https://arm.sputniknews.ru/20240126/hajastany-ev-vrastany-qnnarkum-en-hamategh-maqsajin-hskvoghutjan-mvodelnery-pashinjan-71549562.html
Հայաստանը և Վրաստանը քննարկում են համատեղ մաքսային հսկողության մոդելները. Փաշինյան
Հայաստանը և Վրաստանը քննարկում են համատեղ մաքսային հսկողության մոդելները. Փաշինյան
Sputnik Արմենիա
ՀՀ վարչապետը վստահ է` տնտեսական առաջընթաց արձանագրելու գործում կարևոր է հուսալի ենթակառուցվածքների առկայությունը։ 26.01.2024, Sputnik Արմենիա
2024-01-26T17:39+0400
2024-01-26T17:39+0400
2024-01-26T18:40+0400
մաքսազերծում
մաքսակետ
հայաստան
վրաստանի հանրապետություն
https://cdn.am.sputniknews.ru/img/07e8/01/1a/71550987_2:0:1600:899_1920x0_80_0_0_57733b533edd1c329c155b1b3d66977c.jpg
ԵՐԵՎԱՆ, 26 հունվարի – Sputnik. Հայաստանը և Վրաստանը քննարկում են սահմանային անցման կետերում համատեղ մաքսային հսկողության իրականացման մոդելները: Այս մասին Վրաստանի վարչապետ Իրակլի Ղարիբաշվիլիի հետ մամուլի ասուլիսի ժամանակ ասաց ՀՀ վարչապետ Նիկոլ Փաշինյանը։Նա նշեց, որ համատեղ քննարկումների ընթացքում անդրադարձել են Հարավային Կովկասի առևտրային և տրանսպորտային կապուղիների ապաշրջափակմանը, նոր հաղորդակցությունների ստեղծման հնարավորություններին։Նա ընդգծեց, որ մաքսային հսկողությանն առնչվող գործընթացը նշանակալի ազդեցություն կունենա մաքսային գործառույթների ժամկետների կրճատման, գործառույթների արդյունավետ կազմակերպման և բենռափոխադրումների պարզեցման տեսանկյունից։Անդրադառնալով նաև Հայաստանի և Վրաստանի միջև միջպետական սահմանի սահմանազատման գործընթացն ավարտին հասցնելու հարցին Փաշինյանը շեշտեց` Ղարիբաշվիլիի հետ պայմանավորվել են գործնական քայլեր ձեռնարկել այդ ուղղությամբ:«Գործընկերոջս տեղեկացրել եմ նաև Ադրբեջանի հետ հարաբերությունների կարգավորման ուղղությամբ Հայաստանի կառավարության կողմից գործադրվող ջանքերի մասին։ Ընդգծվել է, որ ռազմաշունչ և առավելապաշտական հռետորաբանությունը չի նպաստում կարգավորման գործընթացին»,– ասաց Փաշինյանը։Նա հույս հայտնեց, որ Ադրբեջանի նախագահական ընտրություններից հետո բանակցային գործընթացը լիարժեք ծավալ կստանա արդեն իսկ համաձայնեցված և հանրահայտ սկզբունքների հիման վրա խաղաղության պայմանագրի լրամշակումն ավարտին հասցնելու համար։
վրաստանի հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մաքսազերծում, մաքսակետ, հայաստան, վրաստանի հանրապետություն
մաքսազերծում, մաքսակետ, հայաստան, վրաստանի հանրապետություն
Հայաստանը և Վրաստանը քննարկում են համատեղ մաքսային հսկողության մոդելները. Փաշինյան
17:39 26.01.2024 (Թարմացված է: 18:40 26.01.2024) ՀՀ վարչապետը վստահ է` տնտեսական առաջընթաց արձանագրելու գործում կարևոր է հուսալի ենթակառուցվածքների առկայությունը։
ԵՐԵՎԱՆ, 26 հունվարի – Sputnik. Հայաստանը և Վրաստանը քննարկում են սահմանային անցման կետերում համատեղ մաքսային հսկողության իրականացման մոդելները: Այս մասին Վրաստանի վարչապետ Իրակլի Ղարիբաշվիլիի հետ մամուլի ասուլիսի ժամանակ ասաց ՀՀ վարչապետ Նիկոլ Փաշինյանը։
Նա նշեց, որ համատեղ քննարկումների ընթացքում անդրադարձել են Հարավային Կովկասի առևտրային և տրանսպորտային կապուղիների ապաշրջափակմանը, նոր հաղորդակցությունների ստեղծման հնարավորություններին։
«Տնտեսական առաջընթաց արձանագրելու գործում կարևորել ենք հուսալի ենթակառուցվածքների առկայությունը, ընդգծել հնարավոր փոխգործակցությունը տրանսպորտային ցանցերի, էներգետիկ համակարգերի, հեռահաղորդակցության և այլ նախագծերի շրջանակներում, որոնք միտված են տարածաշրջանային կապակցվածության բարելավմանն ու խորացմանը։ Այս համատեքստում երկու երկրների մաքսային մարմինների միջև ակտիվորեն քննարկվում է սահմանային անցման կետերում համատեղ մաքսային հսկողության իրականացման մոդելները»,– նշեց Փաշինյանը։
Նա ընդգծեց, որ մաքսային հսկողությանն առնչվող գործընթացը նշանակալի ազդեցություն կունենա մաքսային գործառույթների ժամկետների կրճատման, գործառույթների արդյունավետ կազմակերպման և բենռափոխադրումների պարզեցման տեսանկյունից։
Անդրադառնալով նաև Հայաստանի և Վրաստանի միջև միջպետական սահմանի սահմանազատման գործընթացն ավարտին հասցնելու հարցին Փաշինյանը շեշտեց` Ղարիբաշվիլիի հետ պայմանավորվել են գործնական քայլեր ձեռնարկել այդ ուղղությամբ:
«Գործընկերոջս տեղեկացրել եմ նաև Ադրբեջանի հետ հարաբերությունների կարգավորման ուղղությամբ Հայաստանի կառավարության կողմից գործադրվող ջանքերի մասին։ Ընդգծվել է, որ ռազմաշունչ և առավելապաշտական հռետորաբանությունը չի նպաստում կարգավորման գործընթացին»,– ասաց Փաշինյանը։
Նա հույս հայտնեց, որ Ադրբեջանի նախագահական ընտրություններից հետո բանակցային գործընթացը լիարժեք ծավալ կստանա արդեն իսկ համաձայնեցված և հանրահայտ սկզբունքների հիման վրա խաղաղության պայմանագրի լրամշակումն ավարտին հասցնելու համար։
