https://arm.sputniknews.ru/20240208/vov-gvoghanum-e-tvogh-gna-pataskhanatvutjun-kri-pashinjany-intensiv-ajgineri-tsragri-masin-72065615.html
Ով գողանում է, թող գնա պատասխանատվություն կրի. Փաշինյանը` ինտենսիվ այգիների ծրագրի մասին
Ով գողանում է, թող գնա պատասխանատվություն կրի. Փաշինյանը` ինտենսիվ այգիների ծրագրի մասին
Sputnik Արմենիա
ՀՀ էկոնոմիկայի նախարարը տեղեկացրեց, որ հայտնաբերված խախտումներն ընդամենը 234 մլն դրամ են կազմել, որն ընդհանուր ծավալի 0.2 տոկոսն է կազմում։ 08.02.2024, Sputnik Արմենիա
2024-02-08T12:17+0400
2024-02-08T12:17+0400
2024-02-08T15:06+0400
հայաստան
այգի
նիկոլ փաշինյան
վահան քերոբյան
https://cdn.am.sputniknews.ru/img/07e8/01/04/70759950_0:0:1600:900_1920x0_80_0_0_71e1cda6bc2443b8d4b4dc9e3ee8cef8.jpg
ԵՐԵՎԱՆ, 8 փետրվարի – Sputnik. Ինտենսիվ այգիների սուբսիդավորման ծրագիրը երկարաձգվեց մինչև 2025թ. վերջ։ ՀՀ կառավարությունն այդ մասին որոշում ընդունեց այսօրվա նիստում։Նշենք, որ ՀՀ էկոնոմիկայի նախարարության պաշտոնյաների շուրջ բարձրացած կոռուպցիոն սկանդալը վերաբերում է նաև այս ծրագրին։ՀՀ էկոնոմիկայի նախարար Վահան Քերոբյանը, խոսելով ծրագրի մասին, հայտնեց, որ նախորդ հինգ տարիներին 7 000 հա հողի վրա ինտենսիվ այգիներ հիմնելու պայմանագրեր են կնքվել, որի արդյունքում գյուղատնտեսության այս ենթաճյուղում ներդրվել է ավելի քան 100 մլրդ դրամ։«Գերնորմատիվային հողերի սուբսիդավորման արտոնությունը վերացնում ենք, այսինքն` հիմա ներդրողները կամ ֆերմերները, որոնք ինտենսիվ այգիներ են տնկում, հողերից կախված որևէ առավելություն չեն ստանա, քանի որ կաթիլային ոռոգման պարագայում ջրի ծախսը գրեթե նույնն է մնում»,– հայտարարեց Քերոբյանը։ՀՀ վարչապետ Նիկոլ Փաշինյանն իր հերթին նշեց, որ այս ծրագիրը ՀՀ կառավարության համար ռազմավարական նշանակություն ունեցող ոլորտ է, քանի որ ջրային պաշարների ու հողերի ճիշտ կառավարման արդյունքում պետք է ակտիվացնել ինտենսիվ գյուղատնտեսությունը։Նրա խոսքով` պետությունը պետք է աջակցի, որ տարեկան առնվազնը 1000 հա այգի հիմնվի։Քերոբյանը նշեց, որ իրավապահների հայտնաբերած վերջին խախտումներն ընդամենը 234 մլն դրամի մասին են, որն ընդհանուր ծավալի 0.2 տոկոսն է կազմում։«Այստեղ ոչ թե գողության մասին է խոսքը, այլ տնտեսվարողների կողմից խարդախությունների մասին»,– պարզաբանեց նախարարը։Փաշինյանն իր հերթին նշեց, որ երբեմն գործադիր մարմնի ընթացակարգներն այնպես խճճված են լինում, որ սատանան անգամ երբեմն գլուխ չի հանի, թե ինչպես են դրանք աշխատում։ Այս դեպքում, ըստ նրա, սկզբունքը մեկն է` հասկանալ` ի վերջո, բյուջեից փող տարվել է, թե ոչ։Հիշեցնենք, որ ինտենսիվ այգիների ստեղծման աջակցությունը սկսել է Կարեն Կարապետյանի կառավարությունն ու ընդլայնել ներկայիս իշխանությունը: Ըստ գործող աջակցության ծրագրերի՝ բոլոր նրանք, ովքեր ուզում են մինչև 100 հեկտար ինտենսիվ այգի հիմնել, վարկային տոկոսադրույքների սուբսիդիաներ են ստանում, իսկ նրանք, ովքեր փոքր ու միջին այգի են հիմնում (մինչև 5 հեկտար), ծախսերի 50%-ի փոխհատուցում են ստանում։Փաշինյանը դժգոհեց Սևանա լճում սիգ որսալու քվոտայի ցածր իրացումից
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, այգի, նիկոլ փաշինյան, վահան քերոբյան
հայաստան, այգի, նիկոլ փաշինյան, վահան քերոբյան
Ով գողանում է, թող գնա պատասխանատվություն կրի. Փաշինյանը` ինտենսիվ այգիների ծրագրի մասին
12:17 08.02.2024 (Թարմացված է: 15:06 08.02.2024) ՀՀ էկոնոմիկայի նախարարը տեղեկացրեց, որ հայտնաբերված խախտումներն ընդամենը 234 մլն դրամ են կազմել, որն ընդհանուր ծավալի 0.2 տոկոսն է կազմում։
ԵՐԵՎԱՆ, 8 փետրվարի – Sputnik. Ինտենսիվ այգիների սուբսիդավորման ծրագիրը երկարաձգվեց մինչև 2025թ. վերջ։ ՀՀ կառավարությունն այդ մասին որոշում ընդունեց այսօրվա նիստում։
Նշենք, որ ՀՀ էկոնոմիկայի նախարարության պաշտոնյաների շուրջ բարձրացած կոռուպցիոն սկանդալը վերաբերում է նաև այս ծրագրին։
ՀՀ էկոնոմիկայի նախարար Վահան Քերոբյանը, խոսելով ծրագրի մասին, հայտնեց, որ նախորդ հինգ տարիներին 7 000 հա հողի վրա ինտենսիվ այգիներ հիմնելու պայմանագրեր են կնքվել, որի արդյունքում գյուղատնտեսության այս ենթաճյուղում ներդրվել է ավելի քան 100 մլրդ դրամ։
«Գերնորմատիվային հողերի սուբսիդավորման արտոնությունը վերացնում ենք, այսինքն` հիմա ներդրողները կամ ֆերմերները, որոնք ինտենսիվ այգիներ են տնկում, հողերից կախված որևէ առավելություն չեն ստանա, քանի որ կաթիլային ոռոգման պարագայում ջրի ծախսը գրեթե նույնն է մնում»,– հայտարարեց Քերոբյանը։
ՀՀ վարչապետ Նիկոլ Փաշինյանն իր հերթին նշեց, որ այս ծրագիրը ՀՀ կառավարության համար ռազմավարական նշանակություն ունեցող ոլորտ է, քանի որ ջրային պաշարների ու հողերի ճիշտ կառավարման արդյունքում պետք է ակտիվացնել ինտենսիվ գյուղատնտեսությունը։
Նրա խոսքով` պետությունը պետք է աջակցի, որ տարեկան առնվազնը 1000 հա այգի հիմնվի։
«Պարոն նախարար, ձեր նշած 7000 հա–ն օբյեկտիվ թիվ չէ, քանի որ մենք դեպքեր ունենք, երբ բացահայտվել են որոշ չարաշահումներ, որ ինտենսիվ այգի չկա, սակայն սուբսիդավորումը կա։ Հարց կծագի` ինչո՞ւ ենք այդ պայմաններում այս ծրագիրը շարունակում։ Ուղղակի պետք է ՀՀ կառավարության մեր գործն իրավապահ մարմինների գործից տարբերակվի։ Ով գողանում է, թող գնա պատասխանատվություն կրի։ Եթե չարաշահող մի 10 ընկերության պատճառով այդ ոլորտը պետք է ոչնչացնենք, դա նշանակում է, որ ՀՀ ապագան ենք ոչնչացնում»,– հայտարարեց Փաշինյանը։
Քերոբյանը նշեց, որ իրավապահների հայտնաբերած վերջին խախտումներն ընդամենը 234 մլն դրամի մասին են, որն ընդհանուր ծավալի 0.2 տոկոսն է կազմում։
«Այստեղ ոչ թե գողության մասին է խոսքը, այլ տնտեսվարողների կողմից խարդախությունների մասին»,– պարզաբանեց նախարարը։
Փաշինյանն իր հերթին նշեց, որ երբեմն գործադիր մարմնի ընթացակարգներն այնպես խճճված են լինում, որ սատանան անգամ երբեմն գլուխ չի հանի, թե ինչպես են դրանք աշխատում։ Այս դեպքում, ըստ նրա, սկզբունքը մեկն է` հասկանալ` ի վերջո, բյուջեից փող տարվել է, թե ոչ։
Հիշեցնենք, որ ինտենսիվ այգիների ստեղծման աջակցությունը սկսել է Կարեն Կարապետյանի կառավարությունն ու ընդլայնել ներկայիս իշխանությունը:
Ըստ գործող աջակցության ծրագրերի՝ բոլոր նրանք, ովքեր ուզում են մինչև 100 հեկտար ինտենսիվ այգի հիմնել, վարկային տոկոսադրույքների սուբսիդիաներ են ստանում, իսկ նրանք, ովքեր փոքր ու միջին այգի են հիմնում (մինչև 5 հեկտար), ծախսերի 50%-ի փոխհատուցում են ստանում։
