Ադրբեջանում ԵՄ դեսպանը հերքել է ՀՀ–ում ԵՄ դիտորդների հասցեին մեղադրանքները
16:33 06.02.2024 (Թարմացված է: 17:21 19.02.2024)
© Photo : X / European Union Mission in ArmeniaԵՄ առաքելության դիտորդները Հայաստանում
![ԵՄ առաքելության դիտորդները Հայաստանում ԵՄ առաքելության դիտորդները Հայաստանում - Sputnik Արմենիա, 1920, 06.02.2024](https://cdn.am.sputniknews.ru/img/07e7/0b/16/68976780_0:150:1600:1050_1920x0_80_0_0_7728059cb8d8a75ff29295ade99ec635.jpg)
© Photo : X / European Union Mission in Armenia
Բաժանորդագրվել
Նա ևս մեկ անգամ հիշեցրել է, որ ԵՄ առաքելության ներկայությունն ուղղված է կայունության խթանմանը։
ԵՐԵՎԱՆ, 6 փետրվարի – Sputnik. Ադրբեջանում ԵՄ դեսպան Պետեր Միչալկոն հերքել է Հայաստանում ԵՄ դիտորդների հասցեին մեղադրանքները, որոնք իբր թե ինչ-որ բան են ծրագրում Ադրբեջանի դեմ։ Այս մասին նա գրել է X—ի միկրոբլոգում։
I regret that in the recent days, some media in Azerbaijan published absolutely baseless allegations against the EU Mission in Armenia. I underline that EUMA is a civilian, unarmed mission & its mandate is to observe. The presence of the mission aims to contribute to stability &…
— Peter Michalko (@MichalkoPeter) February 6, 2024
Նա հիշեցրել է, որ ԵՄ առաքելությունը քաղաքացիական է և անզեն։
«Ցավում եմ, որ վերջին օրերին Ադրբեջանում որոշ լրատվամիջոցներ բացարձակապես անհիմն մեղադրանքներ են հրապարակել Հայաստանում ԵՄ առաքելության հասցեին»,– գրել է նա։
Նա ևս մեկ անգամ հիշեցրել է, որ ԵՄ առաքելության ներկայությունն ուղղված է կայունության խթանմանը և վստահության ամրապնդմանը։
Հիշեցնենք, որ 2023 թվականի փետրվարի 20-ին Հայաստանում տեղակայվել էր 100 անձից բաղկացած ԵՄ քաղաքացիական առաքելությունը՝ երկու տարի ժամկետով, որը վերահսկում էր իրավիճակը հայ-ադրբեջանական սահմանին։ Երրորդ երկրներից առաքելությանը միացել է Կանադան, հետաքրքրություն են ցուցաբերել նաև այլ երկրներ։
2023 թվականի սեպտեմբերին առաքելության շտաբ է բացվել Եղեգնաձորում։
ԵՄ երկրների արտգործնախարարները 2023-ի դեկտեմբերի 11-ին որոշում են ընդունել 50 տոկոսով ավելացնել Հայաստանում ԵՄ քաղաքացիական առաքելության թիվը՝ 138 աշխատակցից հասցնելով 209-ի: