https://arm.sputniknews.ru/20240127/fitch-y-2024-tvakanin-hajastanum-6-tntesakan-atsh-e-kankhatesum-71612071.html
Fitch-ը 2024 թվականին Հայաստանում 6% տնտեսական աճ է կանխատեսում
Fitch-ը 2024 թվականին Հայաստանում 6% տնտեսական աճ է կանխատեսում
Sputnik Արմենիա
Գործակալությունը նախորդ տարվանից պահպանել է Հայաստանի վարկանիշը «BB-» մակարդակում։ 27.01.2024, Sputnik Արմենիա
2024-01-27T21:00+0400
2024-01-27T21:00+0400
2024-01-27T21:00+0400
հայաստան
տնտեսություն
fitch
https://cdn.am.sputniknews.ru/img/07e6/09/05/47753266_0:0:1601:901_1920x0_80_0_0_a32c62bcc42c2c02002ed8867510d19c.jpg
ԵՐԵՎԱՆ, 27 հունվարի – Sputnik. Fitch Ratings միջազգային վարկանիշային գործակալության կանխատեսմամբ՝ 2024 թվականին Հայաստանի տնտեսական աճը կկազմի 6%, իսկ 2025 թվականին՝ 4,9%։ Տեղեկությունը նշված է գործակալության հաղորդագրության մեջ:Գործակալության վերլուծաբանների գնահատմամբ՝ Հայաստանում երկրորդ տարին անընդմեջ ուժեղ տնտեսական աճ է նկատվում, ընդ որում՝ իրական ՀՆԱ-ն 2023 թվականին աճել է 7,4%-ով։ Աճն ապահովվել է ռելոկանտների հաշվին, ինչը հանգեցրել է երկրում սպառման ավելացման, ինչպես նաև Լեռնային Ղարաբաղից շուրջ 110 000 փախստականների ներհոսքի հաշվին:Եվ այնուամենայնիվ, պահպանելով Հայաստանի վարկանիշը «BB-» մակարդակում, Fitch-ը երկրի տնտեսության համար աշխարհաքաղաքական ռիսկեր է տեսնում։Նշվում է, որ Հայաստանը ներկայումս փորձում է խաղաղության համաձայնագիր կնքել Ադրբեջանի հետ այն բանից հետո, երբ վերջինս գրավել է Լեռնային Ղարաբաղի տարածքը:Fitch-ի փորձագետները պնդում են, որ Հայաստանի տնտեսությունը մեծապես կախված է եղել Ռուսաստանից առևտրի ու էներգետիկայի ոլորտում, և Fitch-ը չի ակնկալում, որ մոտ ապագայում էական դիվերսիֆիկացիա տեղի կունենա:Սակայն, միևնույն ժամանակ, վերլուծաբանները նշել են, որ Հայաստանի հարաբերությունները Ռուսաստանի հետ շարունակում են լարված մնալ։ Նշվում է, որ Հայաստանը շարունակում է արևմտյան պատժամիջոցներ կիրառել՝ ուղղված բանկային ոլորտում ռուսական ձեռնարկությունների դեմ:Այնուամենայնիվ, 2021 թվականից ապրանքների արտահանումը Ռուսաստան աճել է գրեթե 300%-ով, իսկ Ռուսաստանին բաժին է ընկել արտահանման 51%-ը և ներմուծման 30%-ը:
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, տնտեսություն, fitch
հայաստան, տնտեսություն, fitch
Fitch-ը 2024 թվականին Հայաստանում 6% տնտեսական աճ է կանխատեսում
Գործակալությունը նախորդ տարվանից պահպանել է Հայաստանի վարկանիշը «BB-» մակարդակում։
ԵՐԵՎԱՆ, 27 հունվարի – Sputnik. Fitch Ratings միջազգային վարկանիշային գործակալության կանխատեսմամբ՝ 2024 թվականին Հայաստանի տնտեսական աճը կկազմի 6%, իսկ 2025 թվականին՝ 4,9%։ Տեղեկությունը նշված է գործակալության հաղորդագրության մեջ:
Գործակալության վերլուծաբանների գնահատմամբ՝ Հայաստանում երկրորդ տարին անընդմեջ ուժեղ տնտեսական աճ է նկատվում, ընդ որում՝ իրական ՀՆԱ-ն 2023 թվականին աճել է 7,4%-ով։ Աճն ապահովվել է ռելոկանտների հաշվին, ինչը հանգեցրել է երկրում սպառման ավելացման, ինչպես նաև Լեռնային Ղարաբաղից շուրջ 110 000 փախստականների ներհոսքի հաշվին:
Եվ այնուամենայնիվ, պահպանելով Հայաստանի վարկանիշը «BB-» մակարդակում, Fitch-ը երկրի տնտեսության համար աշխարհաքաղաքական ռիսկեր է տեսնում։
Նշվում է, որ Հայաստանը ներկայումս փորձում է խաղաղության համաձայնագիր կնքել Ադրբեջանի հետ այն բանից հետո, երբ վերջինս գրավել է Լեռնային Ղարաբաղի տարածքը:
«Մեր կարծիքով` աշխարհաքաղաքական ռիսկերը պահպանվում են, քանի որ երկու երկրների միջև մնում են մի քանի վիճելի հարցեր, ներառյալ Ադրբեջանի և Նախիջևանի միջև ցամաքային հաղորդակցության կառուցումը, որը կանցնի Հայաստանի տարածքով, և սահմանի սահմանազատումը որոշ հատվածներում», – նշվում է հաղորդագրության մեջ:
Fitch-ի փորձագետները պնդում են, որ Հայաստանի տնտեսությունը մեծապես կախված է եղել Ռուսաստանից առևտրի ու էներգետիկայի ոլորտում, և Fitch-ը չի ակնկալում, որ մոտ ապագայում էական դիվերսիֆիկացիա տեղի կունենա:
Սակայն, միևնույն ժամանակ, վերլուծաբանները նշել են, որ Հայաստանի հարաբերությունները Ռուսաստանի հետ շարունակում են լարված մնալ։ Նշվում է, որ Հայաստանը շարունակում է արևմտյան պատժամիջոցներ կիրառել՝ ուղղված բանկային ոլորտում ռուսական ձեռնարկությունների դեմ:
Այնուամենայնիվ, 2021 թվականից ապրանքների արտահանումը Ռուսաստան աճել է գրեթե 300%-ով, իսկ Ռուսաստանին բաժին է ընկել արտահանման 51%-ը և ներմուծման 30%-ը:
