունը։Նշվում է, որ հայտը ներկայացնելուց հետո մասնակիցը կստանա հաղորդագրություն հայտն ընդունված լինելու վերաբերյալ:Ատեստավորման հայտ ներկայացնելիս պահանջվում է հետևյալ տեղեկատվությունը՝1) ուսուցչի անունը, ազգանունը, հայրանունը,2) ուսումնական հաստատության գտնվելու վայրը (մարզը, տարածաշրջանը). չաշխատողի դեպքում տվյալ նշումը չի արվում,3) առարկան, որից պատրաստվում է ատեստավորվել,4) անձը հաստատող փաստաթղթի սերիան և համարը,5) անձի էլեկտրոնային փոստի հասցեն, հեռախոսահամարը,6) կրթությունը հավաստող փաստաթուղթը:Ատեստավորումն իրականացվում է գրավոր եղանակով՝ բոլոր առարկաներից:Ռուսերենով ուսուցմամբ դասարանների դասվարների համար թեստերը կարող են կազմվել ռուսերենով:Անկախ դասավանդած առարկաների քանակից՝ ուսուցիչը կարող է ատեստավորման հայտ ներկայացնել միայն մեկ առարկայից՝ իր ընտրությամբ։Հայտարարությամբ նշված ժամկետի ավարտից հետո հնարավոր չի լինի հայտ ներկայացնել, քանի որ էլեկտրոնային համակարգում նշման հնարավորությունը փակվելու է:Հիշեցնենք, որ բարձրագույն կրթություն չունեցող ուսուցիչները կամավոր ատեստավորման ևս մեկ հնարավորություն են ունեցել 2023 թվականին:Քանի՞ ուսուցիչ է ատեստավորվել 2023–ին. տարակարգ ստացած ուսուցիչների առավելություններըՆշենք, որ միջին մասնագիտական կրթություն ունեցող և պարտադիր ատեստավորման շեմը չհաղթահարած ուսուցիչները, որոնք 2023թ․-ի դեկտեմբերից ազատվել են աշխատանքից, պարբերաբար բողոքի ակցիաներ են իրականացնում ԿԳՄՍՆ շենքի դիմաց։ Հունվարի 9–ին մասնագետների պահանջները լսելու համար նրանցից 3-ին ընդունել էր ԿԳՄՍ նախարար Ժաննա Անդրեասյանը։ Նա խոստացել էր միջին մասնագիտական կրթությամբ ուսուցիչներին աջակցել բարձրագույն կրթություն ստանալու կամ ցանկության դեպքում այլ աշխատանքի տեղավորվելու հարցում։
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ուսուցիչ, ատեստավորում, դպրոց, բուհ, կրթություն
ուսուցիչ, ատեստավորում, դպրոց, բուհ, կրթություն
Բարձրագույն կրթություն չունեցող մասնագետների համար կրկին կկազմակերպվի կամավոր ատեստավորում
18:56 09.02.2024 (Թարմացված է: 19:39 09.02.2024) Ատեստավորումն իրականացվում է գրավոր եղանակով՝ բոլոր առարկաներից:
ԵՐԵՎԱՆ, 9 փետրվարի – Sputnik. ՀՀ կրթության, գիտության, մշակույթի և սպորտի նախարարությունը բարձրագույն կրթություն չունեցող մասնագետների համար հայտարարում է կամավոր ատեստավորման նոր գործընթաց: Տեղեկությունը հայտնում է ՀՀ ԿԳՄՍ նախարարությունը։
«Կամավոր ատեստավորմանը մասնակցելու համար հայտերն անհրաժեշտ է ներկայացնել Կրթության կառավարման տեղեկատվական համակարգում ձևավորված հարթակում 2024 թվականի փետրվարի 12-ից մինչև փետրվարի 21-ը` ժամը 24:00-ը ներառյալ»,–նշված է հաղորդագրության մեջ:
Նշվում է, որ հայտը ներկայացնելուց հետո մասնակիցը կստանա հաղորդագրություն հայտն ընդունված լինելու վերաբերյալ:
Ատեստավորման հայտ ներկայացնելիս պահանջվում է հետևյալ տեղեկատվությունը՝
1) ուսուցչի անունը, ազգանունը, հայրանունը,
2) ուսումնական հաստատության գտնվելու վայրը (մարզը, տարածաշրջանը). չաշխատողի դեպքում տվյալ նշումը չի արվում,
3) առարկան, որից պատրաստվում է ատեստավորվել,
4) անձը հաստատող փաստաթղթի սերիան և համարը,
5) անձի էլեկտրոնային փոստի հասցեն, հեռախոսահամարը,
6) կրթությունը հավաստող փաստաթուղթը:
Ատեստավորումն իրականացվում է գրավոր եղանակով՝ բոլոր առարկաներից:
Ռուսերենով ուսուցմամբ դասարանների դասվարների համար թեստերը կարող են կազմվել ռուսերենով:
Անկախ դասավանդած առարկաների քանակից՝ ուսուցիչը կարող է ատեստավորման հայտ ներկայացնել միայն մեկ առարկայից՝ իր ընտրությամբ։
Հայտարարությամբ նշված ժամկետի ավարտից հետո հնարավոր չի լինի հայտ ներկայացնել, քանի որ էլեկտրոնային համակարգում նշման հնարավորությունը փակվելու է:
Հիշեցնենք, որ բարձրագույն կրթություն չունեցող ուսուցիչները կամավոր ատեստավորման ևս մեկ հնարավորություն են ունեցել 2023 թվականին:
Նշենք, որ միջին մասնագիտական կրթություն ունեցող և պարտադիր ատեստավորման շեմը չհաղթահարած ուսուցիչները, որոնք 2023թ․-ի դեկտեմբերից ազատվել են աշխատանքից, պարբերաբար բողոքի ակցիաներ են իրականացնում ԿԳՄՍՆ շենքի դիմաց։ Հունվարի 9–ին մասնագետների պահանջները լսելու համար նրանցից 3-ին ընդունել էր ԿԳՄՍ նախարար Ժաննա Անդրեասյանը։ Նա խոստացել էր միջին մասնագիտական կրթությամբ ուսուցիչներին աջակցել բարձրագույն կրթություն ստանալու կամ ցանկության դեպքում այլ աշխատանքի տեղավորվելու հարցում։
