https://arm.sputniknews.ru/20240126/inchpes-lutsel-taparvogh-shneri-khndiry-qnnarkum-azgajin-zhvoghvovum-71541306.html

Ինչպես լուծել թափառող շների խնդիրը. քննարկում Ազգային ժողովում

Ինչպես լուծել թափառող շների խնդիրը. քննարկում Ազգային ժողովում

Sputnik Արմենիա

Երևանում թափառող շների խնդիրը շարունակում է ակտուալ մնալ, քանի որ հարցերը շատ են, իսկ լուծմները ժամանակ են պահանջում։ 26.01.2024, Sputnik Արմենիա

2024-01-26T15:38+0400

2024-01-26T15:38+0400

2024-01-26T15:38+0400

աժ (ազգային ժողով)

թափառող շներ

քննարկում

հայաստան

ստերջացում

կացարան

https://cdn.am.sputniknews.ru/img/160/03/1600373_0:0:1601:901_1920x0_80_0_0_382b1625e2821b1943d37e96e955be27.jpg

ԵՐԵՎԱՆ, 26 հունվարի - Sputnik. Երևանում վերջին տարիներին թափառող շների գլխաքանակը կրճատվել է` շնորհիվ ստերջացման ծրագրի, սակայն դեռ կան թափառող շներ, որոնք դժվար բռնվող են և շարունակում են ձագեր ունենալ։ Առաջիկայում «Կենդանիների խնամքի կենտրոն» ՀՈԱԿ–ի աշխատակիցները կկարողանան նման շներին ևս բռնել և ստերջացնել։ Տեղեկությունը ԱԺ–ում «Թափառող կենդանիների խնդիրները Հայաստանում» խորագրով քննարկման ժամանակ հայտարարեց ՀՈԱԿ–ի տնօրեն Հարություն Առաքելյանը։Նշենք, որ քննարկմանը մասնակցում էին ինչպես ոլորտի մասնագետները, այնպես էլ կենդանասերները, որոնք եկել էին իրենց հուզող հարցերի պատասխանները ստանալու։ Վերջին ժամանակահատվածում թափառող շների հետ կապված հարցերը կրկին սրվել են հատկապես Սուրենավանում անչափահաս երեխայի մահվան դեպքից հետո, որը շներից փախչելիս ընկել էր ու գլուխը հարվածել քարին։ Շատ մեծ խնդիր է նաև այն, որ գրեթե բոլոր մարզերում շների ստերջացում չի իրականացվում։ Հայտարարված մրցույթներն ուղղակի չեն կայանում։Նա նաև անդրադարձավ կենդանասերների այն մեղադրանքներին, թե կենդանիները ՀՈԱԿ–ում անհետանում են։«Սա չփաստարկված տեղեկություն է»,–ասաց Առաքելյանը` բացատրելով, որ ինչ–որ կենդանիներ կարող են ծանր հիվանդության պատճառով ենթարկվել քնեցման, պատահում է նաև, որ թափառող կենդանիներին ոչ թե պահում են կազմակերպությունում, այլ բաց թողնում այլ տարածքում` ելնելով նրանց անվտանգությունից (երբեմն քաղաքացիները սպառնում են, որ եթե շները վերադարձվեն տարածք, նրանց կսատկացնեն)։Նա նաև հայտնեց, որ առաջիկայում նախատեսում են կացարաններ կառուցել թափառող շների համար։ Այնտեղ կբնակվեն հիմնականում այն շները, որոնցից տերերը հրաժարվել են, և նրանք, որոնց նախկին տարածք վերադարձնելը վտանգավոր կլինի։Թափառող շների խնդիրը Հայաստանում սրվում է․ Գնել ՍանոսյանԿենդանասերներն իրենց մտահոգությունների շարքում առանձնացրին հատկապես այն, որ այժմ Երևանի քաղաքապետարանն ունի միասնական թեժ գիծ, իսկ ՀՈԱԿ–ի թեժ գիծն այլևս հասանելի չէ։Իր հերթին Առաքելյանը նշեց, որ դա քաղաքապետարանի միասնական մոտեցումն է, փոխարենն իրենց հետ կարելի է կապ հաստատել «Ֆեյսբուքի» միջոցով։ Դա երբեմն ավելի դրական ազդեցություն է ունենում, քանի որ մարդիկ ուղղակի շան նկարն ուղարկում են և ստանում համապատասխան տեղեկատվություն։Նշենք, որ 2022 թվականին ՀՈԱԿ–ը ստերջացրել, պատվաստել է 2164 թափառող շան, 2023 թվականին` 2045։ 2022 թվականին քնեցվել կամ անկել է 878 շուն, 2023 թվականին` 603։Քննարկմանը ներկա ոստիկանության պետի տեղակալ, ոստիկանության գնդապետ Կարեն Հակոբյանն էլ տեղեկացրեց, որ 2022 թվականին ՀՀ տարածքում թափառող կենդանիների` մարդկանց վրա հարձակման դեպքերը կազմել են 133, 2023 թվականին` 134, 2024 թվականի հունվարին` 5։Երևանում թափառող շների համար կացարաններ կկառուցվեն, կենդանասերները կօգնենՆշված հաղորդումներով միջնորդություններ են ներկայացվել տեղական ինքնակառավարման մարմիններին կենդանիների վնասազերծման և խնամքի կենտրոններ տեղափոխելու նպատակով։Կենդանիների նկատմամբ դաժան վերաբերմունքի դեպքերը 2022 թվականին կազմել են 19, 2023 թվականին`45 դեպք, 2024 թվականի հունվարին` 3 դեպք։Նշված բոլոր դեպքերով նախաձեռնվել են քրեական վարույթներ։2022 թվականին քրեական հետապնդման է ենթարկվել 3 մարդ, 2023–ին` 2, 2024 թվականին քրեական հետապնդում դեռ չի հարուցվել։ Նշված դեպքերով 5 անձանցից 4–ի վերաբերյալ վարույթները կարճվել են, իսկ 1–ի մասով գործն ուղարկվել է դատարան։

2024

Լուրեր

am_HY

աժ (ազգային ժողով), թափառող շներ, քննարկում, հայաստան, ստերջացում, կացարան