ԵԽԽՎ–ն կվիճարկի Ադրբեջանի պատվիրակության լիազորությունները
16:38 22.01.2024 (Թարմացված է: 16:39 22.01.2024)
Բաժանորդագրվել
Վեհաժողովը հարցը կքննարկի հունվարի 24–ին։
ԵՐԵՎԱՆ, 22 հունվարի – Sputnik. Եվրոպայի խորհրդի խորհրդարանական վեհաժողովը նախատեսում է քննարկել Ադրբեջանի պատվիրակության լիազորությունների չեղարկման հարցը։ Տեղեկությունը հրապարակվել է ԵԽԽՎ X–ի միկրոբլոգում։
«ԵԽԽՎ–ում Ադրբեջանի պատվիրակության լիազորությունները վիճարկվել են պատվիրակության կողմից պարտավորությունների չկատարման, ինչպես նաև համագործակցության բացակայության էական հիմքերով»,– նշված է վեհաժողովի հաղորդագրության մեջ:
Վեհաժողովը հարցի վերաբերյալ որոշում կկայացնի հունվարի 24–ի երեկոյան` քննարկումներից հետո:
The credentials of Azerbaijan's delegation to PACE have been challenged on the substantial grounds of a failure to honour obligations and commitments, and a lack of co-operation.
— PACE (@PACE_News) January 22, 2024
The Assembly decides on the issue after a debate on Wednesday evening.
More details soon... pic.twitter.com/pD1gOu1JHv
Ըստ լրատվամիջոցների հրապարակումների` երկրի դեմ պաշտոնական բողոք կլինի, քանի որ փետրվարին կայանալիք Ադրբեջանի նախագահական ընտրություններին ԵԽԽՎ դիտորդներ չեն հրավիրվել։ Բողոք կա նաև, որ Ադրբեջանը հրաժարվել է ԵԽԽՎ զեկուցողներին թույլ տալ Լաչինի միջանցք։
