https://arm.sputniknews.ru/20240205/tiran-khachatrjani-masnakcutjamb-mijadepi-nakhaqnnutjunn-avartvel-e-inch-e-parzel-qkn-71970872.html
Տիրան Խաչատրյանի մասնակցությամբ միջադեպի նախաքննությունն ավարտվել է. ի՞նչ է պարզել ՔԿ–ն
Տիրան Խաչատրյանի մասնակցությամբ միջադեպի նախաքննությունն ավարտվել է. ի՞նչ է պարզել ՔԿ–ն
Sputnik Արմենիա
ԳՇ պետի նախկին տեղակալի արձակած կրակոցից վիրավորվել է հացատան հաճախորդներից մեկը։ 05.02.2024, Sputnik Արմենիա
2024-02-05T19:16+0400
2024-02-05T19:16+0400
2024-02-05T19:19+0400
տիրան խաչատրյան
խուլիգանություն
զենք
հհ քննչական կոմիտե
քննչական կոմիտե
հայաստան
https://cdn.am.sputniknews.ru/img/07e7/0c/04/69561154_0:7:1600:907_1920x0_80_0_0_48cc9d0c2cfdcfc5c430b15b6be1f8b6.jpg
ԵՐԵՎԱՆ, 5 փետրվարի – Sputnik․ 2024թ․ Կոտայքի մարզի Արամուս գյուղում հունվարի 12-ին ՀՀ ԶՈւ գլխավոր շտաբի պետի նախկին տեղակալ Տիրան Խաչատրյանի մասնակցությամբ միջադեպի նախաքննությունն ավարտվել է։ Տեղեկությունը հայտնում է ՀՀ քննչական կոմիտեի մամուլի ծառայությունը։Հունվարի 12-ին հայտնի դարձավ, որ ԶՈւ գլխավոր շտաբի պետի նախկին տեղակալը ձերբակալվել է։ Ըստ ԶԼՄ–ների` հունվարի 11–ին Կոտայքի մարզում` «Էրիկի մոտ» հացատանը, խնջույքի ընթացքում վիճաբանություն է եղել մոտ 10 անձի միջև, որի ժամանակ Տիրան Խաչատրյանը պարգևատրված զենքով կրակոցներ է արձակել։ Միջադեպի ժամանակ Արցախի բնակիչ Հրայր Մնացականյանը մարմնական վնասվածքներ է ստացել և տեղափոխվել հիվանդանոց։Իրականացված մեծածավալ և բազմակողմանի քննությամբ հայտնի են դարձել միջադեպի մի շարք մանրամասներ։Մասնավորապես պարզվել է, որ վիճաբանության վայրից Տիրան Խաչատրյանը սկզբում հեռացել է, այնուհետև, ըստ հաղորդագրության, ներքուստ չհաշտվելով տեղի ունեցածի հետ, վերցնելով լիցքավորված «CZ 75 SP 01 Tactical» տեսակի ատրճանակը, իր անձնական օգտագործման ավտոմեքենայով միայնակ վերադարձել է հացատան տարածք՝ պարզաբանումներ ստանալու։Վիճաբանության ընթացքում Տիրան Խաչատրյանն ատրճանակից օդ է կրակել, իսկ երբ ներկաները ցանկացել են կանգնեցնել նրան և ձեռքից վերցնել ատրճանակը, արձակել է ևս մեկ կրակոց, ինչի հետևանքով անզգուշությամբ աջ դաստակի շրջանում հրազենային վիրավորում է ստացել հացատան մեկ այլ առանձնասրահից դուրս եկած հաճախորդներից մեկը, որի առողջությանը պատճառվել է թեթև վնաս։2024թ. հունվարի 12-ին վերոնշյալ 4 անձինք ձերբակալվել են։2024թ. հունվարի 13-ին Տիրան Խաչատրյանին մեղադրանք է ներկայացվել ՀՀ քրեական օրենսգրքի 297-րդ հոդվածի 3-րդ մասով նախատեսված հանցավոր արարք կատարելու համար։ Նրա նկատմամբ որպես խափանման միջոց է ընտրվել կալանքը։Մյուս երեք անձանցից մեկին մեղադրանք է ներկայացվել ՀՀ քրեական օրենսգրքի 297-րդ հոդվածի 2-րդ մասի 1-ին կետով և 195-րդ հոդվածի 2-րդ մասի 5-րդ կետով, երկուսին՝ ՀՀ քրեական օրենսգրքի 297-րդ հոդվածի 2-րդ մասի 1-ին կետով։ Վերջիններից մեկի նկատմամբ ևս որպես խափանման միջոց է ընտրվել կալանքը։Նախաքննությունն ավարտվել է։ 4 անձանց վերաբերյալ մեղադրական եզրակացությամբ նյութերն ուղարկվել են հսկողություն իրականացնող դատախազի հաստատմանը։
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տիրան խաչատրյան, խուլիգանություն, զենք, հհ քննչական կոմիտե, քննչական կոմիտե, հայաստան
տիրան խաչատրյան, խուլիգանություն, զենք, հհ քննչական կոմիտե, քննչական կոմիտե, հայաստան
Տիրան Խաչատրյանի մասնակցությամբ միջադեպի նախաքննությունն ավարտվել է. ի՞նչ է պարզել ՔԿ–ն
19:16 05.02.2024 (Թարմացված է: 19:19 05.02.2024) ԳՇ պետի նախկին տեղակալի արձակած կրակոցից վիրավորվել է հացատան հաճախորդներից մեկը։
ԵՐԵՎԱՆ, 5 փետրվարի – Sputnik․ 2024թ․ Կոտայքի մարզի Արամուս գյուղում հունվարի 12-ին ՀՀ ԶՈւ գլխավոր շտաբի պետի նախկին տեղակալ Տիրան Խաչատրյանի մասնակցությամբ միջադեպի նախաքննությունն ավարտվել է։ Տեղեկությունը հայտնում է
ՀՀ քննչական կոմիտեի մամուլի ծառայությունը։
Հունվարի 12-ին
հայտնի դարձավ, որ ԶՈւ գլխավոր շտաբի պետի նախկին տեղակալը ձերբակալվել է։ Ըստ ԶԼՄ–ների` հունվարի 11–ին Կոտայքի մարզում` «Էրիկի մոտ» հացատանը, խնջույքի ընթացքում վիճաբանություն է եղել մոտ 10 անձի միջև, որի ժամանակ Տիրան Խաչատրյանը պարգևատրված զենքով կրակոցներ է արձակել։ Միջադեպի ժամանակ Արցախի բնակիչ Հրայր Մնացականյանը մարմնական վնասվածքներ է ստացել և տեղափոխվել հիվանդանոց։
Իրականացված մեծածավալ և բազմակողմանի քննությամբ հայտնի են դարձել միջադեպի մի շարք մանրամասներ։
Մասնավորապես պարզվել է, որ վիճաբանության վայրից Տիրան Խաչատրյանը սկզբում հեռացել է, այնուհետև, ըստ հաղորդագրության, ներքուստ չհաշտվելով տեղի ունեցածի հետ, վերցնելով լիցքավորված «CZ 75 SP 01 Tactical» տեսակի ատրճանակը, իր անձնական օգտագործման ավտոմեքենայով միայնակ վերադարձել է հացատան տարածք՝ պարզաբանումներ ստանալու։
«Հացատան բակում վերջինս կրկին շուրջ 10 րոպե ծեծկռտուքի մեջ է մտել նույն անձի և վերջինիս միացած ևս 2 անձի հետ, որի ընթացքում նրանք ձեռքերով ու ոտքերով բազմաթիվ հարվածներ են հասցրել միմյանց, տվել են հայհոյանքներ, հնչեցրել անպարկեշտ արտահայտություններ, միմյանց պատճառել մարմնական վնասվածքներ»,- տեղեկացնում են ՔԿ-ից։
Վիճաբանության ընթացքում Տիրան Խաչատրյանն ատրճանակից օդ է կրակել, իսկ երբ ներկաները ցանկացել են կանգնեցնել նրան և ձեռքից վերցնել ատրճանակը, արձակել է ևս մեկ կրակոց, ինչի հետևանքով անզգուշությամբ աջ դաստակի շրջանում հրազենային վիրավորում է ստացել հացատան մեկ այլ առանձնասրահից դուրս եկած հաճախորդներից մեկը, որի առողջությանը պատճառվել է թեթև վնաս։
2024թ. հունվարի 12-ին վերոնշյալ 4 անձինք ձերբակալվել են։
2024թ. հունվարի 13-ին Տիրան Խաչատրյանին մեղադրանք է ներկայացվել ՀՀ քրեական օրենսգրքի 297-րդ հոդվածի 3-րդ մասով նախատեսված հանցավոր արարք կատարելու համար։ Նրա նկատմամբ որպես խափանման միջոց է ընտրվել կալանքը։
Մյուս երեք անձանցից մեկին մեղադրանք է ներկայացվել ՀՀ քրեական օրենսգրքի 297-րդ հոդվածի 2-րդ մասի 1-ին կետով և 195-րդ հոդվածի 2-րդ մասի 5-րդ կետով, երկուսին՝ ՀՀ քրեական օրենսգրքի 297-րդ հոդվածի 2-րդ մասի 1-ին կետով։ Վերջիններից մեկի նկատմամբ ևս որպես խափանման միջոց է ընտրվել կալանքը։
Նախաքննությունն ավարտվել է։ 4 անձանց վերաբերյալ մեղադրական եզրակացությամբ նյութերն ուղարկվել են հսկողություն իրականացնող դատախազի հաստատմանը։
